5 nyied 19 hauh, dwg daih cibseiq aen ngoenz lijyouz Cungguek, Hocouh Si Fuconh Yauzcuz Swciyen youq Gozboh Cin Mbanjsinhboh guh buek hozdung “youzbyaij Fuconh、yawj bingz Sinhboh”. Gij hozdung lumjbaenz baij ok mbawdoz vwnzvuz lai yiengh、 vwnzyi biujyienj、 aen hoih doegsaw faenyiengj、langhbaij cozbinj sawfap meijsuz、baij ok feihyiz minzsug daengj, yinx daeuj haujlai hekyouz、vunzmbanj camgya. Hozdung aeu vwnzva ik minz, aeu hingzsik moq guh langhbaij yinx vunzlai, yienh’ok gij yienghndei Fuconh, doidoengh lijyouzyez laebdaeb hwngfat.

（黄旭胡/Vangz Yuzihuz 李成华/Lij Cwngzvaz）