Sinhvazse Baekging 3 nyied 11 hauh dienh Gaiq Cibseiq Daengx Guek Yinzminz Daibyauj Daihhoih Baez Hoih Daihngeih guh sat gak hangh yicwngz le, 11 hauh gvaqringz youq Baekging Yinzminz Daveidangz hai sat. Daihhoih baecinj cwngfuj gunghcoz baugau、Daengx Guek Yinzda Cangzveijvei gunghcoz baugau daengj. Daihhoih doenggvaq Gozvuyen cujcizfaz coihdingh moq de, guekgya cujsiz Siz Ginbingz ciem daih 21 hauh cujsizling goengbouh okdaeuj.

Aen hoih youz daihhoih cuj- sizdonz cangzvu cujsiz、caephengz cujsiz Cau Lozci cujciz. Daihhoih cujsizdonz cangzvu cujsiz、caephengz cujsiz Lij Hungzcungh、Vangz Dungh- mingz、Siuh Gez、Cwng Genbangh、Dingh Cunglij、Hauj Mingzginh、Cai Dazfungh、Hoz Veiz、Vuj Veizvaz、Dez Ningz、Bungz Cinghvaz、Cangh Gingveij、Lozsanghgyanghcunh、Sez- gwzlaizdiz·Cazgwzwj、Liuz Giz youq cujsizdaiz diegnaengh caephengz cuj- siz naengh.

Siz Ginbingz、Lij Gyangz、Vangz Huningz、Cai Giz、Dingh Sezsiengz、Lij Hih、Hanz Cwng caeuq daihhoih cujsizdonz cwngzyenz youq cujsizdaiz naengh.

Aen hoih ginggvaq byaujgez, doenggvaq le gij gezyi gvendaengz cwngfuj gunghcoz baugau Gaiq Cib- seiq Daengx Guek Yinzda Baez Hoih Daihngeih. Gezyi vixok, aen hoih cungfaen haengjdingh gij hong Goz- vuyen bi ndeu gvaqbae neix, doengz- eiq baugau daezok gij cungjdaej iugouz、cwngci aeuyiengq caeuq guh- hong yinvu bi 2024 ginghci sevei hwngfat, gietdingh baecinj aen baugau neix.

Aen hoih ginggvaq byaujgez, doenggvaq le Gozvuyen cujcizfaz coihdingh moq de. Bouh faplwd neix daj ngoenz goengbouh hainduj saed- hengz.

Aen hoih byaujgez doenggvaq le gij gezyi gvendaengz Daengx Guek Yinzda Cangzveijvei gunghcoz baugau Gaiq Cibseiq Daengx Guek Yinzda Baez Hoih Daihngeih. Gezyi vixok, aen hoih cungfaen haengjdingh gij hong Daengx Guek Yinzda Cangz- veijvei bi ndeu gvaqbae neix, doengz- eiq baugau daezok gij yinvu bi coglaeng, gietdingh baecinj aen baugau neix.

Aen hoih ginggvaq byaujgez, doenggvaq le gij gezyi gvendaengz Ceiq Sang Yinzminz Fazyen gunghcoz baugau、gij gezyi gvendaengz Ceiq Sang Yinzminz Genjcazyen gunghcoz baugau Gaiq Cibseiq Daengx Guek Yinzda Baez Hoih Daihngeih, giet- dingh baecinj song aen baugau neix.

Riengzlaeng, Cau Lozci gangjvah. De naeuz, Gaiq Cibseiq Daengx Guek Yinzda Baez Hoih Daihngeih guh sat gak hangh yicwngz. Daengxcungq daibyauj caeuq mizgven fuengmienh doengzcaez roengzrengz, aen hoih hai ndaej baenz, comz doxrox、dingh- mingz yinvu、 giendingh saenqsim, dwg baez daihhoih yaengx sang fangeiz、caen ca caen guh、doxgiet buekguh ndeu.

Cau Lozci vixok, mwh daihhoih, gyoengq daibyauj rap mbaqrap naek dangj caeuq bouxminz, simcingz cwngci sangjswd、cingsaenz gvaek- gvaek ciuq fap guh hong, nyinhcaen saemjngeih gak hangh baugau caeuq yian, aen hoih cwngzgoj cungfaen yienh’ok le gij cawjcieng dangj caeuq gij eiqceiq bouxminz doengjit, yienh- ok le gij ndei yienhda daengx aen gocwngz bouxminz minzcuj caeuq guekgya gaenbonj cwngci cidu.

Cau Lozci naeuz, bineix dwg Cunghvaz Yinzminz Gunghozgoz laeb- baenz 75 hopbi, dwg bi gvanhgen guh baenz “cibseiq haj” gviveh moegbiu yinvu. Nyinhcaen doeksaed gak hangh yinvu daihhoih doekdingh de, roengz- rengz guh baenz daengx bi ginghci sevei hwngfat moegbiu, miz yiyi naek. Raeuz yaek youq baihlaj Dangjcunghyangh aeu Siz Ginbingz dungzci guh goek de giengiengz lingjdauj, dingjmaenh aeu aen swh- siengj sevei cujyi miz daegsaek Cungguek seizdaih moq Siz Ginbingz guh dazyinx, caemhsim caezhoz、gietsim comzrengz, doxgiet buekguh, laemxsim mbouj bienq doicaenh yiengh yendaiva Cungguek. Yaek hengzguh gij hwngfat swhsiengj aeu bouxminz guh goek, hwngfat daengx aen gocwngz bouxminz minzcuj, cungfaen aeueiq gij maqmuengh bouxminz naeuz、gij gingniemh bouxminz cauh、gij gienzleih bouxminz miz、gij cozyung bouxminz guh, gikfat gij yiedcingz caeuq rengzhoengh daengx biengz cauhnieb cauhmoq dajcauh, romcomz gij rengz hung’ak doxgiet buekguh. Yaek gouzcaen guhsaed、caen ca caen guh, gunghoenx hojnanz、maenh guh maenh baenz, roengzrengz haekfug aen dem aen hojnanz, guh baenz gienh dem gienh saedsaeh, guhsat hangh dem hangh yinvu, youq mwh doxgiet buekguh laebdaeb guh baenz gij maqmuengh bouxminz ndaej gvaq ndwenngoenz vuenyungz.