Gyawj geij bi neix, Hocouh Si Cauhbingz Yen Vwnzcuz Cin haenqrengz hwngfat gungganq canjnieb miz daegsaek, daiq vunzlai caez demsou baenzmiz, aeu gij eiqsik caezcaemh Cunghvaz Minzcuz bae saenqhwng lajmbanj, hawj vunzlai gak minzcuz cungj ndaej caezyungh gij cwngzgoj canjnieb hwngfat.

Vwnzcuz Cin damqra guh aen dijhi “aen dangjcihbu ndawmbanj + vangjgwz siujcuj aendangj +siujcuj vunzmbanj”, youq Mbanj- vwnzcuz cauhmoq guh “aen ding yaengsaeh Dadangz Cunh”. Bi 2023, Vwnzcuz Cin cujciz 20 lai boux vunz okrog bae hag baenz- lawz ndaem、guenjleix ywdoj caeuq baenzlawz guh ginghci gyanghongh, hag ndaej le ma hwngfat canjnieb ndawcin. Bi 2023, cizdij ginghci couhdwg vunzlai doxgap youq ndaw raemxcaep ciengx 4000 duz byasinzlungz, gai ndaej 10 fanh lai maenz ngaenz.

Bi 2023 doxdaeuj, Vwnzcuz Cin youq Mbanjvwnzcuz laebbaenz aen hezvei youzcaz Dadangz Cunh. Gyoengqde gonqlaeng cujciz hai ban son 30 lai aen ranzguhnaz guh youzcaz, caemhcaiq soengq hong- dawz hawj dem; bang song bouxcoz dauqma ranzmbanj couhnieb haenx douz le 12.7 fanh maenz ngaenz hai nungzgyahloz; gonqlaeng daiq- doengh 27 ranzguhnaz banh mbaw- cingq ndaej haidiemq guh aen gvanj gai youzcaz, lij miz 4 hoh gag hai gvanj gai youzcaz daengj- daengj.

Vwnzcuz Cin hwnqguh laj- mbanj habyouq, caemh dawz cauhguh minzcuz doxgiet baenaj yungz haeujbae, lumjbaenz hwnq aen gvangjcangz doengzsim vwnzva caeuq diuz yiemhswenz minzcuz doxgiet senhconz Vahyauz、giz dieg dajgaj vangjhungz, cugdi aeu “heu”coi fouq, aeu “fouq” daiq gyaeu, aeu “heu gyaeu” coicaenh minzcuz doxgiet.