（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz itcien itbak goujcib Boux miz gij naengzlig caezcup hengz minzsaeh aenvih camhseiz mbouj rox bonjfaenh guh maz roxnaeuz gag haed mbouj ndaej cix sonjhaih bouxwnq miz loek ne，wngdang rapdawz cwzyin ciemqgienz；mbouj miz loek ne，gaengawq gij ginghci ndeiyaez bouxhengz bae habdangq boizbouj hawj bouxdenghaih.

Boux miz gij naengzlig caezcup hengz minzsaeh aenvih laeujfiz、lamhyungh ywmaz roxnaeuz ywcing- saenz，camhseiz mbouj rox bonjfaenh guh maz roxnaeuz gag haed mbouj ndaej cix sonjhaih bouxwnq ne，wngdang rapdawz cwzyin ciemqgienz.

Diuz itcien itbak goujcib it Bouxguhhong aen danvih yunghvunz aenvih guh gaiq hong danvih cix sonjhaih bouxwnq ne，youz aen danvih yunghvunz rapdawz cwzyin ciemqgienz. Aen danvih yunghvunz rapdawz cwzyin ciemqgienz gvaqlaeng，ndaej laeng bouxguhhong dwg daegdaengq roxnaeuz loengloek hungnaek de gyaepboiz.

Youq mboengq baij hong，bouxguhhong baij ok de aenvih gaiq hong danvih cix sonjhaih bouxwnq ne，youz aen danvih yunghvunz ciepsouh baij hong de rapdawz cwzyin ciemqgienz；aen danvih baij hong de miz loek ne，rapdawz cwzyin doxwngq.

Diuz itcien itbak goujcib ngeih Ndawgyang gagboux miz yiengh gvanhaeh hongsaeh，mbiengj hawj hong aenvih hongsaeh hawj bouxwnq deng sonjhaih ne，youz mbiengj ciep hong rapdawz cwzyin ciemqgienz. Mbiengj ciep hong rapdawz cwzyin ciemqgienz gvaqlaeng，ndaej laeng mbiengj hawj hong aenvih daegdaengq roxnaeuz loekloeng hungnaek de gyaepboiz. Mbiengj hawj hong aenvih hongsaeh deng sonjhaih ne，yawj gij loengloek bonjfaenh gak boux gag bae rapdawz cwzyin doxwngq.

Youq mboengq hawj hong，aenvih gij yiengh- saeh bouxdaihsam guh haenx hawj mbiengj hawj hong deng sonjhaih ne，mbiengj hawj hong miz gienz cingjgouz bouxdaihsam rapdawz cwzyin ciemqgienz，hix miz gienz cingjgouz mbiengj ciep hong boujboiz. Mbiengj ciep hong boujboiz gvaqlaeng，ndaej laeng bouxdaihsam gyaepboiz.

Diuz itcien itbak goujcib sam Bouxciephong youq mwh guh hong sonjhaih daengz bouxdaihsam roxnaeuz sonjhaih daengz bonjfaenh ne，boux- dinghguh mbouj rapdawz cwzyin ciemqgienz. Hoeng，bouxdinghguh doiq dinghguh、dazyinx roxnaeuz senjnyaemh miz loek ne，wngdang rapdawz cwzyin doxwngq.

Diuz itcien itbak goujcib seiq Boux daezhawj aen yunghhoh vangjloz、yiengh fugsaeh vangjloz leihyungh vangjloz ciemqhaih gienzik minzsaeh bouxwnq ne，wngdang rapdawz cwzyin ciemqgienz. Faplwd lingh miz gvidingh ne，ciuq gij gvidingh de guh.

Diuz itcien itbak goujcib haj Aen yunghhoh vangjloz yungh yiengh fugsaeh vangjloz guh gij yienghsaeh ciemqgienz ne，bouxgienzleih miz gienz naeuzrox boux daezhawj yiengh fugsaeh vangjloz itdingh aeu cabae、cwdangj、gatduenh lienhciep daengj. Naeuzrox wngdang baudaengz gij baengz- gawq cobouh cauhbaenz ciemqgienz de caeuq gij saenqsik ndangfaenh caensaed bouxgienzleih.

