（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz itcien itbak samcib haj Gij vahdaengq bang raiz de wngdang miz song boux doxhwnj bouxdaraen youq henz yawj, hawj boux ndeu bang raiz, caemhcaiq hawj boux laeb vahdaengq、bouxbangraiz caeuq bouxdaraen wnq ciemcoh, raiz cingcuj bi、ndwen、ngoenz.

Diuz itcien itbak samcib roek Gij vahdaengq dajyaenq wngdang miz song boux doxhwnj bouxdaraen youq henz yawj. Boux laeb vahdaengq caeuq bouxdaraen wngdang mbawmbaw cungj ciemcoh, caemh raiz cingcuj bi、ndwen、ngoenz.

Diuz itcien itbak samcib caet Gij vahdaengq aeu loegyaem loegsiengq laebbaenz de, wngdang miz song boux doxhwnj bouxdaraen youq henz yawj. Boux laeb vahdaengq caeuq bouxdaraen wngdang geiqloeg gij mingzcoh roxnaeuz mbawsiengq de youq ndaw loegyaem loegsiengq, caeuqlienz bi、ndwen、ngoenz.

Diuz itcien itbak samcib bet Boux laeb vahdaengq youq mwh saehcingz gaenjgip, ndaej laeb vahdaengq bakgangj. Gij vahdaengq bakgangj wngdang miz song boux doxhwnj bouxdaraen youq henz de dingq. Gij saehcingz gaenjgip siucawz le, danghnaeuz boux laeb vahdaengq ndaej raiz saw roxnaeuz loegyaem loegsiengq daeuj laeb vah- daengq, gij vahdaengq bakgangj couh mbouj mizyauq.

Diuz itcien itbak samcib gouj Gij vahdaengq goengcingq youz boux laeb vahdaengq bae aen gihgou guh goengcingq banhleix.

Diuz itcien itbak seiqcib Gij vunz lajneix mbouj ndaej guh bouxdaraen vahdaengq:

(It)Boux mbouj miz naengzlig hengz minzsaeh、boux deng hanh gij naengzlig hengz minzsaeh caeuq gij vunz wnq mbouj miz naengzlig guhcingq;

(Ngeih)Bouxciepswnj、boux ndaej nyok gya- dangq;

(Sam)Gij vunz caeuq bouxciepswnj、boux ndaej nyok gyadangq miz gvanhaeh leihhaih.

Diuz itcien itbak seiqcib it Vahdaengq wngdang louz di gyadangq ndeu，hawj bouxciepswnj mbouj miz naengzlig guhhong youh mbouj miz saek di souhaeuj haenx.

Diuz itcien itbak seiqcib ngeih Boux laeb vahdaengq ndaej soudauq、gaijbienq gij vahdaengq bonjfaenh gag laeb de.

Laeb ndaej vahdaengq le, danghnaeuz boux laeb vahdaengq guh gij yienghsaeh hengzguh faplwd minzsaeh caeuq gij neiyungz vahdaengq doxdingj de, yawjguh dwg soudauq gij neiyungz doxgven vahdaengq .

Danghnaeuz laeb miz lai faenh vahdaengq, gij neiyungz de dox doiqdingj ne, couh aeu faenh vahdaengq ceiq laeng guhcinj.

Diuz itcien itbak seiqcib sam Gij vahdaengq boux mbouj miz naengzlig hengzguh minzsaeh roxnaeuz boux deng hanh gij naengzlig hengz minzsaeh de laeb haenx mbouj mizyauq.

Vahdaengq itdingh aeu gangj ok eiqsei caen- saed boux laeb vahdaengq, gij vahdaengq deng yaeuhlox、 apbik laeb baenz haenx mbouj mizyauq.

Gij vahdaengq gyajcauh haenx mbouj mizyauq.

Vahdaengq danghnaeuz deng caeggaij, gij neiyungz caeggaij haenx mbouj mizyauq.

Diuz itcien itbak seiqcib seiq Danghnaeuz vahdaengq ciepswnj roxnaeuz nyok gyadangq bengxgya yivu, bouxciepswnj roxnaeuz boux ndaej nyok gyadangq wngdang hengzguh yivu. Danghnaeuz mbouj miz leixyouz cingqdangq mbouj hengzguh yivu, ginggvaq boux nanangq leihhaih roxnaeuz aen cujciz mizgven cingjgouz, yinzminz fazyen ndaej siu gij gienz de ciepsouh bouhfaenh gyadangq bengx- daiq yivu bae.

