6 nyied 16 hauh, gyoengq bouxhag ban son guh fwen Bouxcuengh bi 2024 bae daengz Fungvuz Cin Bwzfungh Cunh、Bohcau Cin Yenzgyangz Cunh cunz canghfwen, bae cam gyoengq canghfwen guhlawz guh fwen Bouxcuengh cij ndei.

Fungvuz Cin Bwzfungh Cunh Mbanjcozguj Vangz Yungzcinh、Bohcau Cin Yenzgyangz Cunh Mbanjlungzdan Vangz Gyahswngh song boux canghfwen mwh coz couh hainduj soucomz caeuq guh fwen. 50 lai bi doxdaeuj, gyoengqde boux soucomz caeuq guh fwen ndaej geij cib fanh hot, caemhcaiq fwngz cau baenz cek, seizneix gyoengqde boux miz baenz 100 lai cek sawfwen.

Mwh hozdung, gyoengq bouxhag caensim cam hag, roengzsim doenggvaq baez cunz byaij neix, roengzrengz cauh fwen guh fwen, cienzyiengz ndei vwnzva minzcuz. Ndaw doz dwg bouxhag coh canghfwen hag guh fwen.

(Dwngz Dwngz)