译文：

Vugungh daengz Doenghaij,

Byaij haeuj ndaw Lungzgoeng;

Caeuq Auzgvangj gangjmingz,

Ra binghgi bae yungh.

Lungzvuengz ndi ndei euq,

Heuh bingnyauh ram daeuj;

Fag goujgujsah laux,

Gyaeuj gaen sam cien roek.

Vugungh gaem haeuj fwngz,

Mbat gingz baenqbaenq yawj;

Gyaengh neix ndi haeujcaw,

Mbaeu lai ndi ndeiyungh.

Lungzvuengz raen yienghneix,

Coi ciengnyauh ruqdi;

Ram fanghdenh vagiz,

Miz caet cien ngeih gaen.

Vugungh yaemz liux yaemz,

Mbat baenq couh yiemz mbaeu;

Lungzvuengz baet fwngz naeuz,

Goengfou nden caen ak.

Vugungh youh caiq cam,

Miz ndei ram okdaeuj;

Lungzvuengz ngauzngau gyaeuj,

Naeuz caiq ndi miz gvaq.

Vugungh dingq yienghneix,

Heiqhwnj naeuz ndi saenq;

Caeuq Lungzvuengz doxceng,

Nyengz ndaej hemq cauznyaeng.

Lungzbuz Lungzmbwk nyi,

Riuhi ok laeng daeuj;

Couh doiq Lungzvuengz naeuz,

Euq cing neix mbouj gvaq.

Buz lwnh geij ngoenz neix,

Daejhaij saenzcinhdez;

Gim rongh lumj ndi seq,

Fwj ndei swngbongbong.

Ngoenzneix cing neix ma,

Ra binghgi hoh ndang;

Mbouj seih mbwn guh’angq,

Langh cing neix ma swngz.

Gyaengh neix miz maz yungh,

Caih cing neix aeu bae;

Yungh ndaej caeuq mbouj ndaej,

Soengq okbae liux saeh.

Gonq Dayij ceihraemx,

Gyaengh neix rau dah haij;

Gyawz cienj laeg geijlai,

Ndei haifat leihyungh.

Lungzvuengz dingq buz vah,

Ma doiq Vugungh gangj;

Youq daejhaij cungqgyang,

Daengj miz gyaengh dietsaenz.

Vugungh dingq hauhneix,

Sikhaek coi bae yawj;

Lungzvuengz baet fwngz naeuz,

Gwed caeuq ram mbouj ning.

Vugungh heuh daiq roen,

Gaen daengz daejhaij raen;

Ronghgim ndongqmyanmyan,

Lungzvuengz ceij gyaengh neix.

Vugungh vid genbuh,

Baez lumh lumj dietsaeu;

Daihgaiq daeuj nyaenx laux,

Mauh song ciengh yawz raez.

De haenqrengz bae ngoek,

Nauh loek laux loek raez;

Naengz lai dinj lai saeq,

Ndaej gyaengh neix ndeiyungh.

Vugungh ngamq gangj sat,

Baujboiq gag bienq lig(ruq);

Sikhaek dinj geij cik,

Yaek habsim de ngeix.

Vugungh daenhdaenh naeuz,

Aeu saeq dem engq ndei;

Yawj gyaengh baujboiq neix,

Youh saeq liux geij faen.

Vugungh angq raixcaix,

Ok daejhaij daeuj yawj;

Raen gyaengh neix song gyaeuj,

Aeu gyokgim ndongqmyanz.

Gyaengh diet neix cungqgyang,

Dwg mbaenq diet ndaemni;

Gaek miz saw haj cih,

“Yuzyi ginhguhbang”.

Naek miz fanh sam haj,

Sim ha angq dangqmaz;

“Mwngz caeux youq neix caj,

Gou ra doiq ngoenzneix”.

Vugungh itmienh yamq,

Ndawsim nam bak niemh;

Daenhdaenh heuh gawq bienq,

Suenq naeuz dinj saeq dem.

Vugungh dawz daengz rog,

Dog ngamq miz song ciengh;

Lauxsaeq bakvanj yiengh,

Dawz yungh cingq haeujsim.

Vugungh dauq Lungzgoeng,

Hai goengfou ak daeuj;

Gveng ok geisoq gaeuq,

Gaem baujboiq vidvang.

Ndawhaij raemx fandoengh,

Loengh baengz raemx gienjlin;

Lungzvuengz ranz yaek binq,

Buet sinzsanz heuh dai.

Haep ndaej laux Lungzvuengz,

Vueng simndum mbeilek;

Lungziq swenjgetget,

Muengz beksanq hoenz mbin.

Gvi bez muengz sukhoz,

Yenz doz saenzgyaeuxgyaex;

Bya’nyauh dawz mingh caeu,

Auz byaeu baeng gyaeuj buet.

Vugungh gaem baujboiq,

Diuq hwnj gwnz goengdienh;

Lungzvuengz fwt naj bienq,

Vugungh muengz docih.

Lungzvuengz hix goj gvai,

Nai naeuz gaej gangj neix;

Raeuz mbanj ranz gyaezndei,

Miz haen hoj doxbang.

Vugungh youh caiq cam,

Gou goj van baujboiq;

Ndaej bauj ndi miz boiq,

Ce doiqbuh gou longz.

Lungzvuengz de han naeuz,

Gou ndi miz longz hoij;

Vugungh gaem baujboiq,

Doiq Lungzvuengz baiqbiek.

（Lanz Gozvuj/蓝国武）

原文：正说处，后面闪过龙婆、龙女道：“大王，观看此圣，决非小可。我们这海藏中，那一块天河定底的神珍铁，这几日霞光艳艳，瑞气腾腾，敢莫是①该出现，遇此圣也？”龙王道：“那是大禹治水之时，定江海浅深的一个定子，是一块神铁，能中何用？”龙婆道：“莫管他用不用，且送与他，凭他怎么改造，送出宫门便了。”老龙王依言，尽向悟空说了。悟空道：“拿出来我看。”龙王摇手道：“扛不动！抬不动！ 须上仙亲去看看。”悟空道：“在何处？你引我去。”龙王果引导至海藏中间，忽见金光万道。龙王指定道：“那放光的便是。”悟空撩衣上前，摸了一把，乃是一根铁柱子，约有斗来粗，二丈有馀长。他尽力两手挝过道：“忒粗忒长些！再短细些方可用。”说毕，那宝贝就短了几尺，细了一围。悟空又颠一颠道：“再细些更好！”那宝贝真个又细了几分。悟空十分欢喜，拿出海藏看时，原来两头是两个金箍，中间乃一段乌铁；紧挨箍有镌成的一行字，唤做“如意金箍棒”，重一万三千五百斤。心中暗喜道：“想必这宝贝如人意！”一边走，一边心思口念，手颠着道：“再短细些更妙！”拿出外面，只有二丈长短，碗口粗细。

你看他弄神通，丢开解数，打转水晶宫里，唬得老龙王胆战心惊，小龙子魂飞魄散；龟鳖鼋鼍皆缩颈，鱼虾鳌蟹尽藏头。悟空将宝贝执在手中，坐在水晶宫殿上。对龙王笑道:“多谢贤邻厚意。”龙王道：“不敢，不敢。”悟空道：“这块铁虽然好用，还有一说。”龙王道:“上仙还有甚说？”悟空道：“当时若无此铁，倒也罢了；如今手中既拿着他，身上更无衣服相趁，奈何？ 你这里若有披挂，索性送我一副，一总奉谢。”龙王道：“这个却是没有。”

①敢莫是——疑问之词。犹莫非是、难道是。

（节选自《西游记》第三回，人民文学出版社，2005年）