Mboengqneix, gicej cam miz- gven bouhmonz roxyiuj, bineix, Gvangjsih roengauhsuz cungjlijcwngz yaek ndaej cungbyoengq 1 fanh goengleix, yaek guh moq 800 aen donghcungdienh.

“Gaxgonq hai ci nwngzyenz moq hwnj gauhsuz, ceiq lau cungdienh baizdoih, seizneix gyalai baenzneix lai donghcungdienh, ndaej noix haujlai seizgan.” Mboengqneix, naeuz daengz gij bienqvaq youq gwnz roengauhsuz cungdienh, bouxhaici Luz Nganz ciengzseiz youq G80 Gvangjgunh Gauhsuz hai ci haenx miz gamjsiengj lailang. Gaxgonq Gvangjgunh Gauhsuz Hwngzcouh Fuzvugih ngamq miz 8 aen dongh- cungdienh, baez daengz ngoenzciet, ci nwngzyenz moq baizdoih cung- dienh rim liux. Bi 2023, Hwngzcouh Fuzvugih gyalai 28 aen dongh- cungdienh, ndaej gaijgez aen nanz- daez ci nwngzyenz moq cungdienh hoj ndeindi. Gaenh geij bi neix daeuj, Swcigih Gyauhdungh Yin- suhdingh caeuq mizgven bouhmonz dazyinx gak gauhsuz goengloh gingh- yingz guenjleix danhvei, gyagiengz caeuq dienhmuengx giyez、cangh- guenjguh cungdienh doxgap, gyalai youq gwnz roen gauhsuz guh gaiq donghcungdienh.

Daengz seizneix, daengx gih aen fuzvugih roengauhsuz gungh hwnq- baenz diegdienhcamh 393 aen, hwnqbaenz donghcungdienh 4170 aen. Caemhseiz, Gvangjsih lij hwnq- baenz Ginhcouhsih Fuzvugih、Camh- soufeiq Caetsing Gveilinz song aen camhcungdienh ciugaep cenzyez- lwngj, riengjret cungdienh hawj ci nwngzyenz moq, hawj boux hai ci nwngzyenz moq youq gwnz roen- gauhsuz mbouj you dienh mbouj gaeuq hai.

(Vangz Yenjlaiz Veiz Nen daj 《Gvangjsih Yizbau》 aeu daeuj hoiz)