Gyawj geij bi neix, Gveilinz Si Hingh’anh Yen aeu “dangjgen daz- yinx、canjnieb hwngfat、vwnzva okrengz” doidoengh gak minzcuz gvangqlangh doxgyau dox baedauq doxyungz, caez veh fuk veh moq couqmaenh gij eiqsik caezcaemh Cunghvaz Minzcuz.

Dangjgen dazyinx, veh ndei “bonjsaek”. Hingh’anh dawz hwnq- guh minzcuz doxgiet baenaj yungz- haeuj “sam hoih it goq”、ngoenz cawj- daez aendangj、son’gyauq saekhoengz bae, laeb doengh aen doih lwnhgangj、gagnyienh fugsaeh. Bineix doxdaeuj, gak aen dangjcujciz ndaw yienh guh le 300 lai baez hozdung minzcuz doxgiet baenaj, daih’iek miz 2.3 fanh vunz camgya.

Canjnieb hwngfat, demlai “daeg- saek”. Yienh de ciuq dieg daj- ndaem, cauhmoq hwngfat “swnghdai + canjnieb + vwnzlij”, geij bi neix douzhaeuj 3.6 ik maenz ngaenz bang guh canjnieb, gij canjnieb miz daeg- saek minzcuz ndaw yienh cw daengz 95%. Youq lajmbanj guh lijyouz miz daegsaek, moix bi aiq yinx daeuj 10.5 fanh vunz guhcaemz lijyouz、yenzhag、daejniemh yienghndei minzsug daengj.

Vwnzva okrengz, gungganq “saek dajdaej”. Hingh’anh youq sam nyied cosam、ngux nyied co’ngux guh baenz buek minzsug hozdung, laeb aen donz yisuz “daegsaek minzcuz”, hai lanz- moeg “muengxdoxlienz + minzcuz doxgiet + vwnzva doxyungz”, cigboq gaiqgwn、fwen foux miz daegsaek de, mwh cigboq ceiq lai miz 6.1 fanh vunz daeuj yawj, 3 fanh lai vunz diemj- haenh. Neix coicaenh vwnzva dox- yungz, vunzlai gak minzcuz caezhoz baenaj.

（赵月英/Cau Yezyingh）