Boux daezhawj yiengh fugsaeh vangjloz ciep- daengz naeuzrox le，wngdang gaenriengz couh cienjsoengq aen naeuzrox neix hawj aen yunghhoh vangjloz doxgven de，caemhcaiq gaengawq gij baengzgawq cobouh cauhbaenz ciemqgienz de caeuq gij loihhingz fugsaeh bae dawz ok gij banhfap noix mbouj ndaej；mbouj gaenriengz dawz ok gij banhfap noix mbouj ndaej ne，bouhfaenh sonjhaih demlai haenx，youz de caeuq aen yunghhoh vangjloz rapdawz cwzyin lienzdaiq.

Bouxgienzleih aenvih naeuzrox miz loek cix hawj aen yunghhoh vangjloz roxnaeuz boux guh yiengh fugsaeh vangjloz deng sonjhaih ne，wngdang rapdawz cwzyin ciemqgienz. Faplwd lingh miz gvidingh ne, ciuq gij gvidingh de guh.

Diuz itcien itbak goujcib roek Aen yunghhoh vangjloz ciepdaengz aen naeuzrox cienjsoengq de gvaqlaeng，ndaej daezgyau aen singmingz naeuz mbouj miz gij yienghsaeh ciemqgienz hawj boux guh yiengh fugsaeh vangjloz. Aen singmingz neix wngdang baudaengz gij baengzgawq cobouh gangj- mingz mbouj miz gij yienghsaeh ciemqgienz nem gij saenqsik ndangfaenh caensaed aen yunghhoh vangjloz.

Boux guh yiengh fugsaeh vangjloz ciepdaengz aen singmingz le，wngdang cienjsoengq aen singmingz neix hawj bouxgienzleih fat ok naeuz- rox，caemhcaiq naeuz de bae aen bouhmonz mizgven cienggauq roxnaeuz daengz yinzminz fazyen dajgauq. Boux guh yiengh fugsaeh vangjloz cienj- soengq aen singmingz daengz bouxgienzleih gvaqlaeng，youq ndaw geizhanh hableix，mbouj soudaengz aen naeuzrox bouxgienzleih gaenq cienggauq roxnaeuz dajgauq ne，wngdang gaenj- riengz satdingz gij guhfap bonjfaenh.

Diuz itcien itbak goujcib caet Boux guh yiengh fugsaeh vangjloz rox roxnaeuz wngdang rox aen yunghhoh vangjloz leihyungh yiengh fugsaeh vangjloz de bae ciemqhaih gienzik minzsaeh bouxwnq，mbouj yungh gij banhfap noix mbouj ndaej ne，caeuq aen yunghhoh vangjloz neix rapdawz cwzyin lienzdaiq.

Diuz itcien itbak goujcib bet Bouxginghyingz、bouxguenj binhgvanj、sanghcangz、ngaenzhangz、cehcan、gihcangz、dijyuz cangzgvanj、ciengzdieg guhcaemz daengj gij ciengzdieg ginghyingz、ciengz- dieg cungqvunz caezcaemh de，roxnaeuz boux ciucomz gij yienghsaeh vunzlai caeuqfaenh，mbouj caenhrengz guh ndei faenh hong baujcang ancienz，hawj bouxwnq deng sonjhaih ne，wngdang rapdawz cwzyin ciemqgienz.

Aenvih gij yienghsaeh bouxdaihsam cix hawj bouxwnq deng sonjhaih ne，youz bouxdaihsam rapdawz aen cwzyin ciemqgienz；bouxginghyingz、bouxguenj roxnaeuz bouxciucomz mbouj caenhrengz guh ndei faenh hong baujcang ancienz ne，rapdawz aen cwzyin dembouj doxwngq. Bouxginghyingz、bouxguenj roxnaeuz bouxciucomz rapdawz cwzyinz dembouj gvaqlaeng，ndaej laeng bouxdaihsam gyaepboiz.

Diuz itcien itbak goujcib gouj Boux mbouj miz naengzlig hengz minzsaeh mwh youq youwzyenz、hagdangz roxnaeuz aen gihgou gyauyuz wnq hagsib、swnghhoz deng sonjhaih ndangvunz ne，youwzyenz、hagdangz roxnaeuz aen gihgou gyauyuz wnq wngdang rapdawz cwzyin ciemqgienz；hoeng，ndaej cwngmingz gaenq caenhrengz guh ndei faenh hong son’gyauq、 guenjleix ne，mbouj rapdawz cwzyin ciemqgienz.

