3 nyied 15 hauh, Aen Hoih Yaenglwnh Hong Laebbaenz Gvangj- sih Couqmaenh Gij Eiqsik Caezcaemh Cunghvaz Minzcuz Yenzgiuvei youq Nanzningz hai. Swcigih Dangjveij suhgi Liuz Ningz、Gvangjsih Couq- maenh Gij Eiqsik Caezcaemh Cungh- vaz Minzcuz Yenzgiu Gunghcoz Lingjdauj Siujcuj cujcangj Liuz Ningz bae vah.

Liuz Ningz cukhoh yenzgiuvei laebbaenz. De naeuz, Siz Ginbingz cungjsuhgi daegbied gangj daengz, couqmaenh gij eiqsik caezcaemh Cunghvaz Minzcuz dwg gij “gang” hong minzcuz dangj seizdaih moq. Laebbaenz Gvangjsih Couqmaenh Gij Eiqsik Caezcaemh Cunghvaz Minzcuz Yenzgiuvei, dwg haeujlaeg gvancez doeksaed Siz Ginbingz cungjsuhgi gij swhsiengj youqgaenj gvendaengz gyagiengz caeuq gaijndei hong minzcuz caeuq gij fanghloz iugouz naeuz Gvangjsih, gij banhfap youq- gaenj hwnqguh aen gih guhyiengh couqmaenh gij eiqsik caezcaemh Cunghvaz Minzcuz. Maqmuengh yenz- giuvei dingjmaenh aeu aen swhsiengj sevei cujyi miz daegsaek Cungguek seizdaih moq Siz Ginbingz guh dazyinx, cietsaed guh ndei cujciz hezdiuz、diucaz yenzgiu、lijlun yenzgiu、yaenglwnh yozsuz、senhconz gyauyuz daengj cizcwz, haenqrengz gyagiengz hwnqguh yozgoh caeuq hwnqguh aen doih yenzgiu, laebdin saehsaed Gvangjsih, doiok gij yenz- giu cwngzgoj ndei saed engq miz faenhliengh、miz gyaciz、miz daegsaek, gunghawj gezcwz camcaz caeuq hag- leix haeujcoengh rengzrwd hawj gih raeuz hwnqguh aen gih guhyiengh couqmaenh gij eiqsik caezcaemh Cunghvaz Minzcuz. Daengx gih gak gaep gak bouhmonz yaek dingjmaenh aeu couqmaenh gij eiqsik caezcaemh Cunghvaz Minzcuz guh gaiq sienqmeh gak hangh hong, caezhoz caez rengz hwnqguh aen gih guhyiengh couq- maenh gij eiqsik caezcaemh Cunghvaz Minzcuz, gyamaenh hwngfat aen gizmen ndei gak cuz bouxminz doxgiet buekguh.

Aen hoih daegbied gangj daengz, guh couqmaenh gij eiqsik caezcaemh Cunghvaz Minzcuz lijlun yenzgiu dwg gij aeuyungh gaenjgip fungfouq caeuq hwngfat minzcuz lijlun dangj seizdaih moq, hix dwg gij ngeihleix wnggai miz gih raeuz doicaenh hwnqguh aen gih guhyiengh couqmaenh gij eiqsik caez- caemh Cunghvaz Minzcuz. Yenzgiuvei aeu dingjmaenh soujcingq cauhmoq, dawzcinj yenzgiu fuengyiengq caeuq cungdenj, laebcaez hwnqguh yozgoh dijhi、yozsuz dijhi caeuq vahgangj dijhi, yungh yenzgiu lijlun suijbingz sang fugsaeh hwnqguh aen gih guhyiengh couqmaenh gij eiqsik caezcaemh Cunghvaz Minzcuz. Aeu giengzvaq cujciz baujcang, youq cujciz lingjdauj、guhhong cidu、hwnqguh aen doih daengj fuengmienh gyagiengz hwnqguh yenzgiuvei, ok dungxcaiz caeuq rengz doicaenh hwngfat ndei saed hong minzcuz dangj gih raeuz seizdaih moq.

(Liuz Li daj 《Gvangjsih Yiz- bau》 aeu daeuj hoiz)