5 nyied 15 hauh, Fangzcwngz- gangj Siveij Senhconzbu、Siveij Dungjcanbu、Si Minzcunghveij dox- caez youq Dunghhingh Gyanghbingz Gunghyezyenz、 Dunghhingh Cin Gunghyenz Segih guh hozdung ciendaez lwnhgangj couqmaenh gij eiqsik caezcaemh Cunghvaz Minzcuz, doidoengh cauhlaeb minzcuz doxgiet baenaj haeuj giyez、haeuj segih.

Doengh boux cwngzyenz laeng aen donzlwnhgangj hopndaet aen neiyungz couqmaenh gij eiqsik caez- caemh Cunghvaz Minzcuz、“haj aen nyinhdoengz”“seiq aen caezcaemh”daengj, gangj saedlaeh、gej gojgaeq、lwnh gingniemh. Neix hawj vunzlai gak minzcuz engq rox gij hong minz- cuz aendangj seizdaih moq dwg baenzlawz yiengh.“Gij gvanhaeh minzcuz sevei cujyi guek raeuz miz gijmaz gihbwnj daegcwng?” Mwh ciengjdap cihsiz, vunzlai gak minzcuz ciengj gonq lau laeng, yienhciengz fwnhveiz gig naemq.

Baez hozdung neix gaenxmaenx dazyinx vunzlai gak minzcuz laeb maenh aen leixniemh caezcaemh, coicaenh minzcuz doxgiet, ok rengz maenhsaed doicaenh hwnqguh aen gih guhyiengh couqmaenh gij eiqsik caezcaemh Cunghvaz Minzcuz.

（唐贝兮/Dangz Beihih）