4 nyied 4 hauh cingqdwg ngoenz- gyaj Cietcingmingz, Swcigih Dangjveij suhgi Liuz Ningz doeksaed gij iugouz youqgaenj “seiq roengz gihcwngz” Siz Ginbingz cungjsuhgi, yungh seiz bae camgya yienghsaeh caeuq guekrog doxgven de, bae Ningzmingz Yen daengz dieg genjcaz cijdauj hong baujhoh caeuq yungh vwnzva yizcanj、ngoenzgyaj dieg baeyouz ancienz caeuq mboengq Cietcingmingz fuengz feiz coemh ndoeng.

Liuz Ningz daengz dieg gaujcaz roxyiuj gij cingzgvang baujhoh caeuq yungh vehbangxdat Byaraiz, nyinh- caen genjcaz hong ngoenzgyaj dieg baeyouz ancienz. “Siz Ginbingz cungjsuhgi gig yawjnaek hong baujhoh lizsij vwnzva yizcanj, daegbied gangj daengz aeu gingqlau lizsij、gingqlau vwnzva、gingqlau swnghdai, cienz- mienh baujhoh ndei lizsij vwnzva yizcanj.” Liuz Ningz ceijok, aeu haeujlaeg hagsib gvancez gij swh- siengj vwnzva Siz Ginbingz caeuq gij lwnhgangj youqgaenj gvendaengz baujhoh lizsij vwnzva yizcanj Siz Ginbingz cungjsuhgi, gagrox bae doiq lizsij fwcwz、doiq bouxminz fucwz, hawj gij rizmeg lizsij ndaej cienzswnj roengzbae. Aeu cungfaen yungh gij minzcuz vwnzva swhyenz、lizsij vwnzvuz swhyenz lai Gvangjsih, lai gyagiengz yungh caeuq vatcimh gij gyaciz vehbangxdat Byaraiz daengj vwnzva yizcanj, engq ndei fatyiengz gij vwnzva ciuhgeq maenhndei Cunghvaz, doicaenh hwnqguh aen gih guhyiengh couqmaenh gij eiqsik caezcaemh Cunghvaz Minzcuz. Ngoenzgyaj Ciet- cingmingz、Sam Nyied Sam Gvangjsih caeuq “haj it” laebdaeb daengz, vunz baedauq lai、doxcomz lai, aeu lai anbaiz ndei, nyinhcaen doeksaed gak hangh ancienz banhfap, gyagiengz gamguenj dieg baeyouz、dieg gungh- gung vwnzva daengj dieg ancienz, gyalai baizcaz dieg miz huxndumj caeuq cingjceih dieg youqgaenj, bauj- maenh ngoenzciet aen dieg baeyouz ancienz miz bouhloh.

Seizneix, cingqdwg seiz gvanhgen seizcin fuengz feiz coemh ndoeng. Liuz Ningz daegbied gangj daengz, daengx gih gak gaep gak bouhmonz aeu nyinhcaen doeksaed gij cingsaenz cijsi youqgaenj hong fuengz feiz coemh doenghnywj ndoengfaex Siz Ginbingz cungjsuhgi, yiemzgek doek- saed gij cwzyin diegguenj, baenz caengz baenz caengz bae doeksaed cwzyin, gyagiengz gihcwngz vunzlai gag fuengz gag guenj, cienzmienh baizcaz cingjceih fungyiemj hux- ndumj, yawjmaenh dawzcinj dieg youqgaenj、dieg gvanhgen caeuq seiz youqgaenj, ca ndei hong fuengz feiz coemh ndoeng mboengq Cietcing- mingz、Sam Nyied Sam Gvangjsih daengj, lai guenjhanh goekfeiz，hawj feiz caengz coemh couh ndaep, giengiet fuengz miz feiz hung coemh ndoeng, giengiet henhoh bouxminz sengmingh cienzcaiz ancienz.

(Cinz Yizcwz daj 《Gvangjsih Yizbau》 aeu daeuj hoiz)