Miz geijlai gunnanz,Caez daeuj ram daeuj rap,Ginh minz caez doxgap,Ndaej ram rap gvaqbae.Vangzdujlingj(黄土岭) hoenxciengq,Yizbwnj giengh mbouj baenz,De mbat neix rox haemz,De raen fangz oknyouh.Lohgen youh lohdin,Bing lwgminz caen ak,Raek cungq lij dawz gvak,Hai fwz gag ndaem naz.“Gauj dajndaem dajciengx,Cauh daihliengh gaiqgwn,Bouxboux gag doengh fwngz,Ndaej miz gwn miz daenj”.Lai doengh uk cix gvai,Lai doengh fwngz cix ak,Nanznizvanh loegcak,Mbwn lak goj miz gwn.Lau faex dumz baenz nduk,Lau gwnguk baenz gungz,Yenzanh guh “cingjfung”(整风),Bauj saekhoengz mbouj bienq.7. Dingj Yizbwnj Ndaej HingzGwn leix miz vunz bang,Guhvang ndi boux coengh,Yizbwnj lengqlengq hoenx,Famh daengxgyoengq dwgcaengz.Simnduk deng byaj bag,Hengzyak baenz fangzbyaiz,Duznou byaij hwnj gai,Vunzlai ca bae moeb.Yizbwnj Daibingzyangz,Hangz Meijgoz mbouj gvaq,Yenzswjdan bauqcaq,Daihbaj vunz deng dai.Suhlenz haeuj doengbaek,Sousaeb binggvandoeng,Sik vaih geizdaengngoenz,Vutvak roengz gwnz namh.

（24）