Diuz itcien itbak ngeihcib it Ciepswnj daj mwh boux deng ciepswnj dai bae hainduj.

Lai boux miz gij gvanhaeh dox ciepswnj doengz youq mbat saehgienh ndeu dai bae, nanz ndaej doekdingh seiz dai bae ne, doidingh boux mbouj miz bouxciepswnj wnq de dai gonq. Cungj miz bouxciepswnj wnq, hoeng mbouj doengzsaemh ne, doidingh saemhgeq dai gonq; danghnaeuz dwg doengzsaemh, doidingh doengzseiz dai, ndaw de mbouj miz gij yienghsaeh dox ciepswnj.

Diuz itcien itbak ngeihcib ngeih Yizcanj dwg gij caizcanj habfap swyenzyinz youq mwh dai bae louz roengzdaeuj.

Gij yizcanj ciuq gij gvidingh faplwd roxnaeuz gaengawq gij singqcaet mbouj ndaej ciepswnj de, mbouj ndaej ciepswnj.

Diuz itcien itbak ngeihcib sam Ciepswnj hainduj le, ciuq yiengh ciepswnj fapdingh bae banhleix; danghnaeuz miz vahdaengq, ciuq vah- daengq bae ciepswnj roxnaeuz ciuq yiengh guh nyok bae banhleix; danghnaeuz miz aen hezyi rexciengx ndaej nyok, ciuq hezyi banhleix.

Diuz itcien itbak ngeihcib seiq Ciepswnj hainduj le, danghnaeuz bouxciepswnj mbouj siengj ciepswnj, wngdang youq cawqleix yizcanj gaxgonq, okcih gangjmingz mbouj ciepswnj; mbouj bae gangjmingz ne, yawj baenz ciepsouh ciepswnj.

Boux ndaej nyok gyadangq rox ndaej nyok gyadangq le，youq roekcib ngoenz dauqndaw, wngdang gangjmingz ciep roxnaeuz mbouj ciep nyok; daengz geiz mbouj gangjmingz, yawj baenz mbouj ciepsouh nyok gyadangq.

Diuz itcien itbak ngeihcib haj Bouxciepswnj miz saek yiengh lajneix ne, saet bae aen gienz- ciepswnj:

(It)Daegdaengq gaj dai boux deng ciepswnj;

(Ngeih)Vihliux ciengjdued yizcanj cix bae gaj dai doengh bouxciepswnj wnq;

(Sam)Vutgveng boux deng ciepswnj , roxnaeuz nyoegnyamx boux deng ciepswnj haenq lailai;

(Seiq)Gyajcauh、caeggaij、caeundoj roxnaeuz siumon vahdaengq，famh loek yiemzcungh;

(Haj)Yaeuhlox、hangzhaep biksawj roxnaeuz gazngaih boux deng ciepswnj ndalaeb、gaijvuenh roxnaeuz soudauq vahdaengq, famh loek yiemzcungh.

Bouxciepswnj miz gij yienghsaeh hangh daihsam daengz hangh daihhaj gvanj gonq, caensim yaek gaijndei, boux deng ciepswnj nyiuzcingz roxnaeuz gvaqlaeng youq ndaw vahdaengq hawj de guh bouxciepswnj ne, bouxciepswnj neix lij miz gienzciepswnj.

Boux ndaej nyok gyadangq miz gij yienghsaeh gvanj daih’it diuz neix ne, saet bae gij gienzleih ndaej nyok gyadangq.

Cieng Daihngeih Ciepswnj Fapdingh

Diuz itcien itbak ngeihcib roek Gienz- ciepswnj sai mbwk bingzdaengj.

Diuz itcien itbak ngeihcib caet Ciuq gij gonqlaeng lajneix ciepswnj gyadangq:

(It)Boux baiz daih’it: Gvan(yah)、lwg、bohmeh;

(Ngeih)Boux baiz daihngeih: Beixnuengx、goengbuz、dadaiq.

Ciepswnj hainduj le, hawj bouxciepswnj baiz daih’it ciepswnj, bouxciepswnj baiz daihngeih mbouj ciepswnj; danghnaeuz mbouj miz boux- ciepswnj baiz daih’it ciepswnj, hawj bouxciepswnj baiz daihngeih ciepswnj.

Gij lwg bien neix gangj de, baudaengz lwgranz、lwgndai、lwgciengx caeuq gij lwgboh(meh)gonq miz yiengh gvanhaeh rexciengx haenx.

