第03版:faenzcieng ndei
3上一版  下一版4
 
Mehmbwk Ndaem Hing Gwnz Bya
版面导航     
3上一期  下一期4
新闻搜索:  
2024年5月29日 放大 缩小 默认        

Mehmbwk Ndaem Hing Gwnz Bya

□ Fungz Yi sij Luz Yaujmei hoiz
 

It

Ya Sinh ndaej bungz daengz Si Mij dwg mwh bae Luzyez gwnlaeuj. Bonjlaiz de mbouj siengj bae, aenvih doek fwn, yied daeuj yied nit, de raen ndaw doujyinh gangj gwnz dingjbya Byabuzbux caeuq Byamingzmeiz cungj giet naehang lo, hoeng baengzyoux iu de naeuz dwg bae Ronghndwen, aen coh dieg neix hawj de ngeix daengz gij saeh ndaej geiq gig laeg, geij bi gaxgonq de daengz Rongh- ndwen youq haemh ndeu gvaq.

Si Mij daeuj gya raemxdang haeuj ndaw hojgoh, youh dawz laeuj daeuj, miz vunz riu naeuz:“Gizneix miz daegmbauq baenzlai, mwngz maij byawz, couh caem laeuj rim hawj de.”Caezgya cungj riuhaha.“Gou cungj maij.”Sij Mij caemh riu dwk naeuz, caem laeuj rim hawj moix boux vunz le, youh gingq caezgya cenj laeuj ndeu.

Si Mij mbouj sang, daenj geu buhraez ndeu gaenq ngad dwk hwnj bwnnyumnyum, yawj hwnjdaeuj gvangqsoeng raixcaix, goemq dawz najaek caeuq hwetdungx, dangj dawz caekhangx, cikga engq dinj lo, najbyak geu byoemhenj gienj ndeu hawj de mboujmiz cingsaenz saek di. Hoeng dah neix, dauq hawj Ya Sinh ndiepniemh dangqmaz. Gyoengqde gwnlaeuj ceiqlaeng, hek caen’gya (doih soengqcaen) caeuq bawxmoq yaek haeuj dou lo —— Aen laex baenzgya Yauzgvaqbya, hek caen’gya dwg hekgviq, Ya Sinh caeuq baengzyoux dwg hek bouxcawj cingj daeuj, yienghyiengh aeu nyiengh hawj hek caen’gya. Bouxcawj dauqcungz baij daiz laeuj ndeu hawj gyoengqde senj hwnj funghranz laeuzdingj bae, caimax roxnaeuz dwkbej gwnlaeuj.

Moix caengz laeuz cungj naengh rim vunz. Neix hawj Ya Sinh sawqmwh roxnyinh gamjdoengh. Laxlawz ndaw Mbanjyauz lij miz vunz baenzlai! Vunz Yauzcuz faensanq youq ndoengbya ndawlueg, goengq bya ndeu baeznaengz dan youq hoh ndeu roxnaeuz geij hoh ranzvunz. Bingzseiz caezgya raennaj noix. Miz hoengzsaeh caeuq begsaeh cij doxcomz, daegbied dwg youq ngoenzndei aeubawx haqsau hawj vunz haengjheiq neix, Mbanjyauz loengh byaek gwn laeuj gig nauhyied, yienghneix cij yienh’ok diegneix hoenghhwdhwd.

Ya Sinh gwn laeuj gig lai, hoeng de rox mboujndaej gwn fiz——De mbouj ndaej saetbae baez seizndei neix. De gyaij bae oknyouh roengz ngeih laeuz yangzdaiz, raen Si Mij caemh youq yangzdaiz.

“Ronghndwen gyoengqsou gyaeu lai a.” Ya Sinh naeuz.

“Dwg a, hoeng hojsik miz mojlox, cungj yawj mbouj cingx goengq bya le.” Si Mij naeuz, “gizneix dwg Luzyez, lij aeu byaij haeuj ndaw bae cij daengz Ronghndwen.” Si Mij yinx dangqnaj diuz roenmbanj ndawndoeng lajlaeuz.

