Mboengqneix, Nazboh Yen Bwz- swngj Yangh Menliengz Cunh Mbanj- bohvuj aen mbanj Yizcuz guh ciet gouzfwn bi gvaq baez. Ciet gouzfwn gaeuqgeq neix, mboujdan dwg maq- muengh fwn raemx cukdoh、haeux- liengz sou ndaej lai, hix dwg aen hozdung youqgaenj langhbaij caeuq cienzswnj Yizcuz vwnzva. 2012 nienz 5 nyied, ciet gouzfwn Yizcuz Nazboh ndaej liedhaeuj swcigih feihvuzciz vwnzva yizcanj hanghmoeg mingz- loeg.

Ngoenzciet ngoenzhaenx, gyoengq vunzmbanj ranzrongh couh nyaengq, caepcawq doxgaiq caeqbaiq caeuq haeuxbyaek ndei daihhek. Bouxmo ndang daenj buhvaq guhmo, youq bakmbanj guh doengh gij saeh gouzfwn, gangjok gyoengq vunzmbanj maqmuengh ndaej fwn raemx cuk- doh、haeuxliengz lai sou haeuj cang. Riengz boux cienzswnj ndaek gyong, mehmbwk Yizcuz ndang daenj buhvaq minzcuz haj saek haenx, humx doxgaiq caeqbaiq, dingq ndaek gyong bae diuq foux ciuhgeq.

Baez hozdung neix lij cingj mbanj henzgyawj Dabanjyauz、Lanz- denyauz、Myauzcuz、Bouxcuengh daengj vunzlai dem, caezgya angq- yangz doxcomz, eu fwen diuq foux, cimz laeujget gwn byaek feih, daengx aen mbanj gizgiz angqvauvau.

Baez hozdung neix hix yinx ndaej Bwzswz、Nanzningz、Yinznanz daengj bouxhek rog gih ndaw gih, gyoengqde daeuj yawjngonz roxnyinh aen ciet daj ciuhgeq cienz roengzdaeuj neix.

(Lij Bingz Lij Ginhmiz)