Bi 2024 mboengq gvaq cieng, Gvangjsih sanghvu bouhmonz gvan- cez doeksaed Sanghvubu “siuhfei coi cieng” baijbouh iugouz, haeujlaeg saedhengz siuhfei daezcaet gya- gvangq gunggeng hengzdoengh, laeb- daeb guh baenzroix hozdung angq- yangz ciepcoux cieng, doenggvaq gwnz sienq laj sienq song mbiengj ok rengz, gikfat gvaq cieng siuhfei hawciengz rengzhoengh ndeindi. Ciuq daihsoqgawq yienh’ok, daengx gih 167 fanh canghseng’eiq mboengq ngoenzgyaj gyonj gaicawx bitsoq doengzbeij demmaj 5.5%, saedyienh cungjsoq siugai doengzbeij demmaj 7.1%.

Singz mbanj hawciengz siuhfei aeuyungh hoenghvuengh. Mboengq ngoenzgyaj, daengx gih gak dieg ca seizhoengh ndwencieng siuhfei, cwng yinz gi lienzdoengh gaenxmaenx guh gak loih heiqci、gyadienh、bakhuq、gaiq gwn ndoet daengj gak loih coi gai hozdung, fat mbaw fei dingjlawh cienz, 78 aen yienh banh aen haw miz daegsaek、aen haw gaiq huq cieng、aen haw gai huq ndei baenzroix hozdung, gikfat rengzhoengh singz mbanj ndwencieng siuhfei. Ciuq daihsoqgawq yienh’ok, daengx gih 188 aen giyez gai huq youqgaenj mboengq ngoenzgyaj saedyienh cungjsoq siugai doengzbeij demmaj 7.0%, sang gvaq daengx guek 0.4 aen bak faen diemj.

Gak loih dieg siuhfei vunz lai vunz daih. Mboengq ngoenzgyaj, daengx gih gak dieg foenfoen doiok gak loih sangh vwnz lij yungzhab coi siuhfei hozdung, hawj vunz bae daengx gih gak dieggingj、diuz gai gai huq、hawhwnz youz. Daihsoqgawq yienh’ok, mboengq ngoenzgyaj Nanz- ningz Sam Gai Song Hongh、Gveilinz Honghdoengsae、Liujcouh Yauzbu Cin Gaisae daengj 15 aen dieg hek daeuj youz mauhgvaq 760 fanh vunzbaez, doengzbeij demmaj 80%, soq gaicawx doengzbeij demmaj 52%.

Gaiq gwn ndoet siuhfei rengzhoengh gyavaiq cuengqlangh. Mboengq gvaq cieng, daengx gih gak dieg giethab ngaiz haemhndaep、ngaiz ranz aeuyungh hoenghvuengh daengj gaiq gwn ndoet siuhfei daegdiemj, haeujlaeg guh “feih Gvangjsih·cieng doxcomz” gaiq gwn ndoet coi gai hozdung, daiqdoengh gaiq gwn ndoet siuhfei hoizfuk riengjret.

Vangjloz siuhfei baujciz demmaj riengjret. Mboengq ngoenzgyaj, daengx gih gak dieg cujciz guh ciet huq cieng gwnz muengx bi 2024、2024 bi duzlungz cigboq cienciengz daengj vangjloz coi siuhfei baenzroix hozdung, coicaenh vangjloz siuhfei demmaj. Daihsoq- gawq yienh’ok, mboengq ngoenzgyaj daengx gih saedyienh vangjloz soq gai lingz doengzbeij demmaj 39.6%.

(Gvangjsih Sanghvudingh)