2 nyied 22 hauh, Swcigih Dangj- veij、Cwngfuj hai Aen Hoih Dungyenz Baijbouh Hwnqguh Aen Gih Guh- yiengh Couqmaenh Gij Eiqsik Caez- caemh Cunghvaz Minzcuz Nem Aen Hoih Byaujcangh Minzcuz Doxgiet Baenaj Baez Daihgouj Swcigih, aeu aen swhsiengj sevei cujyi miz gij daegsaek Cungguek seizdaih moq Siz Ginbingz guh dazyinx, cienzmienh gvancez doeksaed gij cingsaenz Ngeihcib Daih Dangj, nyinhcaen hag- sib gvancez gij swhsiengj youqgaenj gvendaengz gyagiengz caeuq gaijndei hong minzcuz Siz Ginbingz cungjsuhgi caeuq gij cingsaenz gangjvah youq- gaenj mwh Cunghyangh Cwngcigiz baez daihgouj comz hagsib, haeujlaeg gvancez doeksaed gij iugouz fanghloz hungnaek Siz Ginbingz cungjsuhgi naeuz Gvangjsih, dungyenz baijbouh doicaenh hong minzcuz dangj seizdaih moq gih raeuz hwngfat ndei saed、ca ndei hong hwnqguh aen gih guhyiengh couqmaenh gij eiqsik caezcaemh Cunghvaz Minzcuz, laebdaeb youq minzcuz doxgiet baenaj byaij youq daengx guek baihnaj、fatok guhyiengh daiqdoengh cozyung. Swcigih Dangj- veij suhgi Liuz Ningz camgya aen hoih caemhcaiq gangjvah, Swcigih cujsiz Lanz Denhliz cujciz aen hoih, Swcigih Cwnghez cujsiz Sunh Daveij、Cungh- yangh Dungjcanbu Ngeihgiz fugiz- cangj Cuj Youjgiz daengj camgya aen hoih, caemhcaiq doxcaez fat ciengj hawj aen cizdij mozfan caeuq boux- vunz mozfan daibyauj.

Liuz Ningz vixok, hwnqguh aen gih guhyiengh couqmaenh gij eiqsik caezcaemh Cunghvaz Minzcuz, dwg gij saedguh Gvangjsih doicaenh hwnqguh aen guek ak、minzcuz fukhwng hung- mbwk, dwg gij canloz yinvu hwnqguh aen Gvangjsih maenghndei seizdaih moq, dwg aen rap naek gyamaenh hwngfat aen gizmen ndei gak cuz bouxminz doxgiet buekguh. Raeuz aeu giendingh “song aen laebdingh”、dingj guh daengz “song aen henhoh”, gwed mbaqrap cwngci naek, aeu couqmaenh gij eiqsik caezcaemh Cunghvaz Minz- cuz guh diuz sienqmeh gak hangh hong daengx gih, guh diuz sienq sengmingh、sienq vuenyungz hwnqguh aen Gvangjsih maenghndei seizdaih moq, gejcuengq swhsiengj、cauhmoq gouz bienq，coh haij maeuz ak、haicuengq hwngfat, doicaenh hwnqguh aen gih guhyiengh couqmaenh gij eiqsik caezcaemh Cunghvaz Minzcuz, haenqrengz raiz bien faenzcieng Gvangjsih yiengh yendaiva Cungguek.

