5 nyied 23 hauh, Gaiq Daih- ngeihcib Cungguek（Sinhcin） Gozci Vwnzva Canjnieb Bozlanj Gyauhyizvei haimuq. Cunghgung Cunghyangh Cwngci Giz veijyenz、Cunghyangh Suhgicu suhgi、Cunghsenhbu bucangj Lij Suhleij cunzyawj aen gvanj langhbaij Gvangjsih.

Youq ndaw aen gvanj langhbaij Gvangjsih 9 hauh gvanj Sinhcin Gozci Veicanj Cunghsinh, Lij Suhleij yawj- ngonz gij benq senhconz Gvangjsih, caemhcaiq yawj gak loih huqndei vwnzva Gvangjsih, dingqaeu mizgven gaisau, biengj yawj sawdoz Gvangjsih okbanj de.

Gaiq vwnzbozvei neix gungh laeb vwnzva canjnieb cunghabcanj、Yez Gangj Au Davanhgih vwnzva canjnieb cauhmoqcanj daengj 8 aen banjgvai, miz 6000 lai aen cwngfuj cujdonz、vwnzva gihgou caeuq giyez gwnz sienq laj sienq camgya langhbaij.

Aen gvanj langhbaij Gvangjsih cawjdaez dwg “lajmbwn ceiq lengj Gvangjsih maenghndei”, daengx aen dajveh cujyau saekdiuh dwg lamzhau, gij eiqsiengq haij diegdieg miz, gyahwnj yinhoz、byadah、Mancuengh daengj yenzsu, yienh’ok seizhwng baijdaeuz haicuengq bauyungz. Byaij haeuj youzcet Gvangjsih maenghndei、yawjdingq Gvangjsih gyaeundei、fung- cingz minzcuz Gvangjsih、yinxdaeuz vwnzva Gvangjsih、cauhmoq rengz- hoengh Gvangjsih daengj haj dieg, 36 aen giyez vwnzva maenhndei bonj- dieg Gvangjsih caeuq 300 lai cungj canjbinj doxcomz giz ndeu, langhbaij gij vwnzva yinxdaeuz gagmiz daegsaek caeuq gij yienghsiengq hwngfat ngoenz ndei gvaq ngoenz Gvangjsih, miz haujlai bouxyawj canghseng’eiq daeuj yawjngonz caeuqfaenh. Cek saw 《Hoizyiengj》 ndaej ciengj Gaiq Daihcib’it Mauzdun Vwnzyozciengj, cek saw 《Dinghdan——Gojgaeq Seiqhenz》 ndaej ciengj gim “saw ceiq ndei seiqgyaiq” gvaq, 《Doengh- duz Ra Geq》《Mwi Ngozlunzcunh》 ndaej senjhaeuj 2023 nienz Cungguek sawndei haenx hawj vunzlai gyaez. Gvangjsih makiepsoemj、cazluzbauj、Mancuengh、faenjsae daengj doxgaiq miz daegsaek caezgya hix raen yinx raixcaix.(Vei Bizfungh)