Gungcanjdangj fat sing,

Comz bing daih gunghoenx,

Singseiq ngauz bya doengh,

Faexlaux goenq(goek) lij honz.

-

Bazluginh ceiq ak,

Mbeifag dangq bingsaenz,

Sinhswginh ceiq maenh,

Hoenxciengq baenz duzguk.

-

Bing Yizbwnj rwix lai,

Dauqcawq ngaiz vunz dwk,

Deuzndoj hix mbouj dwg,

“Denhvangz” hwk najheu.

-

Duzlinh deuz mbouj ndaej,

Gienj gwnz deih hawj dawz,

Yizbwnj yaek “goenqcaw”,

Gag fug saw fug unq.

-

Dingj Yizbwnj ndaej hingz,

Lwgminz caen vuenheij,

Vihliux ndaej ngoenzneix,

Rox laemx geijlai vunz.

-

Cibseiq bi guek nanh,

Ik fanh vunz doengzsim,

Gungcanjdangj oksing,

Vunz yamqdin cimh buet.

-

Cibseiq bi guek haemz,

Lwgminz gaen dangj byaij,

Doxgiet rengz hungdaih,

Dwkbaih bouxdaeujhangz.

-

Cibseiq bi dingj hoenx,

Ndaej boenq fangzraq deuz,

Hen ndaej goengq byaheu,

Fwnzliu dwk fanh daih.

-

Roek、Fwj Sanq Iengj Daengngoenz

1. Cungzging Gyuem Mokhau

Ndwenlab neix gvaqbae,

Rox daengz seiz mbwn raeuj,

Vunzlai muengh cin daeuj,

Bouxboux deq ndawhoz.

-

Hoih Cunghgung Caetdaih,

Yaek gaij saeu vuenh loz,

Veh ok aen lamzdoz,

Caux “lenzhoz cwngfuj”.（25）