Diuz itcien songbak Boux deng hanh gij naengzlig hengz minzsaeh mwh youq hagdangz roxnaeuz aen gihgou gyauyuz wnq hagsib、swnghhoz deng sonjhaih ndangvunz，hagdangz roxnaeuz aen gihgou gyauyuz wnq mbouj caenhrengz guh ndei faenh hong son’gyauq、guenjleix ne，wngdang rapdawz cwzyin ciemqgienz.

第一千一百九十条 完全民事行为能力人对自己的行为暂时没有意识或者失去控制造成他人损害有过错的，应当承担侵权责任；没有过错的，根据行为人的经济状况对受害人适当补偿。

完全民事行为能力人因醉酒、滥用麻醉药品或者精神药品对自己的行为暂时没有意识或者失去控制造成他人损害的，应当承担侵权责任。

第一千一百九十一条 用人单位的工作人员因执行工作任务造成他人损害的，由用人单位承担侵权责任。用人单位承担侵权责任后，可以向有故意或者重大过失的工作人员追偿。

劳务派遣期间，被派遣的工作人员因执行工作任务造成他人损害的，由接受劳务派遣的用工单位承担侵权责任；劳务派遣单位有过错的，承担相应的责任。

第一千一百九十二条 个人之间形成劳务关系，提供劳务一方因劳务造成他人损害的，由接受劳务一方承担侵权责任。接受劳务一方承担侵权责任后，可以向有故意或者重大过失的提供劳务一方追偿。提供劳务一方因劳务受到损害的，根据双方各自的过错承担相应的责任。

提供劳务期间，因第三人的行为造成提供劳务一方损害的，提供劳务一方有权请求第三人承担侵权责任，也有权请求接受劳务一方给予补偿。接受劳务一方补偿后，可以向第三人追偿。

第一千一百九十三条 承揽人在完成工作过程中造成第三人损害或者自己损害的，定作人不承担侵权责任。但是，定作人对定作、指示或者选任有过错的，应当承担相应的责任。

第一千一百九十四条 网络用户、网络服务提供者利用网络侵害他人民事权益的，应当承担侵权责任。法律另有规定的，依照其规定。

第一千一百九十五条 网络用户利用网络服务实施侵权行为的，权利人有权通知网络服务提供者采取删除、屏蔽、断开链接等必要措施。通知应当包括构成侵权的初步证据及权利人的真实身份信息。

网络服务提供者接到通知后，应当及时将该通知转送相关网络用户，并根据构成侵权的初步证据和服务类型采取必要措施；未及时采取必要措施的，对损害的扩大部分与该网络用户承担连带责任。

权利人因错误通知造成网络用户或者网络服务提供者损害的，应当承担侵权责任。法律另有规定的，依照其规定。

第一千一百九十六条 网络用户接到转送的通知后，可以向网络服务提供者提交不存在侵权行为的声明。声明应当包括不存在侵权行为的初步证据及网络用户的真实身份信息。

网络服务提供者接到声明后，应当将该声明转送发出通知的权利人，并告知其可以向有关部门投诉或者向人民法院提起诉讼。网络服务提供者在转送声明到达权利人后的合理期限内，未收到权利人已经投诉或者提起诉讼通知的，应当及时终止所采取的措施。

第一千一百九十七条 网络服务提供者知道或者应当知道网络用户利用其网络服务侵害他人民事权益，未采取必要措施的，与该网络用户承担连带责任。

第一千一百九十八条 宾馆、商场、银行、车站、机场、体育场馆、娱乐场所等经营场所、公共场所的经营者、管理者或者群众性活动的组织者，未尽到安全保障义务，造成他人损害的，应当承担侵权责任。

因第三人的行为造成他人损害的，由第三人承担侵权责任；经营者、管理者或者组织者未尽到安全保障义务的，承担相应的补充责任。经营者、管理者或者组织者承担补充责任后，可以向第三人追偿。

第一千一百九十九条 无民事行为能力人在幼儿园、学校或者其他教育机构学习、生活期间受到人身损害的，幼儿园、学校或者其他教育机构应当承担侵权责任；但是，能够证明尽到教育、管理职责的，不承担侵权责任。

第一千二百条 限制民事行为能力人在学校或者其他教育机构学习、生活期间受到人身损害，学校或者其他教育机构未尽到教育、管理职责的，应当承担侵权责任。

（74 caengz sat）

（壮文稿由中国民族语文翻译局提供）