Diuzloh hamj dah Sinhcin daengz Cunghsanh 6 nyied 30 hauh hwnq- baenz haidoeng. Cunghgung Cungh- yangh cungjsuhgi、Guekgya cujsiz、Cunghyangh Ginhveij cujsiz Siz Ginbingz fak saenq daeuj cukhoh, naeuz cukhoh haenqrem, caemhcaiq caensim camnai gyoengq boux caeuqfaenh gviveh hwnqguh.

Siz Ginbingz naeuz, diuzloh Sinh Cungh dwg aen gunghcwngz hungloet ndeu Yez Gangj Au Davanhgih hwnqbaenz, gunghcwngz dwg gaen- laeng Aen Giuz Hung Gangj Cuh Au hwnqbaenz, haekfug le haujlai aen nanzdaez dinfwngz seiqgyaiq gaep, cauh le lai hangh seiqgyaiq geiqloeg. Daengxcungq boux caeuqfaenh guh- hong gaenx guh、haenqheiq dingj guh. Guh ndei guh saed aen gunghcwngz, neix cungfaen gangjmingz, yiengh yendaiva Cungguek dwg guh okdaeuj, saehnieb hungmbwk cungj dwg caen guh cij baenz.

Siz Ginbingz daegbied gangj daengz, yamqlaeng, aeu guenj ndei yungh ndei diuzloh Sinh Cungh, baujmaenh yinhhengz ancienz、doengrad、soengsed, cungfaen fatok gij cozyung daiqdaeuz hai loh, coihawj Cuhgyanghgouj doeng sae song hamq doxyungz hwngfat, daezswng gij suijbingz Yez Gangj Au Davanhgih giekdaej sezsih “doxdoeng geng” caeuq gveihcwz gihci “doxdoeng unq”, doicaenh aen hawciengz caezcaemh Yez Gangj Au Davanhgih, engqndei bae fugsaeh baujcang Yez Gangj Au Davanhgih hwnqbaenz giz dingjcengj canloz gwzgiz hwngfat moq、dieg guhyiengh hwngfat ndei saed、dieg yinxlingx yiengh yendaiva Cungguek.

30 hauh banhaet, aen hozdung diuzloh Sinh Cungh haidoeng youq Sihyinzgunghdauj banh. Cunghgung Cunghyangh Cwngcigiz veijyenz、Gvangjdungh Swngjveij suhgi Vangz Gunhmingz dangciengz doeg fung saenq cukhoh Siz Ginbingz caemh- caiq naeuz diuzloh Sinh Cungh haidoeng.

Diuzloh Sinh Cungh dwg aen gunghcwngz gaemhanh youqgaenj Sinhcin daengz Cwnzhih guekgya gauhsuz goengloh hamj Cuhgyangh- gouj, loh raez daih’iek 24 goengleix. Hanghmoeg 2017 nienz 2 nyied haihong hwnqguh, ginggvaq hwnq 7 bi haidoeng, dwg daengx seiqgyaiq aen nduj gunghcwngz hamj haij gyonjcomz miz “giuz、dauj、deihgoeng、lajraemx doxdoeng”. Hanghmoeg doeng ci le, Sinhcin daengz Cunghsanh hai ci yaek daj gaxgonq 2 diemj cung noix daengz 30 faen cung.

(daj 《Sinhvazse》 aeu daeuj hoiz)