It. Majhung

i: Gou majhung seiz，ndang iq gou ndaej lumj mwngz nei hung.（I）

l: Caj daengz gou majhung seiz，gou couh ndaej youq gwnz biengz neix ndwn laeb maenh lo.（L）

Ngeih. Byawz Coengmingz

Cibngeih sengsiu beij coengmingz, byawz yaek hingz?

Dwg guk, aenvih guk miz uk.

Sam. Duz Beixnuengx Bonjfaenh Nanz Bauj

Yaek daengz cieng lo, duz meuz ndeu gaeb ndaej duz nou iq, gangj:“Gvaq cieng couh gwn mwngz lo.” Nou naeuz:“Mwngz gamj gwn gou, mwngz rox beixnuengx gou dwg byawz lwi? Beij mwngz hung ndaej lai!” “Beixnuengx mwngz dwg byawz?” “Dwg mou!”

Seiq. Raemxraiz Gyanghaet

Ngamj bungz fwnmoenq doek,

Daeuj biengz loek haeuj ndoeng.

Ei baengh mbaw faexcoengz,

Ingj ndaej rongh ngoenz moq.

恰逢雨纷纷，误落山林中。

依偎松枝叶，映得新日辉。

(Aen sawcih daih’it moix coenz cauxbaenz “NDEI”.)

Haj. Va Maez Mbaj

Mbaj bae mboujcaengz ma,

Ndaw rumz va mbin doek.

Baenz namh ninz youq goek,

Iu mwngz loeg nyied daeuj.

蝶去未归，风中花坠。

化泥于根，六月再会。

(Gij sawcih youq seiq gak hot fwen neix, aen “m” ndaw “Mba”, aen “a” ndaw “ma”, aen “i” ndaw “Iu”, aen “j” ndaw “daeuj”, cauxbaenz “maij”.)

Roek. Doxlumj

Cibngeih sengsiu geij duz lawz ceiq doxlumj?

Dwg “nou” caeuq “mou”, “ma” caeuq “max”.