Gij bohmeh bien neix gangj de, baudaengz bohmehseng、bohciengx mehciengx caeuq bohlaeng mehlaeng miz yiengh gvanhaeh rexciengx haenx.

Gij beixnuengx bien neix gangj de, baudaengz beixnuengx caemh bohmehseng、beixnuengx caemh boh mbouj caemh meh roxnaeuz caemh meh mbouj caemh boh、beixnuengx lwgciengx、beixnuengx lwgboh(meh)gonq miz yiengh gvanhaeh rexciengx haenx.

Diuz itcien itbak ngeihcib bet Danghnaeuz gij lwg boux deng ciepswnj dai gonq boux deng ciepswnj, hawj boux lwg goetyiet caen boux deng ciepswnj dingjfaenh ciepswnj.

Danghnaeuz gyoengq beixnuengx boux deng ciepswnj dai gonq boux deng ciepswnj, hawj gyoengq lwg beixnuengx boux deng ciepswnj dingjfaenh ciepswnj.

Boux dingjfaenh ciepswnj baeznaengz cijndaej ciepswnj faenh gyadangq boux deng dingjfaenh ciepswnj miz gienzciepswnj haenx.

Diuz itcien itbak ngeihcib gouj Lwgbawx gvan dai doiq goengbuz, lwggwiz yah dai doiq bohda mehdaiq, danghnaeuz caenh faenh bae ciengx le, hawj de guh bouxciepswnj baiz daih’it.

Diuz itcien itbak samcib Doengh bouxciepswnj baiz mingz doxdoengz de，baeznaengz hab faen ndaej gyadangq doxbingz.

Doiq bouxciepswnj gwndaenj gig hojnanz youh guh mbouj ndaej hong haenx, mwh faenboiq yizcanj, hab goq de lai di.

Danghnaeuz bouxciepswnj ndaej rexciengx boux deng ciepswnj，roxnaeuz caeuq boux deng ciepswnj caemhyouq ne, mwh faen yizcanj, ndaej faen hawj lai di.

Bouxciepswnj miz naengzlig rexciengx caeuq miz diuzgienh rexciengx, danghnaeuz mbouj rex- ciengx boux deng ciepswnj, mwh faen yizcanj, wngdang mbouj faen hawj roxnaeuz faen hawj noix di.

Danghnaeuz bouxciepswnj doxyaeng baenz le, hix ndaej mbouj bingzfaen.

Diuz itcien itbak samcib it Cawzliux boux- ciepswnj, doengh boux baengh boux deng ciepswnj rexciengx haenx, roxnaeuz cawzliux bouxciepswnj，doengh boux rexciengx boux deng ciepswnj haemq lai haenx, ndaej habdangq faen yizcanj hawj de.

Diuz itcien itbak samcib ngeih Bouxciepswnj wngdang doxrox doxnyiengh、doxhuz doxgiet, doxyaeng cawqleix gij saeh ciepswnj. Seizlawz、baenzlawz faen yizcanj caeuq faen geijlai, youz bouxciepswnj doxyaeng doekdingh; danghnaeuz doxyaeng mbouj baenz, ndaej hawj yinzminz diuzgaij veijyenzvei diuzgaij roxnaeuz gauq daengz yinzminz fazyen.

Cieng Daihsam Vahdaengq Ciep-

swnj Caeuq Nyokhawj Gyadangq

Diuz itcien itbak samcib sam Swyenzyinz ndaej ciuq gij gvidingh aen fap neix laeb vahdaengq bae cawqfaen caizcanj bonjfaenh, caemhcaiq ndaej ceijdingh boux hengz vahdaengq.

Swyenzyinz ndaej laeb vahdaengq dawz gij caizcanj bonjfaenh ceijdingh hawj boux ciepswnj fapdingh ndawde boux ndeu roxnaeuz lai boux ciepswnj.

Swyenzyinz ndaej laeb vahdaengq dawz gij caizcanj bonjfaenh nyok hawj guekgya、cizdij roxnaeuz cujciz、gagboux mbouj dwg boux ciepswnj fapdingh.

Swyenzyinz ndaej ciuqfap laeb vahdaengq saenqdak.

Diuz itcien itbak samcib seiq Vahdaengq gag raiz youz boux laeb vahdaengq gaem bit raiz baenz, ciemcoh, caiq raiz cingcuj bi、ndwen、ngoenz.

