Vah bouxbien: Aen ciet “Sam Nyied Sam” daengz lo, gyoengqvunz Gvangjsih ndaej cuengq seiq ngoenz gyaj bw! Aen ciet gonqlaeng, gak dieg Gvangjsih guh hozdung mizyinx angq gvaq “Sam Nyied Sam”, gih raeuz lij guh hozdung doigvangq iu hekyouz daeuj guhcaemz dem. Lajneix caez bae yawjyawj.

▲4 nyied 10 hauh, aen hozdung lwnhgangj doigvangq“Sam Nyied Sam Hoenghhwd doxiu youz Gvangjsih” geiz doigvangq gij minzcuz vwnzva lijyouz Gvangjsih bi 2024 youq Hozciz Si Nanzdanh Yen （dieg cawjdaeuz） haiguh. Hozdung cuengq gij sibinz senhconz, guh 《Langhbaij Gij Gyangq Yauzvaqhau》caeuq Yauzvuengz lieb mbanj daengj biujyienj miz gij daegsaek minzcuz. Yienhciengz lij guh aen yizsiz ciemdingh lienzhab yinx hek daeuj Gvangjsih daengj lai aen hezyi doxgap, caemhcaiq gaisau doigvangq 10 diuz loh youzyawj gij vwnzva minzcuz Gvangjsih, yinx bouxhek daeuj Gvangjsih yawj bya yawj raemx, daejniemh yienghndei minzcuz, coicaenh aen hawciengz lijyouz vwnzva Gvangjsih mwnhoengh.（Veiz Loz/韦 乐）

▲“Sam Nyied Sam Gvangjsih”, lungz mbin angq ciet ndei. 4 nyied 11 hauh, Nanzningz gozci gaiq daihcaet aen doxdax iu foux lungz cienzdoengj youq Aen Gunghyenz Liujsah Nanzningz Si Cinghsiu Gih haiguh. Yeznanz、Daigoz、Maj- laizsihya、Sinhgyahboh, caeuq Gvangjdungh、Huz- nanz、Gvangjsih guek raeuz gungh cib aen doih foux lungz cienzdoengj gak miz daegsaek haenx doxdax. Gyoengqde hwnj daiz langhbaij gij dinfwngz foux lungz, caez angq gvaq aen ciet “Sam Nyied Sam”.（Yi Sienghcenz/喻湘泉）

◀4 nyied 11 hauh, “Sam Nyied Sam hoenghhwd · Gvangjsih raeuz huzndei” Fangzcwngzgangj Si ndwen lwnhgangj minzcuz doxgiet baenaj bi 2024 caeuq gij vwnzyi biujyienj vunzlai “eu fwen bya haij”youq Aen Dieg Gaeuq Bwzgangj Fangzcwngzgangj Si haiguh. Ndwen lwnhgangj neix, aen si neix yaek baengh cietheiq minzsug daengj guh lai cungj hozdung, couqmaenh gij eiqsik caezcaemh Cunghvaz Minzcuz.（Cinz Veijcaiz/陈伟才）

◀4 nyied 13 hauh, hekyouz youq Hocouh Si Fuconh Yauzcuz Swciyen Cauzdungh Cin Mbanjcasanh guh- caemz. Laebdaeb geij ngoenz dox- daeuj, doengh aen diegbaeyouz Ho- couh cungj guh hozdung feihyiz minzcuz lai yiengh, yinx haujlai hek- youz daeuj guh- caemz.

（Vangz Yuz- huz/黄旭胡）

▲4 nyied doxdaeuj, aen hidungj gyauyuz Bwzhaij Si Hozbuj Yen gaenxmaenx guh bi 2024 couqmaenh gij eiqsik caezcaemh Cunghvaz Minzcuz caeuq aen hozdung angqcoux“Sam Nyied Sam Gvangjsih”. Lwghag gak minzcuz doxdax raiz faenzcieng、veh veh、sij saw daengj, camgya aen banhvei cawjdaez、youq laj geizguek gangjvah, guh bungq gyaeqgaeq、nyib aen domq、eu fwen、gwn laeujdaizraez daengj angq gvaq cietndei, coicaenh lwghag gak minzcuz “samgyau”.(Bungz Yaujcing/彭晓静)