Geij bi neix daeuj, Lingzyinz Yen laebdaeb gyalai Gvangjdungh Gvangjsih doxgap, coicaenh gijndei doxbouj, comzyawj canjnieb hwngfat、guhhong doxbang、hwnqguh lajmbanj gyaeundei daengj hong, mboujduenh doidoengh Gvangjdungh Gvangjsih doxgap byaij laeg byaij saed.

2023 nienz doxdaeuj, Lingzyinz Yen gag caeuq Gvangjdungh Swngj Sinhcin Si Yenzdenz Gih doengzcaez comzyawj hanghmoeg hwnqguh aen yienh neix, gapdoih bangfuz, daiqdoengh siuhfei doxgap doxbang caeuq doxgap guh cauhmoq hozdung. Gyagiengz hanghmoeg hwnqguh ndaej caemhhingz, lai doidoengh caeuq doiqciep “giyez Gvangjdungh haeuj Gvangjsih”, lai doiqciep giyez baihdoeng daengz aen yienh neix doxyaeng, ra canjnieb doxgap caemhhingz, lai yinx haeuj aen giyez lingxdaeuz naemj doxgap de daengz Lingzyinz roengzgoek hwngguh. Bi’gvaq yinx 3 aen giyez baihdoeng daengz aen yienh neix roengzgoek hwngguh, demmoq caen buet ngaenz 9700 fanh maenz, ndawde demmoq yinx haeuj 2 aen giyez Gvangjdungh, caen buet ngaenz roengzgoek daengz 6600 fanh maenz, gungh sou vunz lajmbanj bae guhhong 90 boux, caezhwnq 2 aen canjnieb yenzgih, gungh sou vunz lajmbanj bae guhhong 75 boux; bang hwnq bangfuz cehgenh 4 aen, gungh sou vunz lajmbanj bae guhhong 147 boux.

(Veiz Senh Vangz Vwnzginh)