“A” Ya Sinh hannaeuz, ndawsim de ngvanh caeklaiq boux iu de naeuz dieg neix dwg Ronghndwen.

Daj gwnz laeuz gaen roengz laj laeuz, Ya Sinh youq bak lae giz mboujmiz vunz haenx lanzroengz Si Mij, cam de aeu veizsin. Si Mij naeuz soujgih caengz raek youq gwnz ndang, Ya Sinh siengj mbouj daengz baenz yienghneix, aensim roxnyinh doeknaiq saetmuengh. Si Mij naeuz gizneix mboujmiz saenqhauh saek di, raek soujgih miz maz yungh? Ya Sinh ngvanh yaep ndeu, ngeix daengz ndaej cam aeu dienhvah hauhmax. Si Mij couh naeuz de nyi, lwgfwngz Ya Sinh doq saenz doq cunz, cij siengj daengz lij caengz rox gij coh dah neix, ngamq ngiengx gyaeuj yawj, Sij Mij gaenq deuz lo, youh vuengmuengz bae ra de, cungjsuenq cam daengz gij coh de——Dwg gij coh youq ndaw Mbanjyauz ciengzseiz raen, baeznaengz yungh daeuj heuh coh iq lai——Youh lumz cam dahde singq maz, cijndaej youh bae ra mbat daihsam.

Doeklaeng Si Mij riu Ya Sinh:“Mwhhaenx mwngz cam aeu dienhvah hauhmax caeuq gij coh gou, cungj mbouj gamj yawj gou, caen dwg ndeiriu.”

Gvaqbae cib lai ngoenz, youq gwnz veizsin Ya Sinh gangj siengj raennaj. Si Mij naeuz de cingq youq ndawranz go’ngeih——Lingh aen mbanj Yauzcuz caemh youq ndoengbya ndawlueg megbya Da’gveisanh, gvaq song ngoenz dem gizhaenx yaek banh ciengz“saehndei” ndeu, cingj Ya Sinh daiq geij boux baengzyoux daeuj guh’angq. Ya Sinh rox “guh saehndei” dwg guhmaz——Neix dwg vahyaem ndawbiengz Mbanjyauz——Ciengz “saehndei”neix dwg hoiznyienh Bienzhungx.

Si Mij caiqsam daengq Ya Sinh hwnjdin gonq aeu swiq ndang cengh bae. Ya Sinh naeuz:“Gou youh caengz aeu yah.”Si Mij naeuz:“Byawz rox mwngz miz mbouj miz vunzbaz.”Ya Sinh lienzdaemh gangj mboujmiz, de guhhong cienzswnj henhoh feihyiz vwnzva roek bi, geizgan dauqcawq daengz gak dieg Yauzcuz ingj gvaq lai ciengz hoiznyienh Bienzhungx, lij haemq rox gij conzdungj bonj minzcuz.

Daengz ngoenzhaenx, ok dou gonq Ya Sinh gig sijsaeq swiq ndang. Seiq boux bae daengz ndawranz go’ngeih Si Mij gaenq dwg banringzgvaq. Neix dwg ranz vunz youq gwnz byonghbya ndeu, daj dinbya yawj cij miz aen laeuz dog hwnq youq gwnz bo lingq, caep ciengzhumx mbouj sang, ndaej dingqnyi sing gangjgoj ndawranz couh lumj cit fwnz ndat raemx- goenj baenz nauhyied. Banringzgvaq le nditndat gig unqswnh, Ya Sinh nanz lai mbouj raen cungj nditndat baenz henj gyaeu lo, de roxnyinh gwnz ndang caeuq ndawsim cungj raeujrubrub. Naengh youq henz feizdong ndaw gyanghongh gwn caz、byoq feiz, ndaw ding it laeuz cienzok sing doengzlingz——Goengsae cingq youq gizhaenx guhdauh.

