Youq diegwnq siet rim mbwn rim deih muenghyawj Baihnamz seiz, ndawsim ngeix daengz haujlai saeh, liuh mbouj daengz daeg iq bihaenx lienz naengh cigunghgyauh cungj lau, gaenq simdingh an’onj hwnj bya gvaq dah ndonj gvaq ndaw vunzlai.

Seiq

Cibsam bi bide, gou yawj le geij bonj sawcuenh, sij di gojgaeq ndeu, miz siengjmuengh baenz boux cozgyah ndeu. Yaek guhbaenz cozgyah couh aeu gag youq engq lai, mbouj dwg mbwqmbat daeuj dajbeij, aeu aen swz engq naekcaem ndeu: Gudog. Ngamq hainduj gou caengz roxnyinh daengz gijmaz dwg gudog. Gij muzdiz gou gig genjdanh, sij bouh saw seiqgyaiq mizmingz ndeu couh ndaej lo. Gou hix mbouj rox gijmaz cozbinj cij ndaej hawj bonjsaw riuzmingz seiqgyaiq, caen sij hwnjdaeuj couh dwg sij gij doxgaiq ndawsim ngeixnaemj haenx roengz gwnz ceij bae, nyinhnaeuz baenzneix couh yaek sij ndaej bonjsaw riuzmingz. Dingqgangj sawcuenh gwnz vangj canh cienz lai, gou gig giepnoix cienz, couh hainduj sij gij goj raezrangh mbouj ndei yawj suijbingz youh daemq haenx. Youq ndaw sawcuenh, gou baenz boux cawjgiek, boux boiqgiek cungj dwg gij vunz henzndang gou cang baenz, beixnuengx doiq gou cungcig, gyoengq dahsau gyaez gou, doengh boux gou mbwq de cungj dwg vunzvaih, yienznaeuz saekseiz laeuqsiengq hoeng doeklaeng cungj gvihhoq roengz namh bae gouznyiuz. Gou ciengzgeiz maez youq ndaw sawcuenh gag ngeixnaemj, bouhbouh ngamq haidaeuz cungj roxnyinh yaek ndaej riuz doh seiqgyaiq. Gyangngoenz youq goq gaghag caeuq goq Yinghyij sij, gyanghaemh youq ndaw diengzhaex sij, lai hwnz di couh goemq youq ndaw denz aeu aen soujgih ngeihsouj angen loeg baenz denswj vwnzdangj, lij sij caengz gaeuq cihsoq ciemiek couh hainduj ngeix sinhcingj mbaw gaj aen ngaenzhangz lawz daeuj sou cienz, doeklaeng bouhbouh cungj deng doiq dauq. Doeknaiq le sikhaek gag nai bonjfaenh, boux cawjgiek ndaw gojgaeq swhgeij sij haenx caemh bungzdeng daemdengj, dingj guh roengzbae couh baenz lo, lai byaij geij yamq dem couh baenz lo, youh sij ok cib lai fanh cih, vangjcan ciuqyiengh doiq dauq, couh roxnyinh bonjfaenh miz dungxcaiz mbouj miz giz yungh, ndaq vwnzdanz nduknaeuh、seiqgyaiq mbouj miz muengh.

Gij ngeixnaemj geizheih gveijgvaiq miz le geiqdak, couhcinj mbouj miz bouh sawcuenh ndeu ngeixnaemj le ndaej cienzbouh guhbaenz, gou ciuqyiengh gig miz saenqsim, yiengjsouh cungj gikcingz buekmingh cung baenaj neix, lumz le swhgeij doenghbaez dwg boux vunz lau sijsaw ndeu. Gou nyinhnaeuz bonjfaenh dwg boux ceiq daegbied haenx, senq cix diep mbaw biuciem cozgyah, siengj hawj gyoengqvunz seiqhenz lai yawj hwnj gou. Haujlai vunz nyinhnaeuz gou cij dwg gag guh gag angq, saedsaeh hix caen dwg baenzneix dahraix, cij miz goengda saenq gij vah gou, daemxcengj gij siengjmuengh gou. Gauhcungh ngeih nienzgaep bide, goengda gvaqseiq, gou aenvih cungj yunghsim bae sij faenzcieng, cingzcik doek roengzdaeuj yienhda, siengjmuengh guh mbouj baenz lo. Gou roxnyinh daengz siengjmuengh caeuq yienhsaed miz cengca, vut bae sij sawcuenh gwnz vangj, hainduj yawj gij saw mizmingz caeuq gij faenzcieng boux cozgyah mizmingz daihneix.

