5 nyied 2 hauh daengz 3 hauh, Aen Hezvei Canghraiz Sawcuengh Bingzgoj Si guh “gyaepra giyi saekhoengz gamjsouh lajmbanj saenqhwng” aen hozdung caij- fungh gyauliuz vwnzyoz, gungh 30 lai boux veiyenz caeuq boux maij vwnzyoz Sawcuengh camgya hozdung. Vunzlai ngonzyawj gij dieggeq gwzming saek- hoengz lumj Aen Sok Hungzginh Naz- hwngz Denzdungh Yen、Aen Sok Hungz- ginh Wyaz、Aen Suhyen Ginghcing、Mbanj Hungzginh Bwzguj daengj, rox gij lizsij gwzming Dahyougyangh dwg baenzlawz hwngfat. Vunzlai lij bae Byagamjcuengh Denzyangz、Singz Geq Denzcouh、Gunghyenz Vajsi、Laeuz Dat Ginzvaz、Aen Gih Guhyiengh Haedsim Canjnieb Duetgungz Ngeihcib Fanh Moux Nungz Linz Swnghdai Yifungh, gamjsouh gij cingzgoj lajmbanj saenq- hwng, bang gyoengq canghraiz raiz ok engq lai faenzcieng, mwnhoengh hwngfat vwnzyoz Sawcuengh.

（Dwngz Dwngz/滕 滕）