Cieng Daihseiq Cawqleix Yizcanj

Diuz itcien itbak seiqcib haj Ciepswnj hainduj le, boux hengz vahdaengq guh boux guenj yizcanj; danghnaeuz mbouj miz boux hengz vahdaengq, bouxciepswnj wngdang gibseiz doisenj boux guenj yizcanj; danghnaeuz bouxciepswnj mbouj doisenj, hawj bouxciepswnj caemh guh boux guenj yizcanj; danghnaeuz mbouj miz bouxciepswnj roxnaeuz bouxciepswnj cungj mbouj siengj ciepswnj, youz aen bouhmonz minzcwng roxnaeuz cunhminz veijyenzvei giz diegyouq boux deng ciepswnj mwh caengz gvaqseiq youq haenx guh boux guenj yizcanj.

Diuz itcien itbak seiqcib roek Danghnaeuz doekdingh bouxlawz guh boux guenj yizcanj miz cengnauh, boux nanangq leihhaih ndaej bae yinzminz fazyen sinhcingj ceijdingh boux guenj yizcanj.

Diuz itcien itbak seiqcib caet Boux guenj yizcanj wngdang guh gij hong lajneix:

(It)Cingleix yizcanj caemhcaiq guh mbawdan geiq roengz yizcanj;

(Ngeih)Naeuz gij cingzgvang yizcanj hawj bouxciepswnj nyi;

(Sam)Yungh banhfap aeu miz fuengzre yizcanj sonjvaih、miedsaet;

(Seiq)Cawqleix gij cuengqcaiq caeuq dawzcaiq boux deng ciepswnj;

(Haj)Ciuq vahdaengq roxnaeuz ciuq gij gvidingh faplwd bae faengat yizcanj;

(Roek)Guh gij saeh wnq aeu miz caeuq guenjleix yizcanj mizgven.

Diuz itcien itbak seiqcib bet Boux guenj yizcanj wngdang ciuqfap guh faenh hong swhgeij, danghnaeuz aenvih daegdaengq roxnaeuz loekcak hung hawj bouxciepswnj、boux ndaej nyok gyadangq、bouxcuengqcaiq deng sonjhaih, wngdang rapdawz cwzyin minzsaeh.

Diuz itcien itbak seiqcib gouj Boux guenj yizcanj ndaej ciuq gij gvidingh faplwd roxnaeuz iekdingh aeundaej cienzhong.

Diuz itcien itbak hajcib Ciepswnj hainduj le, bouxciepswnj rox boux deng ciepswnj dai le, wngdang gibseiz naeuz hawj doengh bouxciepswnj wnq caeuq boux hengz vahdaengq nyi. Bouxciepswnj mbouj miz vunz rox boux deng ciepswnj dai，roxnaeuz rox boux deng ciepswnj dai le hoeng mbouj ndaej naeuz vunz nyi ne, youz aen danvih roxnaeuz aen gihminz veijyenzvei、cunhminz veijyenzvei giz diegyouq boux deng ciepswnj caengz dai youq haenx bae naeuz vunz nyi.

Diuz itcien itbak hajcib it Doengh boux rom miz yizcanj haenx, wngdang baujguenj ndei yizcanj, mboujlwnh aen cujciz lawz roxnaeuz bouxlawz, cungj mbouj ndaej gyangwn roxnaeuz ciengjaeu.

Diuz itcien itbak hajcib ngeih Ciepswnj hainduj le, danghnaeuz bouxciepswnj youq faen yizcanj gaxgonq dai bae, caemhcaiq mbouj vutbae ciepswnj, gij yizcanj de wngdang ciepswnj haenx cienj hawj bouxciepswnj de; hoeng cawz ok vahdaengq lingh miz anbaiz.

Diuz itcien itbak hajcib sam Gij caizcanj gvanbaz caemhmiz de, cawz ok miz iekdingh gvaq, youq mwh faen yizcanj, wngdang dawz buenq caizcanj caemhmiz ndeu faen hawj bouxgvan (yah)gonq, gij lwyawz de dwg gij yizcanj boux deng ciepswnj.

