Ciuq Cungguek Deihsaenqdaiz Vangj caekdingh, 2 nyied 15 hauh 14 diemj 02 faen, youq Hozciz Si Denhngoz Yen （bwzveij 24.99 doh, dunghgingh 106.99 doh） miz 4.4 gaep deihsaenq, goeksaenq laeg 10 goengleix. Dieg saenq cungqgyang youq henzgyawj Denhngoz Yen Yangyangz Cin, liz yienhsingz Denh- ngoz Yen 18 goengleix、 Hozciz Si cwngzgih 178 goengleix、Nanzningz Si 278 goengleix. Deihsaenq le, Swcigih Dangjveij suhgi Liuz Ningz、Swcigih cujsiz Lanz Denhliz doq guh bae, iugouz gyagiengz gamcaek deihsaenq, sikhaek diuhcomz miz- gven bouhmonz cienzmienh baizcaz vunz sieng vunz dai caeuq deng cai cingzgvang, haenqrengz baujcang vunzlai sengmingh cienzcaiz ancienz. Aeu nyinhcaen baizcaz gij huxndumj aiq miz de, gibseiz yawhcaek yawh- gingj, fuengzre laebdaeb miz deih- saenq.

Ciuq Swcigih Dangjveij baijbouh iugouz, Swcigih Yinggiz Gvanjlijdingh、Dicingiz daengj bouhmonz gyagiengz yawhgingj gamcaek caeuq faensik yenzgiu buenqduenh, gaenxmaenx guh hong wngqgip cawqceq. Hozciz Si hainduj deihsaenq caihaih Ⅳ wngqgip hoizwngq, comz dangdeih siuhfangz、wngqgip、veigen daengj bouhmonz guh cienzmienh baizcaz diegguenj, haed- caz vunz sieng vunz dai caeuq deng cai cingzgvang, haenqrengz fuengzre vaqgej deihsaenq caihaih fungyiemj. Mizgven hong cingq miz bouhloh guh.

Daengz 2 nyied 16 hauh banhaet 10 diemj, baez deihsaenq neix miz 189 aen ranz ciengz deng dek di, caengz raen miz vunz sieng vunz dai、mbouj raen、deng gvaek caeuq ranz loemqlak, doengsaenq、gunghdienh、roenloh cingqciengz. Liz diegsaenq cungqgyang 10 goengleix gvaengx- laengx miz aen suijgu hung ndeu（Lungzdanh Suijgu）、2 aen suijgu iq（Vuzbingyenj Suijgu）; 10 daengz 20 goengleix gvaengxlaengx miz 2 aen suijdencan iq; 20 daengz 50 goeng- leix gvaengxlaengx miz 46 aen suijgu（suijdencan） rauh iq; ginggvaq baizcaz, seizneix Lungzdanh Dencan caeuq Denhngoz Yen Bazlaz、Bazhau、Bwzsih、Nacouh、Lahnganz、Gwngdan、Lahyaz daengj suijgu cungj mbouj miz maz cingzgvang, Denh- ngoz Yen diegguenj mbouj aenvih deihsaenq deng gwn raemx mbouj ancienz.

(Cinz Yizcwz daj 《Gvangjsih Yizbau》 aeu daeuj hoiz)