Mboengqneix, Cunghgung Cungh- yangh Bangunghdingh、Gozvuyen yaenqfat 《Aen Dunghcih Gvendaengz Guh Ndei Hong Senjbingz Doigawj Gij Guhyiengh Minzcuz Doxgiet Baenaj Daengx Guek》(baihlaj genjdanh heuh 《Dunghcih》). 《Dunghcih》 ceijok, Dangjcunghyangh、Gozvuyen giet- dingh, bineix baeznduj yungh aen mingzdaeuz Dangjcunghyangh、Goz- vuyen byaujcangh gij guhyiengh minzcuz doxgiet baenaj daengx guek.

《Dunghcih》 mingzbeg le gij cungjdaej iugouz hong senjbingz doigawj. Aeu yaengxsang fan geiz hungmbwk sevei cujyi miz daegsaek Cungguek, dingjmaenh aeu aen swhsiengj sevei cujyi miz daegsaek Cungguek seizdaih moq Siz Ginbingz guh dazyinx, haeujlaeg gvancez gij cingsaenz Ngeihcib Daih Dangj caeuq Aen Hoih Hong Minzcuz Cunghyangh, cienzmienh gvancez gij swhsiengj youqgaenj gyagiengz caeuq gaijndei hong minzcuz Siz Ginbingz cungj- suhgi, haeujlaeg roxyiuj gij giet- dinghsingq yiyi “song aen dinghlaeb”, demgiengz “seiq rox”, giendingh “seiq aen gagsaenq”、 guh daengz “song aen henhoh”, dingjmaenh dangj lingjdauj hong byaujcangh senjbingz, dingj- maenh cwngci byauhcunj, doedok aen iugouz diuz sienqmeh couqmaenh gij eiqsik caezcaemh Cunghvaz Minzcuz, doedok saedcik dazyiengq, nyinhcaen cungjgez bi 2019 byaujcangh gij guhyiengh minzcuz doxgiet baenaj daengx guek doxdaeuj, gij cingzcik caeuq gingniemh guek raeuz minzcuz doxgiet baenaj saehnieb aeundaej de, bingzsenj byaujcangh gij guhyiengh minzcuz doxgiet baenaj gak dieg gak hangz miz de, gvangqlangh senhconz saehsaed senhcin, dazyinx gak cuz bouxminz giendingh lai nyinhdoengz aen guekcoj hungmbwk、Cunghvaz Minzcuz、Cunghvaz vwnzva、Cunghgoz Gungcanjdangj、sevei cujyi miz daegsaek Cungguek, diuz roen moq doxgiet buekguh、seizdaih moq gaenx laebgoeng, buekguh mbouj soeng aeu yiengh yendaiva Cungguek cienz- mienh doicaenh yienghsaeh hwnqguh aen guek ak、minzcuz fukhwng.

《Dunghcih》 mingzbeg le gij gvaengxlaengx caeuq diuzgen senj- bingz doigawj. Bi 2019 doxdaeuj bouxvunz guhyiengh caeuq aen cizdij guhyiengh ok goengrengz lai hawj yienghsaeh minzcuz doxgiet baenaj guek raeuz cungj doigawj ndaej, boux hab diuzgen gvaqseiq ndaej gyaep hawj. Doigawj doiqsiengq youq ndaw hong doidoengh doeksaed couqmaenh gij eiqsik caezcaemh Cunghvaz Minzcuz gak hangh yinvu、gyagiengz hwnqguh aen gungdungzdij Cunghvaz Minzcuz aeundaej cingzcik yienhda. Gidij baugvat cauhlaeb aen gyaranz cingsaenz caezcaemh Cunghvaz Minzcuz、haeujlaeg guh gij eiqsik caezcaemh Cunghvaz Minzcuz lijlun yenzgiu caeuq senhconz gyauyuz、doidoengh dieg minzcuz saedyienh hwngfat ndei saed、henhoh guekgya doengjit caeuq fanjdui faenmbek、doidoengh gapdoih haeujcoengh caeuq baihdoeng baihsae doxgap、coihawj gak minzcuz dox baedauq doxgyau doxyungz、doicaenh hongsaeh minzcuz ceihleix dijhi caeuq ceihleix naengzlig yendaiva、fuengzre vaqgej gij hux- ndumj fungyiemj gizdieg minzcuz ndaej ndei、gyagiengz dieg minzcuz gihcwngz cujciz caeuq cwnggenz gensez caeuq fuengmienh wnq aen cizdij caeuq bouxvunz miz goenglauz hung.

《Dunghcih》 mingzbeg le gij iugouz guhhong caeuq cwngzsi senj- bingz doigawj. Aeu gyagiengz cujciz lingjdauj, saeqsim cujciz saedhengz, cietsaed fatok gij cozyung lingjdauj caeuq bajgvan dangjveij(dangjcuj). Aeu yiemzgek ciuq gvidingh biucinj、diuzgen caeuq cwngzsi, cienzmienh gaujcaz doigawj doiqsiengq cwngci suciz、cujyau cingzcik caeuq vunzlai ngaekgyaeuj cingzgvang. Aeu cung- faen fatyiengz minzcuj、gvangqlangh dingqaeu yigen, yawjnaek vunzlai bingzgyaq, baujmaenh goenghai goengbingz goengcingq.

(daj 《Sinhvazse》 aeu daj hoiz)