（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz itcien itbak hajcib seiq Miz saek yiengh lajneix ne, faenh mizgven ndaw yizcanj ciuq fap- dingh ciepswnj bae guh:

(It)Bouxciepswnj vahdaengq mbouj ciepswnj roxnaeuz boux ndaej nyok gyadangq mbouj deq nyok;

(Ngeih)Bouxciepswnj vahdaengq saet bae gienzciepswnj roxnaeuz boux ndaej nyok gyadangq saet bae gij gienz ndaej nyokgyadangq;

(Sam)Bouxciepswnj vahdaengq、boux ndaej nyok gyadangq dai gonq boux laeb vahdaengq roxnaeuz satdingz;

(Seiq)Gij yizcanj ndaw bouhfaenh fouzyauq vahdaengq nangqdaengz de;

(Haj)Gij yizcanj vahdaengq mbouj cawqfaen haenx.

Diuz itcien itbak hajcib haj Youq mwh faen yizcanj, wngdang louz faenh hawj lwgndawdungx ciepswnj. Danghnaeuz lwgndawdungx seng ok couh dai le, faenh louz hawj de haenx ciuq fapdingh ciepswnj bae guh.

Diuz itcien itbak hajcib roek Faen yizcanj aeu ikleih swnghcanj caeuq gwndaenj aeuyungh, mbouj sonjhaih gij yauqyungh yizcanj.

Doengh gij yizcanj mbouj hab faen haenx, ndaej yungh cietgyaq、habdangq boizbouj roxnaeuz caemhmiz daengj daeuj guh.

Diuz itcien itbak hajcib caet Danghnaeuz gvanbaz miz mbiengj ndeu dai bae，lingh mbiengj dauq aeu(haq), miz gienz cawqfaen gij caizcanj de ciepswnj haenx, aen cujciz lawz roxnaeuz bouxlawz cungj mbouj ndaej laengz.

Diuz itcien itbak hajcib bet Swyenzyinz ndaej caeuq doengh gij cujciz roxnaeuz bouxvunz mbouj dwg bouxciepswnj de ciemdingh aen hezyi rexciengx nyok gyadangq. Ciuq hezyi, aen cujciz roxnaeuz bouxvunz neix wngdang bau ciengx bau cangq boux swyenzyinz neix, miz gienz ndaej nyok gyadangq.

Diuz itcien itbak hajcib gouj Faen yizcanj, wngdang boizliux gij cienzgvaeh caeuq dawzcaiq boux deng ciepswnj ciuqfap wngdang gyaunab、dienzboiz haenx; hoeng，wngdang louz di gyadangq noix mbouj ndaej ndeu hawj bouxciepswnj guh mbouj ndaej hong youh mbouj miz saek di souhaeuj haenx.

Diuz itcien itbak roekcib Gij yizcanj mbouj miz vunz ciepswnj youh mbouj miz vunz ndaej nyok gyadangq haenx, gvi hawj guekgya, aeu daeuj guh saehnieb goeng’ik; danghnaeuz bouxdai mwh lij youqseiq dwg boux vunz ndaw cujciz cizdij sojyoujci, couh gvi hawj aen cujciz cizdij sojyoujci de.

Diuz itcien itbak roekcib it Bouxciepswnj boiz gij cienzgvaeh caeuq dawzcaiq boux deng ciepswnj ciuqfap wngdang gyaunab、dienzboiz haenx，aeu doengh gij gyadangq de ciepswnj caen dij geijlai ngaenz haenx guh hanh. Bouhfaenh mauhgvaq gij cienzngaenz gyadangq caen dij ndaej de, danghnaeuz bouxciepswnj gagnyienh boiz couh mbouj deng hanh.

Danghnaeuz bouxciepswnj mbouj ciepswnj, ndaej mbouj rapdawz gij cwzyin boiz gij cienzgvaeh caeuq dawzcaiq boux deng ciepswnj ciuqfap wngdang gyaunab dienzboiz haenx.

Diuz itcien itbak roekcib ngeih Caephengz nyok gyadangq mbouj ndaej gazngaih boiz gij cienzgvaeh caeuq dawzcaiq boux nyok gyadangq ciuqfap wngdang gyaunab dienzboiz haenx.

