（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Cieng Daihseiq Gij Cwzyin Canjbinj

Diuz itcien songbak lingz it Boux mbouj miz naengzlig hengz minzsaeh roxnaeuz boux deng hanh gij naengzlig hengz minzsaeh mwh youq youwzyenz、hagdangz roxnaeuz aen gihgou gyauyuz wnq hagsib、swnghhoz，deng bouxdaihsam mbouj dwg vunz youwzyenz、hagdangz roxnaeuz aen gihgou gyauyuz wnq sonjhaih ndangvunz ne，youz bouxdaihsam rapdawz cwzyin ciemqgienz；youwzyenz、hagdangz roxnaeuz aen gihgou gyauyuz wnq mbouj caenhrengz guh ndei faenh hong guenjleix ne，rapdawz aen cwzyin dembouj doxwngq. Youwzyenz、hagdangz roxnaeuz aen gihgou gyauyuz wnq rapdawz aen cwzyin dembouj gvaqlaeng，ndaej laeng boux- daihsam gyaepboiz.

Diuz itcien songbak lingz ngeih Aenvih canjbinj mbouj gaeuq ndei cix sonjhaih daengz bouxwnq ne，bouxok wngdang rapdawz cwzyin ciemqgienz.

Diuz itcien songbak lingz sam Aenvih canjbinj mbouj gaeuq ndei hawj bouxwnq deng sonjhaih ne，boux deng ciemqgienz ndaej cingjgouz bouxok canjbinj neix dienzboiz，hix ndaej cingjgouz bouxgai canjbinj dienzboiz.

Canjbinj mbouj gaeuq ndei dwg youz bouxok canjbinj cauhbaenz ne，bouxgai dienzboiz le，miz gienz laeng bouxok gyaepboiz. Aenvih bouxgai miz loek hawj canjbinj bienq mbouj ndei ne，bouxok dienzboiz gvaqlaeng，miz gienz laeng bouxgai gyaepboiz.

Diuz it cien songbak lingz seiq Aenvih bouxdaehyinh、bouxcanghuq daengj bouxdaihsam miz loek hawj canjbinj bienq mbouj ndei，hawj bouxwnq deng sonjhaih ne，bouxok、bouxgai canjbinj dienzboiz gvaqlaeng，miz gienz laeng bouxdaihsam gyaepboiz.

Diuz itcien songbak lingz haj Aenvih canjbinj mbouj gaeuq ndei haih daengz ndangvunz、caizcanj bouxwnq miz yiemj ne，boux deng ciemqgienz miz gienz cingjgouz bouxok、bouxgai rapdawz gij cwzyin ciemqgienz lumjbaenz sat- dingz ciemqhaih、beujdeuz fuengzngaih、siucawz yungyiemj daengj.

Diuz itcien songbak lingz roek Canjbinj douzhaeuj riuzdoeng gvaqlaeng raen mbouj gaeuq ndei ne，bouxok、bouxgai wngdang gaenjriengz bae satdingz siugai、daezsingj、soudauq; mbouj gaenj- riengz yungh banhfap boujgouq roxnaeuz boujgouq mbouj ndei cix hawj sonjhaih gyahung ne，doiq dingz sonjhaih gyahung de hix wngdang rapdawz cwzyin ciemqgienz.

Ciuq gij gvidingh gvanj gonq soudauq ne，bouxok、bouxgai wngdang ok gij cienz boux deng ciemqgienz vihneix yungh bae haenx.

Diuz itcien songbak lingz caet Mingz rox canjbinj mbouj gaeuq ndei lij ok、lij gai，roxnaeuz mbouj ciuq diuz gvidingh gonq yungh banhfap boujgouq， hawj bouxwnq dai bae roxnaeuz deng sonjhaih ndangcangq naekhaen ne，boux deng ciemqgienz miz gienz cingjgouz fad cienz daeuj guh yiengh dienzboiz doxwngq.

Cieng Daihhaj Gij Cwzyin Yiengh

Saehhux Gyaudoeng Gihdungceh

Diuz itcien songbak lingz bet Gihdungceh ok gij saehhux gyaudoeng cauhbaenz sonjhaih ne，ciuq aen fap roenci ancienz caeuq gij gvidingh mizgven aen fap neix rapdawz cwzyin dienzboiz.