Liuz Ningz daegbied gangj daengz, couqmaenh gij eiqsik caez- caemh Cunghvaz Minzcuz gvendaengz daengxbuenz hwnqguh aen Gvangjsih maenghndei seizdaih moq, aeu roengzrengz cauhguh “haj aen gya- ranz”, aeu dingjmaenh mbouj soeng yungh aen swhsiengj sevei cujyi miz gij daegsaek Cungguek seizdaih moq Siz Ginbingz caezhoz haenqguh, haeujlaeg gungganq caeuq hengzguh sevei cujyi vaedsim gyacizgvanh, mboujduenh gietcomz gij rengz cing- saenz hwnqguh yendaiva, gyalai rengz cienzmienh doigvangq cienzdoh saw vah caemhyungh guekgya, caezguh caezyungh aen gyaranz cingsaenz Cunghvaz Minzcuz caezcaemh. Aeu dingjmaenh aen moegbiu gak cuz bouxminz muengh gvaq ndwenngoenz vuenyungz, aeu gaijndei ndwenngoenz bouxminz、comz simvunz guh giz haidin caeuq giz doekdin hwngfat sevei ginghci, haenqrengz doidoengh hwngfat ndei saed, caezguh caezyungh aen gyaranz vuenyungz caezcaemh baenzmiz. Aeu gyalai doicaenh gak minzcuz doxcunz doxgyau doxyungz, guhndei hong minzcuz hawsingz, cienzmienh gyagiengz caeuq beix- nuengx Gangj Au Daiz nem gyauzbauh rog guek doxgyau doxgap, caezguh caezyungh aen gyaranz huzndei doxbang doxcoengh. Aeu laebmaenh caeuq hengzguh gij leixniemh bya heu raemx saw couhdwg byagim bya- ngaenz, gyagiengz baujhoh swnghdai vanzging, doidoengh hwngfat danq daemq saekheu, biucinj sang dajcauh gij binjbaiz swnghdai Gvangjsih maenghndei, caezguh caezyungh aen gyaranz gyaeundei habyouq souh laux. Aeu cienzmienh doeksaed cungjdaej guekgya anhcenzgvanh, dingjmaenh ciuq fap ceihleix hongsaeh minzcuz, hwnqguh aen Gvangjsih bingzan suij- bingz engq sang, rengzrwd fuengzre vaqgej gij huxndumj gizdieg minzcuz, caezguh caezyungh aen gyaranz bingzan bien’gyaiq onjdingh. Aeu gyagiengz dangj lingjdauj daengx aen gocwngz gak gizdieg hong minzcuz gih raeuz, gyagiengz lingjdauj hong hwnqguh aen gih guhyiengh, gya- giengz hagsib senhconz gyauyuz、comz rengz doxrox, dajcauh aen doih geng- gyaeng，giengzvaq guhyiengh daiq- doengh、doedok biucinj sang caet- liengh sang, doidoengh hwnqguh aen gih guhyiengh aeundaej cingzcik maenhdwddwd.

Lanz Denhliz youq mwh cujciz aen hoih daegbied gangj daengz, daengx gih gak gaep gak bouhmonz aeu riengjret cienz guh gij cingsaenz baez hoih neix, caen aeu swhsiengj caeuq hengzdoengh dungjyiz daengz gij gezcwz baijbouh Dangjcunghyangh caeuq Swcigih Dangjveij, cungjgez、yungh、hwngfat ndei gingniemh guh ndaej baenz, comzrengz hwnqguh “haj aen gyaranz”, haenqrengz doicaenh hwnqguh aen gih guhyiengh couq- maenh gij eiqsik caezcaemh Cunghvaz Minzcuz, daiqdaeuz guh gvancez aen cidu gizdieg minzcuz gagguenj, laebdaeb guh aen hengzdoengh hwng bien fouq minz seizdaih moq, haeuj- laeg hawj gak minzcuz doxcunz doxgyau doxyungz, mboujduenh hai- cauh aen gizmen moq gij saehnieb minzcuz doxgiet baenaj gih raeuz, gietcomz gij rengz hung’ak daengx gih gak cuz bouxminz sim doxgeiq fwngz doxdaz、doxgiet buekguh, haenqrengz raiz bien faenzcieng Gvangjsih yiengh yendaiva Cungguek, ok goengrengz lai hung bae hwnqguh aen guek ak、hawj minzcuz fukhwng hungmbwk.

Gwnz hoih, Swcigih Dangjveij cangzveij、Cujcizbu bucangj Vangz Veizbingz doeg 《Gij Gietdingh Swcigih Dangjveij、Cwngfuj Mizgven Byaujcangh Aen Cizdij Mozfan Caeuq Bouxvunz Mozfan Minzcuz Doxgiet Baenaj Gvangjsih Bouxcuengh Swcigih》, Swcigih Dangjveij cangz- veij、Dungjcanbu bucangj Vangz Sinhfu gangjmingz 《Aen Hengzdoengh Fueng’anq Gvangjsih Hwnqguh Aen Gih Guhyiengh Couqmaenh Gij Eiqsik Caezcaemh Cunghvaz Minzcuz》, Swcigih Dangjveij cangzveij、misuh- cangj Couh Yigez doeg 《Aen Dunghcih Swcigih Dangjveij Ban- gunghdingh Mizgven Laebbaenz Gvangjsih Couqmaenh Gij Eiqsik Caezcaemh Cunghvaz Minzcuz Yenzgiu Gunghcoz Lingjdauj Siujcuj》.

（Cinz Yizcwz Gungh Vwnzyingj Hoz Minzvaz daj 《Gvangjsih Yiz- bau》 aeu daeuj hoiz）