Gou doiq gij suijbingz swhgeij lingh guh duenqdingh, gaej dwen gij saw seiqgyaiq mizmingz, couhcinj gyaep hwnj gij cozgyah lix haenx hix nanz. Baenzneix gou gietdingh faen duenhmbaek bae guhbaenz siengjmuengh, yamq daih’it dwg sien gyaep hwnj gyoengq cozgyah lix haenx. Gou yawj gij saw gyoengqde, ciuq gyoengqde bae sij faenzcieng, mizseiz douz hawj saek di cazci hagdangz, cungj mbouj miz aen hagdangz lawz hoiz vah. Gauhcungh sam nienzgaep dingz sij bi ndeu, haet hwnq romh haemh ninz hwnz, cengqgengz gauj ndaej aen ngeihbwnj yenyau Vuzlij Hi. Seizhaenx gou engq maqmuengh gyaepgouz siengjmuengh, couhcinj cunghyoz Vuzlij hag ndaej ceiq ndei, hix yaek cienj bae doeg Hanyijyenz Vwnzyoz. Gou roxnaj boux cozgyah lix haenx, doeg gingdienj caeuq ciennieb lijlun, liujgaij vwnzyozsij, menhmenh yawj bae engq gvangq, rox gamqbied vwnzyoz cozbinj ndei roxnaeuz rwix, caj mbouj gib siengj yaek daezsang suijbingz sij faenzcieng.

Gou buekmingh bae ra gij sucaiz habngamj swhgeij, gyoengq doengzdoih seiznyez buenx gou, mbouj rox seizlawz mbouj raen dauqcungz raen youq ndaw uk gou. Gou majhung lo, gyoengqde lij daengx youq doenghbaez. Gyoengqde roxnaeuz mbe bak loh heuj, yienghceij dwglau; roxnaeuz iqet ndeiyawj, hawj vunz ndiepgyaez; roxnaeuz mbouj miz maz daegbied, lumj vunz bingzciengz. Gyoengqde cungj ienqhaemz, faekcam gou vihmaz gyaeng gyoengqde youq ndaw laep. Gou naeuz cij dwg lumzlangh gyoengqde lij lixyouq. Gyoengqde naeuz gij saekdaej lumzlangh dwg laepyaenz, laepyaenz senq cix youq ndawsim gou doekrag. Gyoengqde baenz ngoenz youq henz rwz gou raemh bae raemh dauq, gou roxnyinh simgaenj、nyapnyuk. Doeklaeng, gou nyaenx mbouj ndaej lo, fok gyoengqde gyoengqvunz dwgcaengz sou deuz ok aen seiqgyaiq gou bae liux, mboujne gou gaj sou dai bae. Gou ngeixnaemj, gou song da byoq feizmbaw okdaeuj, aenndang hungloet maenh’ak, fwngz gaem fag caxfwnz raehrwd daiq miz byajmig haenx, lumjnaeuz boux saenzak caeuq fangzyak doxgyaux daeuj daengz ndawbiengz, ngaemyawj gyoengq ndungjndingq caeuq duzmoed bak lai neix! Gyoengqde cungj deng hwk liux, daejnga’nga. Gyoengqde bik mbouj ndaej deng lwnh gou saehsaed: Gou mbouj miz banhfap manzgyangq bae mied dai gyoengqde, gyoengqde dai bae aen gezgoj dandog cix dwg bienqbaenz gou ndawde aen bouhfaenh ndeu.

Gyoengqde naeuz, danghnaeuz gou yaek siengj hawj gyoengqde dingh roengzdaeuj, couh yaek ra benq dieg habngamj ndeu hawj gyoengqde bae. Dwg bw, gou fwt mingzbeg lo, gyoengqde caeuq gou caemh goek caemh rag, gou yaek hawj gyoengqde ra diegyouq, roxnaeuz ra raen aenmoh, mboujne gyoengqde couh hawj gou ciuhvunz mbouj ndaej an’onj. Gyoengqde hab bae gizlawz ne? Gyoengq- vunz iq mbouj dwg lixyouq hoeng youh lix- gyoeggyoeg haenx, gou yaek baenzlawz dakdaih sou? Saek baez gyanghwnz, gou cingq roq genbanz seiz sawqmwh singj, muenghyawj gwnz bingzmuq gawqcih bingzciengz haenx ra raen dapanq: Daegbeix daegnuengx dahcej dahnuengx gou, cingj haeuj ndaw faenzcieng gou bae ba.