Diuz itcien itbak roekcib sam Danghnaeuz gawq miz fapdingh ciepswnj youh miz vahdaengq ciepswnj、nyok gyadangq, youz bouxciepswnj fap- dingh boiz gij cienzgvaeh caeuq dawzcaiq boux deng ciepswnj ciuqfap wngdang gyaunab dienzboiz; bouhfaenh mauhgvaq gij cienzngaenz doengh gij gyadangq fapdingh ciepswnj caen dij ndaej de, youz boux ciepswnj vahdaengq caeuq boux ndaej nyok gyadangq ciuq beijlaeh aeu gij gyadangq gyoengqde ndaej haenx bae boizliux.

Bien Daihcaet Cwzyin Ciemqgienz

Cieng Daih’it Gvidingh Baeznaengz

Diuz itcien itbak roekcib seiq Bien neix diuzcingj gij gvanhaeh minzsaeh aenvih ciemqhaih gienzik minzsaeh cix miz haenx.

Diuz itcien itbak roekcib haj Danghnaeuz bouxhengz aenvih loengloek ciemqhaih gienzik minzsaeh bouxwnq cauhbaenz sonjhaih ne, wngdang rapdawz cwzyin ciemqgienz.

Ciuq gij gvidingh faplwd doidingh bouxhengz miz loengloek, danghnaeuz de cwngmingz bonjfaenh mbouj miz loek mbouj ndaej, wngdang rapdawz cwzyin ciemqgienz.

Diuz itcien itbak roekcib roek Bouxhengz sonjhaih gienzik minzsaeh bouxwnq, mboujlwnh bouxhengz miz mbouj miz loengloek, danghnaeuz faplwd gvidingh wngdang rapdawz cwzyin ciemq- gienz, ciuq gvidingh bae guh.

Diuz itcien itbak roekcib caet Danghnaeuz yiengh ciemqgienz haih daengz ndangvunz、caizcanj ancienz bouxwnq, boux deng ciemqgienz miz gienz bae cingjgouz bouxciemqgienz rapdawz gij cwzyin ciemqgienz lumjbaenz satdingz ciemqhaih、baizcawz gazngaih、siucawz yungyiemj daengj.

Diuz itcien itbak roekcib bet Song boux doxhwnj caemh bae guh ciemqgienz, danghnaeuz hawj bouxwnq deng sonjhaih ne, wngdang rapdawz cwzyin lienzdaiq.

Diuz itcien itbak roekcib gouj Danghnaeuz yukyon、bangcoh bouxwnq guh yiengh ciemqgienz, wngdang caeuq bouxhengz rapdawz cwzyin lienz- daiq.

Danghnaeuz yukyon、bangcoh boux mbouj miz naengzlig hengz minzsaeh、boux deng hanh gij naengzlig hengz minzsaeh guh yiengh ciemqgienz, wngdang rapdawz cwzyin ciemqgienz; danghnaeuz bouxgamhoh mbouj caenh rengz bae gamhoh boux mbouj miz naengzlig hengz minzsaeh、boux deng hanh gij naengzlig hengz minzsaeh, wngdang rapdawz cwzyin doxwngq.

Diuz itcien itbak caetcib Song boux doxhwnj guh gij yienghsaeh sienghaih daengz ndangvunz、caizcanj ancienz bouxwnq, ndawde boux ndeu roxnaeuz lai boux guh gij yienghsaeh sonjhaih daengz bouxwnq, danghnaeuz ndaej doekdingh bouxciemqgienz, hawj bouxciemqgienz rapdawz cwzyin; danghnaeuz doekdingh bouxciemqgienz mbouj ndaej, bouxhengz rapdawz cwzyin lienzdaiq.

Diuz itcien itbak caetcib it Song boux doxhwnj faenbied guh gij yienghsaeh ciemqgienz cauhbaenz doengz cungj sonjhaih, danghnaeuz moix boux guh yiengh ciemqgienz haenx cungj gaeuq cauhbaenz cienzbouh sonjhaih, bouxhengz rapdawz cwzyin lienzdaiq.

Diuz itcien itbak caetcib ngeih Song boux doxhwnj faenbied guh yiengh ciemqgienz cauhbaenz doengz cungj sonjhaih, danghnaeuz ndaej doekdingh cwzyin hung iq, gak boux gag rap cwzyin doxwngq; danghnaeuz nanz ndaej doekdingh cwzyin hung iq, couh bingzfaen rapdawz cwzyin.

