3 nyied 27 hauh, Fangzcwngz- gangj Si Fangzcwngz Gih Minz- cunghgiz lienzhab fulenz、minz- cwnggiz、swhfazgiz, Sizvansanh Yauz- cuz Yangh Cwngfuj caeuq Aen Hoih Hoengzcibcih ndawyangh daengj laebbaenz aen doih lwnhgangj bujgiz faplwd, bae Sizvansanh Yauzcuz Yangh guh hozdung “soengq fap bae Mbanjyauz, minzcuz doxgiet coi huzndei” lwnh fap gangj fap. Gyoengqde soengq saw faplwd caeuq swhliu minzcuz doxgiet bae hagdangz、ranzbing、lajmbanj、giz dieg vunzlai sinyangj haenx, hawj vunzlai Mbanjyauz bujgiz cihsiz faplwd, daz- yinx vunzlai gag hag fap、rox fap、yungh fap, gag henhoh minzcuz doxgiet caeuq lajbiengz an’onj. Gaen- laeng, Fangzcwngz Gih yaek haeujlaeg guh hong cauhlaeb minzcuz doxgiet baenaj, guh lai cungj lai yiengh hozdung lwnhgangj, gyagiengz gak minzcuz “samgyau”, guhlaeg guhsaed hong couqmaenh gij eiqsik caezcaemh Cunghvaz Minzcuz.

（Cinz Veijcaiz/陈伟才 Vangz Yizyenz/黄日源）