第一千一百二十一条  继承从被继承人死亡时开始。

相互有继承关系的数人在同一事件中死亡，难以确定死亡时间的，推定没有其他继承人的人先死亡。都有其他继承人，辈份不同的，推定长辈先死亡；辈份相同的，推定同时死亡，相互不发生继承。

第一千一百二十二条  遗产是自然人死亡时遗留的个人合法财产。

依照法律规定或者根据其性质不得继承的遗产，不得继承。

第一千一百二十三条  继承开始后，按照法定继承办理；有遗嘱的，按照遗嘱继承或者遗赠办理；有遗赠扶养协议的，按照协议办理。

第一千一百二十四条  继承开始后，继承人放弃继承的，应当在遗产处理前，以书面形式作出放弃继承的表示；没有表示的，视为接受继承。

受遗赠人应当在知道受遗赠后六十日内，作出接受或者放弃受遗赠的表示；到期没有表示的，视为放弃受遗赠。

第一千一百二十五条  继承人有下列行为之一的，丧失继承权：

(一)故意杀害被继承人；

(二)为争夺遗产而杀害其他继承人；

(三)遗弃被继承人，或者虐待被继承人情节严重；

(四)伪造、篡改、隐匿或者销毁遗嘱，情节严重；

(五)以欺诈、胁迫手段迫使或者妨碍被继承人设立、变更或者撤回遗嘱，情节严重。

继承人有前款第三项至第五项行为，确有悔改表现，被继承人表示宽恕或者事后在遗嘱中将其列为继承人的，该继承人不丧失继承权。

受遗赠人有本条第一款规定行为的，丧失受遗赠权。

第二章  法定继承

第一千一百二十六条  继承权男女平等。

第一千一百二十七条  遗产按照下列顺序继承：

(一)第一顺序：配偶、子女、父母；

(二)第二顺序：兄弟姐妹、祖父母、外祖父母。

继承开始后，由第一顺序继承人继承，第二顺序继承人不继承；没有第一顺序继承人继承的，由第二顺序继承人继承。

本编所称子女，包括婚生子女、非婚生子女、养子女和有扶养关系的继子女。

本编所称父母，包括生父母、养父母和有扶养关系的继父母。

本编所称兄弟姐妹，包括同父母的兄弟姐妹、同父异母或者同母异父的兄弟姐妹、养兄弟姐妹、有扶养关系的继兄弟姐妹。

第一千一百二十八条  被继承人的子女先于被继承人死亡的，由被继承人的子女的直系晚辈血亲代位继承。

被继承人的兄弟姐妹先于被继承人死亡的，由被继承人的兄弟姐妹的子女代位继承。

代位继承人一般只能继承被代位继承人有权继承的遗产份额。

第一千一百二十九条  丧偶儿媳对公婆，丧偶女婿对岳父母，尽了主要赡养义务的，作为第一顺序继承人。

第一千一百三十条  同一顺序继承人继承遗产的份额，一般应当均等。

对生活有特殊困难又缺乏劳动能力的继承人，分配遗产时，应当予以照顾。

对被继承人尽了主要扶养义务或者与被继承人共同生活的继承人，分配遗产时，可以多分。

有扶养能力和有扶养条件的继承人，不尽扶养义务的，分配遗产时，应当不分或者少分。

继承人协商同意的，也可以不均等。

第一千一百三十一条  对继承人以外的依靠被继承人扶养的人，或者继承人以外的对被继承人扶养较多的人，可以分给适当的遗产。

第一千一百三十二条  继承人应当本着互谅互让、和睦团结的精神，协商处理继承问题。遗产分割的时间、办法和份额，由继承人协商确定；协商不成的，可以由人民调解委员会调解或者向人民法院提起诉讼。

第三章  遗嘱继承和遗赠

第一千一百三十三条  自然人可以依照本法规定立遗嘱处分个人财产，并可以指定遗嘱执行人。

自然人可以立遗嘱将个人财产指定由法定继承人中的一人或者数人继承。

自然人可以立遗嘱将个人财产赠与国家、集体或者法定继承人以外的组织、个人。

自然人可以依法设立遗嘱信托。

第一千一百三十四条  自书遗嘱由遗嘱人亲笔书写，签名，注明年、月、日。

（70 caengz sat）

（壮文稿由中国民族语文翻译局提供）