5 nyied 5 hauh ngoenzgyaj “haj it” ciet lauzdung gozci, Swcigih Dangjveij suhgi Liuz Ningz bae Fangzcwngzgangj Si diuyenz, daegbied gangj daengz aeu gvancez doeksaed gij iugouz fanghloz hungnaek Siz Ginbingz cungjsuhgi naeuz Gvangjsih, hag fanghloz、maeuz cauhmoq、gaem doeksaed, gejcuengq swhsiengj、cauh- moq gouzbienq, coh haij maeuz ak, haicuengq hwngfat, hopheux hwnqguh “gih ndeu song dieg”, gaenxmaenx camgya caezhwnq diuz roen moq luz haij baihsae ndei saed, cungfaen yungh ndei Fangzcwngzgangj Gozci Yihyoz Haicuengq Siznengih、Henz- gyaiq Henzgangj Canjyez Yenzgih caeuq Cungguek—Dunghmungz Canjyez Hozcozgih daengj bingzdaiz, ciuq dieg bae hwngfat yiengh swnghcanjliz akmoq, doidoengh canj- yez moq、vunqsik moq、doenghnaengz moq hwngfat, bangrengz raiz bien faenzcieng Gvangjsih yiengh yendaiva Cungguek engq ndei bae.

Youq Dunghhingh Goujan Yiz- gyauz, Liuz Ningz daengz dieg cazyawj vunz baedauq、bien’gyaiq gaicawx、hamj gyaiq baeyouz daengj cingzgvang.“Siz Ginbingz cungjsuhgi naeuz gvaq, dwk ndei buenz geiz Gvangjsih hwngfat, ‘dieg roengz ceh’ couh dwg gyalai haicuengq.” Liuz Ningz naeuz, goujan dwg aen dieg youqgaenj doiq ndaw doiq rog haicuengq, aeu haeujlaeg caeuq Yeznanz dietloh、goengloh、haijloh daengj doxlienz doxdoeng doxgap, haenqrengz daez- swng vunz baedauq、vuzliuz doengrat daengj gvaqgvan ndaej bienhleih, dajcauh aen vunqsik gvaqgvan doengrat bienhleih, roengzrengz gyalai haicuengq dwk ndei buenz geiz Gvangjsih hwngfat, bangrengz dajcauh aen dieg bienhleih guenjguh haw- ciengz doxhop guekndaw guekrog.

Ndoengfaex nding dwg doengh gofaex ranghdieg yezdai yayezdai diegcumx hamqhaij daegbied gagmiz, soqlaiz miz aen cwngheuh “ndoeng- faex gwnz haij”“bouxhen hamqhaij”. Liuz Ningz riengz Can’gyauz daengz dieg cazyawj dieg ndoengfaex nding sengmaj, dingqaeu mizgven cingz- gvang gaisau, daegbied gangj daengz aeu haeujlaeg hagsib gvancez gij swhsiengj swnghdai vwnzmingz Siz Ginbingz, geiqmaenh “gijndei swngh- dai Gvangjsih gim mbouj vuenh”, aeueiq gohyoz、doeksaed cwzyin, lumj gyaezhoh lwgda nei henhoh ndei ndoengfaex nding, caezhwnq caez- yungh aen gyaranz gyaeundei habyouq souhlaux.

Youq Fangzcwngzgangj Baksok 1 Hauh Baksok, Liuz Ningz ciengzsaeq roxyiuj diuz roen moq luz haij baihsae haijdiet lienzyinh caeuq gangjgouj baksok hwnqguh yinhyingz cingz- gvang, daegbied gangj daengz aeu gvancez doeksaed sezsih itdaengj、dinfwngz itdaengj、guenjleix itdaengj、fugsaeh itdaengj “seiq aen itdaengj” iugouz youqgaenj Siz Ginbingz cungjsuhgi naeuz de, baengh hwnqguh diuz roen moq luz haij baihsae, gyavaiq hwnqguh giekdaej sezsih gangjgouj yendaiva, guhndei gangjgouj boiqdauq sezsih, netsaed doidoengh hwnqguh aen gangjgouj gozci, haenqrengz hwngfat henzgangj canjyez caeuq coh haij ginghci, doidoengh ginghci hwngfat ndei saed, fugsaeh caeuq yungzhaeuj aen gwzgiz hwngfat moq engq ndei bae.

(Cinz Yizcwz daj 《Gvangjsih Yizbau》 aeu daeuj genj hoiz)