“Lwgnyez maij gwn gyaeq- gaeq hoengz, Mulauj gyaez loengh Sam Nyied Sam.” 3 nyied 28 hauh, Aen Hezvei Minzsug Hoihbo Lozcwngz Mulaujcuz Swciyen Hozciz Si ciu canghfwen youq Cwngzlungzhuz Gunghyenz lienh eu fwen. Gyoengq canghfwen bengx bien bengx eu doengh gij fwen gvendaengz “Sam Nyied Sam Gvangjsih”、 minzcuz doxgiet daengj, yaek gvaq cietfwen “Sam Nyied Sam”. Ngoenzciet yaek daengz, haujlai boux gyaez vwnzyi haenx goj cagaenj baizlienh gij cezmuz miz daegsaek minzcuz de, guh ok gij fwnhveiz gvaq ciet naekna daeuj.

（Liu Gvanghfuz/廖光福 Veiz Yuzdai/韦如代）