Sinhvazse Baekging 5 nyied 26 hauh dienh Cek saw 《Siz Ginbingz Lwnhgangj Cienzmienh Gyagiengz Hwnqguh Gijliz Dangj Yaebbien》 Cunghgung Cunghyangh Dangjsij Caeuq Vwnzyen Yenzgiuyen bien haenx, mboengqneix youz Cunghyangh Vwnzyen Cuzbanjse okbanj, youq daengx guek fathengz.

Gyagiengz hwnqguh gijliz dwg aen banhfap yw goek daj yiemz guenj dangj. Cibbet Daih Dangj doxdaeuj, Dangjcunghyangh aeu Siz Ginbingz dungzci guh goek dingjmaenh mbouj bienq cienzmienh daj yiemz guenj dangj, aeu hwnqguh gijliz gvihaeuj hwnqguh dangj cungjdaej anbaiz bae, giengzvaq cwngci gijliz caeuq cujciz gijliz, daiqdoengh gak hangh gijliz cienzmienh daj yiemz、baez yiemz daengz byai, dingjmaenh gijliz yiemz lumj fap、dawzgij dawzfap doxdoeng, haeujlaeg yungh “seiq cungj yiengh- siengq” cwngci banhfap, gijliz gvigawj dangj ronghsien dwk daengjsohsoh、yiemzrwdrwd, daj goekgaen niujcienj aen yiengh guenj dangj ceih dangj boubwdbwd. Siz Ginbingz dungzci hopheux cienzmienh gyagiengz hwnq- guh gijliz dangj fatbiuj baenzroix lwnhgangj youqgaenj, laeb’eiq sang- gyae, neihanz fungfouq, swhsiengj laegdaeuq, caeuq cienzmienh gya- giengz hwnqguh gijliz dangj, dawz gij iugouz yiemz gvancez daengz daengx aen gocwngz dingh dangjgveih、dangjgij gyauyuz、dawzgij gamduk bae, sonyinx dangjyenz ganbu hag gijliz、 rox gijliz、 mingzbeg gijliz、souj gijliz, caencingq cienjbienq gijliz gvigawj baenz cwngci gagrox、swhsiengj gagrox、hengzdoengh gagrox, baujmaenh daengx dangj moegbiu doxdoengz、caez doxgiet、 caez yamqdin, miz yiyi youqgaenj raixcaix.

《Lwnhgangj Yaebbien》 faen 10 aen ciendaez, gungh 329 duenh lwnhgangj, daj gij baugau、gangjvah、gangjmingz、faenzcieng、cijsi daengj 130 lai bien vwnzyen youqgaenj Siz Ginbingz dungzci mboengq 2012 nienz 11 nyied daengz 2024 nienz 4 nyied aeu. Ndawde miz mbangj lwnhgangj dwg baez nduj goenghai fatbiuj.