Diuz itcien songbak lingz gouj Aenvih miz yiengh coyungh、ciqyungh，bouxcawj gihdungceh、bouxguenj gihdungceh caeuq bouxyungh gihdungceh mbouj dwg doengz boux vunz，ok saehhux gyaudoeng cauhbaenz sonjhaih，dwg gij cwzyin mbiengj gihdungceh ne，youz bouxyungh gihdungceh rap- dawz cwzyin dienzboiz；bouxcawj gihdungceh、bouxguenj gihdungceh doiq ok saeh deng haih miz loek ne，rapdawz cwzyin dienzboiz doxwngq.

Diuz itcien songbak itcib Ndawgyang boux- nangqsaeh gaenq gaicawx roxnaeuz yungh gij fuengsik wnq cienjnyiengh gyauhawj gihdungceh hoeng caengz banhleix daenggeiq，ok gij saehhux gyaudoeng cauhbaenz sonjhaih，dwg gij cwzyin mbiengj gihdungceh ne，youz bouxsouhnyiengh rapdawz cwzyin dienzboiz.

Diuz itcien songbak itcib it Aen gihdungceh doenggvaq venjbengx bae daehyinh canhcienz de，mizok saehhux gyaudoeng cauhbaenz sonjhaih，dwg gij cwzyin mbiengj gihdungceh ne，youz boux- venjbengx caeuq boux hawj venjbengx rapdawz cwzyin lienzdaiq.

Diuz itcien songbak itcib ngeih Caengz ndaej doengzeiq couh hai gyaq gihdungceh bouxwnq，mizok saehhux gyaudoeng cauhbaenz sonjhaih，dwg gij cwzyin mbiengj gihdungceh ne，youz bouxyungh gihdungceh rapdawz cwzyin dienzboiz；bouxcawj gihdungceh、bouxguenj gihdungceh doiq sonjhaih miz loek ne，rapdawz cwzyin dienzboiz doxwngq，hoeng cawz ok cieng neix lingh miz gvidingh.

Diuz itcien songbak itcib sam Gihdungceh ok gij saehhux gyaudoeng cauhbaenz sonjhaih，dwg gij cwzyin mbiengj gihdungceh ne， youz bouxbaujyiemj rapdawz gij baujyiemj gihdungceh deng ap cawx haenx bae dienzboiz gonq，ngaenzsoq dienzboiz mbouj mauhgvaq aen soq baujyiemj ap cawx gaenq hanhdingh；dingz mbouj gaeuq de，youz boux- baujyiemj rapdawz gij baujyiemj sanghyez gih- dungceh de ciuq gij iekdingh aen habdoengz baujyiemj bae dienzboiz； lij mbouj gaeuq roxnaeuz mbouj cawx gij baujyiemj sanghyez gihdungceh ne，youz bouxciemqgienz dienzboiz.

Diuz itcien songbak itcib seiq Yungh gaicawx roxnaeuz guhfap wnq cienjnyiengh aen gihdungceh gyoebcang roxnaeuz gaenq hab bauqfeiq de，ok gij saehhux gyaudoeng cauhbaenz sonjhaih ne，youz bouxcienjnyiengh caeuq bouxsouhnyiengh rapdawz cwzyin lienzdaiq.

Diuz itcien songbak itcib haj Aen gihdungceh dwg caeg’aeu daeuj、dajgiep daeuj roxnaeuz ciengjduet daeuj de ok gij saehhux gyaudoeng cauhbaenz sonjhaih ne，youz boux- guhcaeg、bouxdajgiep roxnaeuz bouxciengjduet rapdawz cwzyin dienzboiz. Bouxguhcaeg、boux- dajgiep roxnaeuz bouxciengjduet caeuq bouxyungh gihdungceh mbouj dwg doengz boux vunz，ok gij saehhux gyaudoeng cauhbaenz sonjhaih le, dwg gij cwzyin mbiengj gihdungceh ne，youz bouxguhcaeg、bouxdajgiep roxnaeuz bouxciengjduet caeuq boux- yungh gihdungceh rapdawz cwzyin lienzdaiq.

