3 nyied 30 hauh, bi 2024 “Sam Nyied Sam Gvangjsih Youq Ging Yawj Feihyiz” baenzroix hozdung youq Baekging hainduj guh, hozdung youz Swcigih Cwngfuj Cuginghban lienzhab Swcigih Minzcunghveij、Cungjgunghvei、Vwnzva Caeuq Lij- youzdingh、Sanghvudingh、Dijyuzgiz daengj danhvei youq Baekging caez- caemh banh.

Gwnz aen yizsiz hainduj, cawj- banh danhvei faenbied soengq cek saw《Cunghvaz Minzcuz Gungdungzdij Gyonjlwnh》 hawj boux daibyauj hag- seng gauhyau、vunz guhhong cauhnieb daeuj camgya hozdung haenx. Gyoengq vunz youq Baekging guhhong cauhnieb daeuj doxdax bengcag, miz 16 aen doih camgya, ginggvaq dox- dax, doeklaeng Aen Doih Singzheu Cungguek ndaej daihdaeuz, Aen Doih Mbanj Souhgyaeu Hozciz、Aen Doih Simndei Liujcouh faenbied ndaej daihngeih caeuq daihsam.

Dieg guh hozdung, beixnuengx Myauzcuz ndang daenj buhvaq minz- cuz caeuq dawz gaiqngaenz dajcang, angqyangz boq venz diuq foux; hagseng Nanzningz Cizyez Yozyen yienj dwkdom、daenj maxfaex daengj Gvangjsih minzcuz cienzdoengj dijyuz; aen doih saeceij Dwngzyen youq yienhciengz foux saeceij ndeiyawj hawj vunzlai yawj; youq dieg langhbaij huqndei feihyiz, miz haujlai bouxgeq caeuq lwgnyez daeuj dajgaj youzcet.

Ciuq cam rox, bi 2024 “Sam Nyied Sam Gvangjsih Youq Ging Yawj Feihyiz” baenzroix hozdung neiyungz lailang、hingzsik laiyiengh, cujyau neiyungz dwg “caet aen ndeu”, couh dwg ciengz minzcuz feihyiz vwnzva hoihhoengh ndeu、 daiz vwnzva cienzswnj vanjvei ndeu、ciengz Gvangjsih Baekging gak cuz bouxcoz nyezrauh vwnzva doxgyau hozdung ndeu、lwnz cihsiz Betgveiq doxdax ndeu、hangh Baekging Gvangjsih vwnzva langhbaij caeuq sibinz boq- cuengq ndeu、baez “huqndei namz baek” doiqvah ndeu caeuq duix feih Gvangjsih faenj Gvangjsih byaek Gvangjsih haeuj buveij（yanghgi） ndeu.

(Hij Danhdingz daj 《Gvangjsih Yizbau》 aeu daeuj genj hoiz)