Sinhvazse Baekging 5 nyied 31 hauh dienh Youq mwh Ciet Lwgnyez Gozci “Roek It” yaek daeuj daengz, Cunghgung Cunghyangh cungjsuhgi、Guekgya cujsiz、Cunghyangh Ginhveij cujsiz Siz Ginbingz 5 nyied 30 hauh hoiz saenq hawj gyoengq hagseng Swconh Swngj Nanzcungh Si Gyah- lingz Gih Cihgyangh Siujyoz, de yienqmienx gyoengqde, caemhcaiq muengh gyoengqde caeuq gyoengq lwgnyez daengx guek ciet lwgnyez angqyangz.

Siz Ginbingz youq ndaw saenq hoiz naeuz, yawjraen fak saenq daeuj, gou dauqngeix daengz 20 bi gaxgonq gou roengz giek hawj hagdangz gyoengqsou. Rox doenghgij bi neix daeuj hagdangz yied banh yied ndei, gyoengq doengzhag gaenx hag、gaenx guh、cangqheiq angqyangz majhung, gou vuenheij raixcaix.

Siz Ginbingz daegbied gangj daengz, lwgnyez dwg gij coglaeng guekcoj. Hwnqguh ndei ranzmbanj, cienzmienh hwnqguh guek raeuz baenz aen guek ak yendaiva sevei cujyi, aeu daih vunz gyoengqsou neix cieprengz haenqguh. Maqmuengh gyoengq doengzhag laeb aen eiqyiengq sanggyae, insik ndwenngoenz gyaeu- ndei, dingjmaenh dwz ci dij meij lauz cienzmienh hwngfat, cengguh boux lwgnyez ndei seizdaih moq gyaez dangj gyaez guek、gag laeb gag giengz、buekguh baenaj, roengzrengz maj- baenz boux miz yungh dawz ndaej mbaqrap naek hwnqguh aen guek ak、minzcuz fukhwng.

Ndanggonq Cihgyangh Siujyoz dwg aen siujyoz diegbya Swconh Swngj Nanzcungh Si Gyahlingz Gih ndeu, bya sang loh lingq, hagdangz gaeuq. 2004 nienz, hagdangz ndaej daengz Cezgyangh Swngj gapdoih bangfuz senj dieg hwnqmoq, seizhaenx guh Cezgyangh Swngjveij suhgi Siz Ginbingz doengzbi 5 nyied roengz giek hawj hagdangz, 2005 nienz 9 nyied hagdangz cingqsik ndaej yungh, banhhag diuzgen gaijndei yienhda, seizneix hagdangz miz 287 boux siujhagseng. Mboengqneix, daengx- cungq doengzhag Cihgyangh Siujyoz haj nienzgaep it ban raiz saenq hawj Siz cungjsuhgi, naeuz gij cingzgvang ngoenznaengz hagsib, gangjok gij cingz gyo’mbaiq caeuq aen gietsim cengguh boux lwgnyez ndei seizdaih moq.