Diuz itcien itbak caetcib sam Danghnaeuz boux deng ciemqgienz doiq mizok roxnaeuz gya- gvangq doengz aen sonjhaih miz loengloek, ndaej gemjmbaeu gij cwzyin bouxciemqgienz.

第一千一百五十四条 有下列情形之一的，遗产中的有关部分按照法定继承办理：

(一)遗嘱继承人放弃继承或者受遗赠人放弃受遗赠；

(二)遗嘱继承人丧失继承权或者受遗赠人丧失受遗赠权；

(三)遗嘱继承人、受遗赠人先于遗嘱人死亡或者终止；

(四)遗嘱无效部分所涉及的遗产；

(五)遗嘱未处分的遗产。

第一千一百五十五条 遗产分割时，应当保留胎儿的继承份额。胎儿娩出时是死体的，保留的份额按照法定继承办理。

第一千一百五十六条 遗产分割应当有利于生产和生活需要，不损害遗产的效用。

不宜分割的遗产，可以采取折价、适当补偿或者共有等方法处理。

第一千一百五十七条 夫妻一方死亡后另一方再婚的，有权处分所继承的财产，任何组织或者个人不得干涉。

第一千一百五十八条 自然人可以与继承人以外的组织或者个人签订遗赠扶养协议。按照协议，该组织或者个人承担该自然人生养死葬的义务，享有受遗赠的权利。

第一千一百五十九条 分割遗产，应当清偿被继承人依法应当缴纳的税款和债务；但是，应当为缺乏劳动能力又没有生活来源的继承人保留必要的遗产。

第一千一百六十条 无人继承又无人受遗赠的遗产，归国家所有，用于公益事业；死者生前是集体所有制组织成员的，归所在集体所有制组织所有。

第一千一百六十一条 继承人以所得遗产实际价值为限清偿被继承人依法应当缴纳的税款和债务。超过遗产实际价值部分，继承人自愿偿还的不在此限。

继承人放弃继承的，对被继承人依法应当缴纳的税款和债务可以不负清偿责任。

第一千一百六十二条 执行遗赠不得妨碍清偿遗赠人依法应当缴纳的税款和债务。

第一千一百六十三条 既有法定继承又有遗嘱继承、遗赠的，由法定继承人清偿被继承人依法应当缴纳的税款和债务；超过法定继承遗产实际价值部分，由遗嘱继承人和受遗赠人按比例以所得遗产清偿。

第七编  侵权责任

第一章  一般规定

第一千一百六十四条 本编调整因侵害民事权益产生的民事关系。

第一千一百六十五条 行为人因过错侵害他人民事权益造成损害的，应当承担侵权责任。

依照法律规定推定行为人有过错，其不能证明自己没有过错的，应当承担侵权责任。

第一千一百六十六条 行为人造成他人民事权益损害，不论行为人有无过错，法律规定应当承担侵权责任的，依照其规定。

第一千一百六十七条 侵权行为危及他人人身、财产安全的，被侵权人有权请求侵权人承担停止侵害、排除妨碍、消除危险等侵权责任。

第一千一百六十八条 二人以上共同实施侵权行为，造成他人损害的，应当承担连带责任。

第一千一百六十九条 教唆、帮助他人实施侵权行为的，应当与行为人承担连带责任。

教唆、帮助无民事行为能力人、限制民事行为能力人实施侵权行为的，应当承担侵权责任；该无民事行为能力人、限制民事行为能力人的监护人未尽到监护职责的，应当承担相应的责任。

第一千一百七十条 二人以上实施危及他人人身、财产安全的行为，其中一人或者数人的行为造成他人损害，能够确定具体侵权人的，由侵权人承担责任；不能确定具体侵权人的，行为人承担连带责任。

第一千一百七十一条 二人以上分别实施侵权行为造成同一损害，每个人的侵权行为都足以造成全部损害的，行为人承担连带责任。

第一千一百七十二条 二人以上分别实施侵权行为造成同一损害，能够确定责任大小的，各自承担相应的责任；难以确定责任大小的，平均承担责任。

第一千一百七十三条 被侵权人对同一损害的发生或者扩大有过错的，可以减轻侵权人的责任。

（72 caengz sat）

（壮文稿由中国民族语文翻译局提供）