Geij bi neix daeuj, Sanhgyangh Dungcuz Swciyen laebdin minzcuz yungzhab、vwnzva doxgyau gizdieg miz daegsaek, aeu golaux Dungcuz ciengq minzcuz doxgiet, coihawj sam swngj (gih) dieg gapgyaiq vunzlai doxcunz doxgyau, mboujduenh couqmaenh gij eiqsik caezcaemh Cunghvaz Minzcuz.

Aeu golaux Dungcuz ciengq minzcuz doxgiet goksad. Sanhgyangh gaemdawz seizndei gak yanghcin、mbanj guh hozdung, daplaeb aen bingzdaiz senhconz, giethab “gyangj- gvanj”“dohyeh” daengj fuengsik, ciengq golaux Dungcuz bae diuzgaij doxceng doxnauh、senhconz faplwd daengj. Doenggvaq golaux Dungcuz ciengq gij vwnzva、ginghci、sevei hwngfat bienqvaq dieg gapgyaiq sam swngj(gih) geij bi neix ok- daeuj, son’gyauq gak cuz ganbu ginz- cung lai rox gij leixniemh “sam aen liz mbouj ndaej”“seiq aen caezcaemh”“haj aen nyinhdoengz”, doidoengh couqmaenh gij eiqsik caezcaemh Cunghvaz Minzcuz.

Aeu golaux Dungcuz bangrengz lijyouzyez hwngfat. Geij bi neix daeuj, vih baujhoh caeuq hwngfat golaux Dungcuz engq ndei, Sanhgyangh doenggvaq “ndwenngeih co’ngeih” ciet golaux Dungcuz Meizlinz、“ndwensam cosam” ciet bauqva Fu- luz、ciet byaekgep Gauhyouj daengj hozdung, doicaenh golaux Dungcuz caeuq lijyouzyez yungzhab hwngfat, aeu golaux Dungcuz cauh baenz aen binjbaiz miz daegsaek vwnzva lijyouz Mbanjdung.

Aeu golaux Dungcuz coicaenh gapgyaiq huzndei. Sam swngj(gih) dieg gapgyaiq “bya caemh rag、raemx caemh goek、 vah doxlumj、gvenq dox- doengz、vunz caemh sim”. Sanh- gyangh gaemdawz “vah doxlumj” aen daegdiemj minzcuz vwnzva neix, aeu gij cingzcik guhhong yungzhaeuj golaux Dungcuz bae, doenggvaq ciengq go ciengq ok aen vunqsik moq ceihleix lajmbanj, doidoengh “vunz caemh sim” coi huzndei.

(Gunj Yicungh)