3 nyied 15 hauh, 20 lai aen cwngzyenz danhvei Bwzswz Si Denz- yangz Gih Siuveijvei miz saek bak boux vunz youq aen vwnzva gvangjcangz Baeuqroxdoh guh bi 2024 “3·15”ngoenz gienzik bouxsiuyungh caeuq “coi vunzlai lai siuyungh”aen hozdung cawjdaez lwnhgangj bi henhoh gienzik bouxsiuyungh. Yienhciengz miz vunz fat swhliu、baijok banjbau lwnh dajgyaj henhoh gienzik、langhbaij huqgyaj、lwnh baenzlawz banh huqgyaj、baij daiz dap vwndiz caeuq ciepsouh vunzlai douzsu daengj. Gyoengqde caemhcaiq lwnh 《Aen Fap Henhoh Gienzik Bouxsiuyungh Cunghvaz Yinzminz Gunghozgoz》daengj fapgvi faplwd, dazyinx bouxsiuyungh caeuq cangh- dajgai rox fap、souj fap、yungh fap, hawj vunzlai gag rox aeu faplwd henhoh gij gienzik swhgeij.

（Vangz Gozsun/黄国顺）