Mboengqneix, Gveilinz Si Gunghcwngz Yauzcuz Swciyen Yinzda Cangzveijvei daengz Hocouh Si Cunghsanh Yen guh hozdung yinzda daibyauj hamj si doxgyau caeuq gyauliuz minzcuz doxgiet baenaj, song mbiengj caemhcaiq ciemdingh hezyi doxgap.

Song dieg yinzda daibyauj ngonzyawj le Aen Dieggiek Ndaembyaek Gunggangj Gungh’anh Cin、 Aen Suen Gunghyez ndaw yienh、Aen Suen Canjnieb Swnghguz Dunghyungz Gvangjsih（Cunghsanh）, doxhag gij guhfap ndei bae hwnqguh aen camh ciepgyaeuj、aeu rengz yinzda bang hwngfat canjnieb、guh minzcuz doxgiet baenaj daengj.

Song mbiengj caemh gangj daengz gij vwndiz vunzlai song dieg cungj gvansim haenx, lij ciemdingh 《Aen Hezyi Yinzda Daibyauj Hamj Si Doxgap》, Cunghsanh Yen Liengjanh Yauzcuz Yangh Yinzda Cangzveijvei、Gungh- cwngz Yauzcuz Swciyen Sanhgyangh Yangh Yinzda Cangzveijvei cix ciemdingh le 《Aen Hezyi Yinzda Daibyauj Hamj Si Caez Hwnq Aen Camh Ciepgyaeuj》《Mbaw Hezyi Hamj Si Caez Guh Minzcuz Doxgiet》.

Baez hozdung neix coicaenh yinzda hamj dieg dox- gap baenz rengzmbwk, doicaenh hong yinzda hwngfat youh ndei youh vaiq.

（蒙秋萍/Mungz Ciuhbingz）