Danghnaeuz yizcanj youq ndaw caizcanj ndaw ranz caemhmiz, youq mwh faen yizcanj, wngdang faen gij caizcanj bouxwnq okdaeuj gonq.

第一千一百三十五条  代书遗嘱应当有两个以上见证人在场见证，由其中一人代书，并由遗嘱人、代书人和其他见证人签名，注明年、月、日。

第一千一百三十六条  打印遗嘱应当有两个以上见证人在场见证。遗嘱人和见证人应当在遗嘱每一页签名，注明年、月、日。

第一千一百三十七条  以录音录像形式立的遗嘱，应当有两个以上见证人在场见证。遗嘱人和见证人应当在录音录像中记录其姓名或者肖像，以及年、月、日。

第一千一百三十八条  遗嘱人在危急情况下，可以立口头遗嘱。口头遗嘱应当有两个以上见证人在场见证。危急情况消除后，遗嘱人能够以书面或者录音录像形式立遗嘱的，所立的口头遗嘱无效。

第一千一百三十九条  公证遗嘱由遗嘱人经公证机构办理。

第一千一百四十条  下列人员不能作为遗嘱见证人：

(一)无民事行为能力人、限制民事行为能力人以及其他不具有见证能力的人；

(二)继承人、受遗赠人；

(三)与继承人、受遗赠人有利害关系的人。

第一千一百四十一条  遗嘱应当为缺乏劳动能力又没有生活来源的继承人保留必要的遗产份额。

第一千一百四十二条  遗嘱人可以撤回、变更自己所立的遗嘱。

立遗嘱后，遗嘱人实施与遗嘱内容相反的民事法律行为的，视为对遗嘱相关内容的撤回。

立有数份遗嘱，内容相抵触的，以最后的遗嘱为准。

第一千一百四十三条  无民事行为能力人或者限制民事行为能力人所立的遗嘱无效。

遗嘱必须表示遗嘱人的真实意思，受欺诈、胁迫所立的遗嘱无效。

伪造的遗嘱无效。

遗嘱被篡改的，篡改的内容无效。

第一千一百四十四条  遗嘱继承或者遗赠附有义务的，继承人或者受遗赠人应当履行义务。没有正当理由不履行义务的，经利害关系人或者有关组织请求，人民法院可以取消其接受附义务部分遗产的权利。

第四章  遗产的处理

第一千一百四十五条  继承开始后，遗嘱执行人为遗产管理人；没有遗嘱执行人的，继承人应当及时推选遗产管理人；继承人未推选的，由继承人共同担任遗产管理人；没有继承人或者继承人均放弃继承的，由被继承人生前住所地的民政部门或者村民委员会担任遗产管理人。

第一千一百四十六条  对遗产管理人的确定有争议的，利害关系人可以向人民法院申请指定遗产管理人。

第一千一百四十七条  遗产管理人应当履行下列职责：

(一)清理遗产并制作遗产清单；

(二)向继承人报告遗产情况；

(三)采取必要措施防止遗产毁损、灭失；

(四)处理被继承人的债权债务；

(五)按照遗嘱或者依照法律规定分割遗产；

(六)实施与管理遗产有关的其他必要行为。

第一千一百四十八条  遗产管理人应当依法履行职责，因故意或者重大过失造成继承人、受遗赠人、债权人损害的，应当承担民事责任。

第一千一百四十九条  遗产管理人可以依照法律规定或者按照约定获得报酬。

第一千一百五十条  继承开始后，知道被继承人死亡的继承人应当及时通知其他继承人和遗嘱执行人。继承人中无人知道被继承人死亡或者知道被继承人死亡而不能通知的，由被继承人生前所在单位或者住所地的居民委员会、村民委员会负责通知。

第一千一百五十一条  存有遗产的人，应当妥善保管遗产，任何组织或者个人不得侵吞或者争抢。

第一千一百五十二条  继承开始后，继承人于遗产分割前死亡，并没有放弃继承的，该继承人应当继承的遗产转给其继承人，但是遗嘱另有安排的除外。

第一千一百五十三条  夫妻共同所有的财产，除有约定的外，遗产分割时，应当先将共同所有的财产的一半分出为配偶所有，其余的为被继承人的遗产。

遗产在家庭共有财产之中的，遗产分割时，应当先分出他人的财产。

（71 caengz sat）

（壮文稿由中国民族语文翻译局提供）