Mboengqneix, Swcigih Cauh- swngh Gaujsiyen fatbouh goenggauq, Gvangjsih bi 2024 bujdungh gauhgauj seizgan dinghcinj dwg 6 nyied 7 hauh、8 hauh、9 hauh 3 ngoenz.

Mboengqneix, Gyauyuzbu fat- bouh 《Gij Gvidingh Hong Ciuseng Bujdungh Gauhdwngj Hagdangz Bi 2024》, dinghmingz bi 2024 gauhgauj dungjgauj youq 6 nyied 7 hauh hainduj gauj, caemhcaiq gvidingh gohmuz lawz seizlawz gauj, aeu gangj cingcuj dwg, ndaw aen gvidingh neix “6 nyied 8 hauh 9∶00 daengz 11∶30 vwnzgoh cunghab/lijgoh cunghab” dwg gaujsi anbaiz aen sengj caengz saedhengz gauhgauj gaijmoq de， Gvangjsih youq duenh seizgan neix anbaiz gauj vuzlij caeuq lizsij 2 loh gohmuz senjdaeuz.

Daj bi 2024 hainduj, Gvangjsih bujdungh gauhyau ciuseng dungjyiz gaujsi saedhengz “3+1+2” vunqsik, baugvat 3 loh daengx guek dungjyiz gaujsi（genjdanh heuh “daengx guek dungjgauj”） gohmuz caeuq 3 loh bujdungh gauhcungh yozyez suijbingz senjleh gaujsi（genjdanh heuh“leh gauj”） gohmuz. Ndawde, daengx guek dungjgauj gohmuz dwg yijvwnz、suyoz、 vaiyij（Yinghyij、Yizyij、Ngozyij、Fazyij、Sihbanhyazyij caih leh loh ndeu） 3 loh, youz Gyauyuzbu dungjyiz ok daez, ciuq Gyauyuzbu ndaw《Gij Gvidingh Hong Ciuseng Bujdungh Gauhdwngj Hagdangz Bi 2024》 gvendaengz gohmuz gaujsi seizgan anbaiz cujciz gauj. Leh gauj gohmuz youz gaujseng daj vuzlij caeuq lizsij 2 loh gohmuz senjdaeuz caih leh loh ndeu, daj swhsiengj、cwngci、deihleix、vayoz、swnghvuzyoz 4 loh leh 2 loh dem. Leh gauj gohmuz youz Gvangjsih gag ok daez, caeuq daengx guek dungjgauj gohmuz gaujsi caemhseiz anbaiz.

(Liuz Ginz Maj Haijcinz)