Danghnaeuz bouxbaujyiemj mbouj mauhgvaq aen soqhanh yiengh baujyiemj gihdungceh deng ap cawx haenx bae demh cienz ciengjgouq gonq，miz gienz laeng bouxcwzyin saehhux gyaudoeng gyaep- boiz.

第一千二百零一条 无民事行为能力人或者限制民事行为能力人在幼儿园、学校或者其他教育机构学习、生活期间，受到幼儿园、学校或者其他教育机构以外的第三人人身损害的，由第三人承担侵权责任；幼儿园、学校或者其他教育机构未尽到管理职责的，承担相应的补充责任。幼儿园、学校或者其他教育机构承担补充责任后，可以向第三人追偿。

第四章  产品责任

第一千二百零二条 因产品存在缺陷造成他人损害的，生产者应当承担侵权责任。

第一千二百零三条 因产品存在缺陷造成他人损害的，被侵权人可以向产品的生产者请求赔偿，也可以向产品的销售者请求赔偿。

产品缺陷由生产者造成的，销售者赔偿后，有权向生产者追偿。因销售者的过错使产品存在缺陷的，生产者赔偿后，有权向销售者追偿。

第一千二百零四条 因运输者、仓储者等第三人的过错使产品存在缺陷，造成他人损害的，产品的生产者、销售者赔偿后，有权向第三人追偿。

第一千二百零五条 因产品缺陷危及他人人身、财产安全的，被侵权人有权请求生产者、销售者承担停止侵害、排除妨碍、消除危险等侵权责任。

第一千二百零六条 产品投入流通后发现存在缺陷的，生产者、销售者应当及时采取停止销售、警示、召回等补救措施；未及时采取补救措施或者补救措施不力造成损害扩大的，对扩大的损害也应当承担侵权责任。

依据前款规定采取召回措施的，生产者、销售者应当负担被侵权人因此支出的必要费用。

第一千二百零七条 明知产品存在缺陷仍然生产、销售，或者没有依据前条规定采取有效补救措施，造成他人死亡或者健康严重损害的，被侵权人有权请求相应的惩罚性赔偿。

第五章  机动车交通事故责任

第一千二百零八条 机动车发生交通事故造成损害的，依照道路交通安全法律和本法的有关规定承担赔偿责任。

第一千二百零九条 因租赁、借用等情形机动车所有人、管理人与使用人不是同一人时，发生交通事故造成损害，属于该机动车一方责任的，由机动车使用人承担赔偿责任；机动车所有人、管理人对损害的发生有过错的，承担相应的赔偿责任。

第一千二百一十条 当事人之间已经以买卖或者其他方式转让并交付机动车但是未办理登记，发生交通事故造成损害，属于该机动车一方责任的，由受让人承担赔偿责任。

第一千二百一十一条 以挂靠形式从事道路运输经营活动的机动车，发生交通事故造成损害，属于该机动车一方责任的，由挂靠人和被挂靠人承担连带责任。

第一千二百一十二条 未经允许驾驶他人机动车，发生交通事故造成损害，属于该机动车一方责任的，由机动车使用人承担赔偿责任；机动车所有人、管理人对损害的发生有过错的，承担相应的赔偿责任，但是本章另有规定的除外。

第一千二百一十三条 机动车发生交通事故造成损害，属于该机动车一方责任的，先由承保机动车强制保险的保险人在强制保险责任限额范围内予以赔偿；不足部分，由承保机动车商业保险的保险人按照保险合同的约定予以赔偿；仍然不足或者没有投保机动车商业保险的，由侵权人赔偿。

第一千二百一十四条 以买卖或者其他方式转让拼装或者已经达到报废标准的机动车，发生交通事故造成损害的，由转让人和受让人承担连带责任。

第一千二百一十五条 盗窃、抢劫或者抢夺的机动车发生交通事故造成损害的，由盗窃人、抢劫人或者抢夺人承担赔偿责任。盗窃人、抢劫人或者抢夺人与机动车使用人不是同一人，发生交通事故造成损害，属于该机动车一方责任的，由盗窃人、抢劫人或者抢夺人与机动车使用人承担连带责任。

保险人在机动车强制保险责任限额范围内垫付抢救费用的，有权向交通事故责任人追偿。

（75 caengz sat）

（壮文稿由中国民族语文翻译局提供）