Dajneix bae gou sij faenzcieng mbouj lumj doenghbaez ra mbouj raen fuengyiengq doeng roemx sae roemx, hainduj aeu swhgeij majhung guh goekdaej, sij sanjvwnz caen miz gvaq haenx, sij sawcuenh daj caensaed gaijbien haenx.

（4）

在异乡的冰天雪地遥望南方时，心中浮起许多情绪和感怀，不承想当年连坐公交车都紧张的小男孩，已经能心静如水穿梭在山川人海中了。

四

十三岁那年，我看了几本小说，写了点故事，有了成为作家的理想。要实现理想意味着需要更多时间独处，而非无聊能描述，需要另一个更沉重的词：孤独。最开始我没有意识到什么是孤独。我的目的很简单，写一部世界名著就可以了。我也不知道什么作品才能叫世界名著，具体写起来都是把心中臆想的东西落在纸张里，觉得这样就能朝名著进发。

听说网络小说很赚钱，我非常缺钱，便开始写些又臭又长的蹩脚故事。在小说里，我成了主角，配角都是周边人的化身，兄弟忠诚于我，女孩们仰慕着我，讨厌的人都是反派，虽一时嚣张但最终都要跪地求饶。我长期浸淫在这种情境中，每一部开篇都觉得有成为世界名著的潜质。白天在自习课和英语课上写，晚上在厕所里写，再晚一点埋在被子里用二手按键手机录成电子文档，还没攒够签约的字数就开始考虑申请哪个银行的卡收钱，结果无一不被拒。颓废后马上自我安慰，自己写的故事中主角也会受到挫折，坚持坚持就好了，再走几步就好了，又磨了十多万字，网站依旧拒绝，便觉得自己怀才不遇，大骂文坛腐败、世界无望。

头脑里奇奇怪怪的想象有了寄托，即便没有一部小说的构思能完整实现，我依旧信心满满，享受这种冲刺的激情，忘了自己曾是害怕写字的人。我觉得自己是最独特的那一个，早早贴上作家的标签，想让周边人刮目相看。很多人认为我只是自娱自乐，实际上也确实如此，只有外公相信我的话，支持我的理想。高二那年，外公去世，我因将太多心思放在写作上，成绩一落千丈，理想重重摔在地上。我体会到了理想与现实的差距，放弃了网络小说创作，开始阅读经典名著与现当代名家作品。

我对自己的水平有了新的判断，别说世界名著，就算追上活着的作家也很难。于是我决定分期支付理想，第一步是先追上活着的作家们。我看他们的书，模仿他们的写作，偶尔投给一些校园杂志，都收不到回音。高三停笔一年，早起晚休，勉强考上一所二本院校的物理系。彼时我对理想更加狂热，即便中学最擅长物理，也要转去读汉语言文学。我接触到活着的作家，阅读经典和专业理论，了解文学史，视野逐渐开阔，懂得鉴别文学作品的优劣，迫不及待想提高创作水平。

我疯狂挖掘适合自己的素材，那些儿时陪伴过我的，不知何时消失的玩伴重新出现在我的脑海中。我长大了，他们还停留在过去。他们或青面獠牙，形象恐怖；或小巧可人，惹人怜爱；或平平无奇，宛如常人。他们都充满怨气，质问我为何将他们关在黑暗中。我说只是忘记他们的存在了。他们说遗忘的底色是黑暗，黑暗早已根植在我内心。他们整日在我耳边絮絮叨叨，我感到烦躁、抑郁。终于，我难以忍受了，对他们大吼大叫，你们这群恶心人统统离开我的世界，不然弄死你们。在幻想中，我双眼喷射火焰，身躯高大威猛，手提缠满雷电的开刃大砍刀，宛如战神与恶魔的混合体降临尘世，俯视着这群聒噪的蝼蚁！他们全都被吓住，哇哇大哭起来。他们不得不告诉我真相：我无法粗暴地消灭他们，他们死去的唯一结果是成为我的一部分。

他们说，我如果想让他们安静，就得找到适合他们的去处。是的，我恍然大悟，他们与我同根同源，我要给他们找到住处，或者说找到坟墓，不然他们会让我永世不得安宁。他们该去哪里呢？那些并不存在却又鲜活的小人儿，我该如何安顿你们？某个深夜，敲打键盘的我猛然醒悟，望着屏幕上干瘪的字句，找到了答案：我的兄弟姐妹，请住进我的文字里吧。

从此我的写作不再如无头苍蝇，开始以自己的成长为基底，写真实发生过的散文，写由真实改编的小说。