Sinhvazse Baekging 5 nyied 17 hauh dienh Cunghgung Cunghyangh cungjsuhgi、Guekgya cujsiz、Cungh- yangh Ginhveij cujsiz Siz Ginbingz mboengqneix doiq hong lijyouz guh- ok cijsi youqgaenj naeuz, gaijgwz hailangh daegbied dwg Cibbet Daih Dangj doxdaeuj, guek raeuz lijyouz hwngfat riengjret, bienqbaenz aen hawciengz baeyouz ndaw guek ceiq hung daengx seiqgyaiq, bienqbaenz gozci lijyouz aen guek hek okbae youz ceiq lai caeuq aen dieg baeyouz cujyau, lijyouzyez daj iq daengz hung、daj nyieg bienq ak, cugciemh baenz aen canjyez cengjdingx hwngmoq caeuq aen canjyez minzswngh、canjyez vuenyungz miz daegdiemj seizdaih yienhda，byaij ndaej baenz diuz roen Cungguek lijyouz hwngfat daegbied gagmiz ndeu.

Siz Ginbingz daegbied gangj daengz, seizdaih moq roenloh moq, lijyouz hwngfat bungz daengz seizgei moq deuqnyex moq. Yaek aeu aen swhsiengj sevei cujyi miz daegsaek Cungguek seizdaih moq guh daz- yinx, caezcienz cinjdeng cienzmienh gvancez aen leixniemh hwngfat moq, dingjmaenh soujcingq cauhmoq、daezcaet demyauq、yungzhab hwngfat, dungjcouz cwngfuj caeuq hawciengz、gunghawj caeuq aeuyungh、baujhoh caeuq haifat、ndaw guek caeuq rog guek、hwngfat caeuq ancienz, haenq- rengz laebcaez aen dijhi lijyouzyez daihneix, gyavaiq hwnqguh aen guek ak lijyouz, hawj lijyouzyez fugsaeh ndwenngoenz gyaeundei engq ndei bae、coi ginghci hwngfat、 cauhlaeb aen gyaranz cingsaenz、langhbaij yienghsiengq Cungguek、gyalai vwnz- mingz doxhag. Gak dieg gak bouh- monz aeu cietsaed gyalai roxnyinh mbaqrap guhhong, faenhong boiqhab guh、haenq guh daengz dieg, doidoengh lijyouzyez hwngfat ndei saed byaij onj bae gyae.

Daengx Guek Lijyouz Hwngfat Daihhoih 5 nyied 17 hauh youq Baekging hai. Cunghgung Cunghyangh Cwngcigiz veijyenz、Cunghsenhbu bucangj Lij Suhleij youq gwnz hoih cienz gij cijsi youqgaenj Siz Ginbingz caemhcaiq gangjvah, naeuz aeu haeujlaeg gvancez gij cijsi youqgaenj Siz Ginbingz caeuq de lwnhgangj lijyouz hwngfat haenx, dingjmaenh aeu vwnzva coi lijyouz、aeu lijyouz yienh- ok vwnzva, byaij diuz roen hwngfat lijyouz Cungguek gagmiz daegsaek ndeu. Aeu doidoengh lijyouzyez hwngfat ndei saed、 gyavaiq hwnqguh aen guek ak lijyouz， giengzvaq hidungj maeuzveh caeuq gohyoz baijbouh, baujhoh vwnzva yizcanj caeuq swnghdai swhyenz, daezswng gunghawj suijbingz caeuq fugsaeh caetliengh, lai caeuq gozci lijyouz doxgyau doxgap, mboujduenh hai- cauh aen gizmen moq hwngfat lij- youz.