5 nyied 24 hauh, aen mbwn heunaunau, gij fwj cix hausaksak, baihlaj Aen Gih Sawqniemh Daegbied Gvangjdungh Gvangjsih Doxgap（Vuzcouh） baenz rangh baenz benq, gvangqmyangmyang. Bineix doxdaeuj, Aen Gih Sawqniemh Daegbied Gvangjdungh Gvangjsih Doxgap（Vuzcouh）guh ndei hong fugsaeh, ok le buek cwngcwz bangbouj caeuq swnghcanj demcanj hawj gij giyez baenz gveihmoz haenx. Neix gyavaiq doidoengh giyez guh hung guh ak, doicaenh hanghmoeg ndaej douzhaeuj swnghcanj, coenghrengz ginghci hwngfat. Bineix aen geiqdoh daih’it, aen gih sawqniemh ciemdingh 15 aen hanghmoeg moq, miz 39 aen hanghmoeg lij doxdag dem, caiq yinx haeuj aen giyez ciennieb、 cingsaeq、 miz daegsaek、 cauhmoq ndeu.

（黎杰源 / Liz Gezyenz）