(1)

亚深是去六叶喝喜酒遇到细米的。他原本并不想去,因为下雨,天越来越冷,他在抖音上看到姑婆山巅和明梅顶都结冰了,但朋友发出邀请时说的是去月亮,这个地名触动了他内心深处的记忆,很多年前他曾到月亮住过一宿。

细米过来给火锅放汤水,又给大家上酒,有人笑她:“这么多帅哥,你喜欢哪个,你就给哪个倒满一杯。”大家都笑了起来。“我个个都喜欢。”细米也笑了,给每个人斟的酒都是满满一杯,然后敬了大家一杯。

细米人不高,上半身穿着一件起毛球的长衫,显得过于宽大,罩住胸部和腰腹,遮住了臀部,让不长的腿变得更短了,垂挂到脑门前一缕卷曲的黄发让她显得精气神不足。但就是这样一个人,却把亚深给牢牢吸引住了。他们这桌吃喝到后面,亲家客(送亲队伍)和新娘要进门了——过山瑶婚礼,亲家客最为尊贵,作为主人请来的六房客,事事都要让着亲家客的。主人让他们转移到楼顶的一间房去,重新摆了一桌酒肉,让他们猜码或拉牌喝酒。

每层楼都坐满了人。这让亚深突然有些感动。原来瑶山里还有这么多人!瑶族人分散居住在山林深处,往往一座山上只住着一户或几户人家。平日里大家见面不多。只有红白喜事才会聚在一起,特别是婚礼这样令人心情欢畅的日子,瑶山里飘荡着酒肉的香气和喧哗的人声,这才真正显示出它的勃勃生机。

亚深喝了很多酒,但他知道自己不能喝得烂醉——他不能错过这次机会。他借口上卫生间下到二楼阳台,看到细米也来到阳台上。

“你们月亮真美啊。”亚深说。

“是啊,可惜有雾罩住了,都看不清山哩。”细米说,“这里是六叶,月亮还要往里走。”细米指着下面那条林中村道的前方。

亚深“啊”了一声,心里庆幸邀请他的人把这里说成了月亮。

从楼上跟到楼下,亚深在楼梯口处没人的地方拦住细米,问她加微信。细米说她没有带手机,亚深不敢相信,那一刻心灰到极点。细米说这里连信号都没有,带手机来有什么用呢?亚深呆了一下,惊喜地问她要电话号码。细米说着号码,他颤抖着手保存她的号码,才发现还没问她姓名,抬眼她已经不见了,又慌里慌张地去找她,终于问了她的名字——那是个在瑶山里太常见的名字,一般都是作为小名用的——又忘了问她的姓,只好第三次去找她。

细米后来笑亚深说:“你问我要电话号码和名字时,都不敢抬眼看我,真是笑死我了。”

过了十多天,亚深在微信上说想去见她。细米说她正在她二哥家——同是大桂山脉深处的另一个瑶族村子,两天后那里要做一场“好事”,请亚深带几个朋友去玩。亚深自然知道什么是“做好事”——这是瑶族民间的暗语——这场“好事”是指还盘王愿。

细米一再交代亚深出发之前一定要洗净身。亚深说:“我又没有老婆。”细米说:“哪知道你有没有女人啊。”亚深连说没有,他从事过六年非遗文化传承保护工作,期间到各处瑶山拍摄过多场还盘王愿仪式,对本民族传统还是比较了解的。

到了那天,出发前亚深认认真真地洗了个澡。四个人抵达细米二哥家时已是午后。那是一户半山上的人家,从山下看上去只见一栋孤单的楼房耸立在陡坡上,围着不高的围墙,里面传出的人声如柴火烧大锅水般沸腾。午后的阳光很祥和,亚深很久没见过如此纯粹金黄的阳光了,他感到身体和心里都暖暖的。在院子里的篝火堆边坐下来喝茶、烤火,一楼的厅堂里传出阵阵铜铃声——师翁们正在那里唱经跳舞。

 
 
 
   
   
   


版权所有 广西民族报

联系电话:0771-5528076 5559552
传真:0771-5528087 电子邮箱:gxmzbw@163.com
地址:广西南宁市桂春路16号 邮政编码:530028
 

关闭