Sinhvazse Baekging 3 nyied 24 hauh dienh Cek saw《Siz Ginbingz Lwnhgangj Hong Ginhyungz Yaebbien》Cunghgung Cunghyangh Dangjsij Caeuq Vwnzyen Yenzgiuyen bien haenx, mboengqneix youz Cunghyangh Vwnzyen Cuzbanjse okbanj, youq daengx guek fathengz.

Ginhyungz dwg gij meglwed gozminz ginghci, gvanhaeh daengx buenz hwnqguh yiengh yendaiva Cungguek. Cibbet Daih Dangj doxdaeuj, Dangj- cunghyangh aeu Siz Ginbingz dungzci guh goek de daj canloz daengx buenz haidin, gyagiengz cienz- mienh lingjdauj caeuq dungjcouz maeuzveh hong ginhyungz, doidoengh ginhyungz saehnieb hwngfat aeundaej cingzcik hungnaek moq, gaenxmaenx damqra gij gvilwd hwngfat ginhyungz seizdaih moq, mboujduenh gyalaeg roxyiuj gij bonjcaet ginhyungz sevei cujyi miz daegsaek Cungguek, mboujduenh doicaenh ginhyungz saedguh cauhmoq、lijlun cauhmoq、cidu cauhmoq, cugyamq byaij ok diuz roen hwngfat ginhyungz miz daegsaek Cungguek ndeu. Siz Ginbingz dungzci doiq gij lijlun hung- naek caeuq saedguh vwndiz ginhyungz saehnieb hwngfat guh ok baenzroix lwnhgangj youqgaenj, laeb’eiq sang gyae, neihanz lai, ngeixnaemj laegdaeuq, hawj dangj raeuz roxyiuj gij gvilwd bonjcaet hong ginhyungz caeuq diuzroen hwngfat ndaej daezswng daengz diegsang moq, dwg gij cauhmoq cwngzgoj youqgaenj Majgwzswh cujyi cwngci ginghciyoz gvendaengz ginhyungz vwndiz, cauhbaenz biencieng ginhyungz gij swhsiengj ginghci Siz Ginbingz, doiq seizdaih moq roenloh moq laemxsim mbouj bienq byaij diuzroen hwngfat ginhyungz miz daegsaek Cungguek, doicaenh ginhyungz hwngfat ndei saed、gyavaiq hwnqguh aen guek ak ginhyungz, gunghawj ginhyungz cengjdingx rengzrwd cienzmienh doicaenh hwnqguh aen guek ak、minzcuz fukhwng hungmbwk, miz yiyi youq- gaenj.

《Lwnhgangj Yaebbien》 faen 10 aen ciendaez, gungh gyonj 324 duenh lwnhgangj, daj gij baugau、gangjvah、gangjmingz、 yienjgangj daengj 120 lai bien vwnzyen youqgaenj Siz Ginbingz dungzci 2012 nienz 11 nyied daengz 2024 nienz 2 nyied duenh seizgan neix aeu daeuj. Ndawde mbangj lwnhgangj dwg baeznduj goenghai fatbiuj.