Diuz itcien itbak lingz haj Souciengx wng- dang bae aen bouhmonz minzcwng yinzminz cwngfuj yienhgaep doxhwnj daenggeiq. Gij gvanhaeh souciengx daj ngoenz daenggeiq hainduj laebbaenz.

Souciengx bouxcaengzhung ra mbouj raen bohmehseng de ne, aen bouhmonz minzcwng banh- leix daenggeiq de wngdang youq daenggeiq gaxgonq guh gunghgau.

Bouxnangqsaeh ndaw gvanhaeh souciengx nyienh dinghlaeb hezyi souciengx ne, ndaej dingh- laeb aen hezyi souciengx.

Bouxnangqsaeh ndaw gvanhaeh souciengx gak mbiengj roxnaeuz mbiengj ndeu iugouz banh gij goengcingq souciengx ne, wngdang banh aen goengcingq souciengx.

Aen bouhmonz minzcwng yinzminz cwngfuj yienhgaep doxhwnj wngdang bae bingzguj sou- ciengx.

Diuz itcien itbak lingz roek Baenz gvanhaeh souciengx le, gungh’anh gihgvanh wngdang ciuq gij gvidingh mizgven guekgya vih boux deng souciengx daenggeiq hugouj.

Diuz itcien itbak lingz caet Lwggyax roxnaeuz bouxlwg bohmehseng ciengx mbouj hwnj de, ndaej youz gij caencik、baengzyoux bohmehseng bae ciengx; gij gvanhaeh bouxciengx caeuq boux- dengciengx mbouj habyungh gij gvidingh cieng neix.

Diuz itcien itbak lingz bet Gvan(baz) mbiengj ndeu dai bae, lingh mbiengj soengq ciengx bouxlwg caengz hung ne, bohmeh mbiengj bouxdai de miz gienz aeu ma ciengx gonq.

Diuz itcien itbak lingz gouj Vunz guekrog ciuqfap ndaej youq Cunghvaz Yinzminz Gunghozgoz souciengx lwgnyez.

Vunz guekrog youq Cunghvaz Yinzminz Gung- hozgoz souciengx lwgnyez，aeu ginggvaq gij gih- gvanh cawjguenj aen guek de youq haenx ciuq gij faplwd guek de saemjcaz doengzeiq. Bouxsouciengx aeu daezhawj gij caizliu cwngmingz gij yienghsaeh lumjbaenz nienzgeij、vaenyaen、ciknieb、caizcanj、ndanggenq、deng mbouj deng hingzfad gvaq daengj youz aen gihgou mizgienz guek de ok haenx, caemhcaiq caeuq bouxsoengqciengx okcih dinghlaeb hezyi, caenndang bae laeng aen bouhmonz minz- cwng yinzminz cwngfuj swngj、swcigih、cizyazsi daenggeiq.

Gij caizliu cwngmingz gvanj gonq gvidingh haenx, aeu ginggvaq aen gihgvanh vaigyauh roxnaeuz aen gihgou ndaej aen gihgvanh vaigyauh hawj gienz ndaw guek bouxsouciengx nyinhcingq, caemhcaiq ginggvaq aen sijlingjgvanj Cunghvaz Yinzminz Gunghozgoz capyouq aen guek haenx nyinhcingq, hoeng, cawz ok guekgya lingh miz gvidingh.

Diuz itcien itbak itcib Bouxsouciengx、bouxsoengqciengx iugouz souj red gij baexmaed souciengx ne, bouxwnq aeu gingqcungh gij eiqnyienh de, mbouj ndaej laeuh ok.

Ciet Daihngeih Yiengh Mizyauq Souciengx

Diuz itcien itbak itcib it Daj ngoenz baenz gvanhaeh souciengx hainduj, faenh gienzleih nem yivu boh(meh)ciengx caeuq lwgciengx haenx, hab- yungh gij gvidingh mizgven yiengh gvanhaeh bohmeh lwgnyez aen fap neix; faenh gienzleih nem yivu lwgciengx caeuq caencik gyawj boh(meh)ciengx haenx, habyungh gij gvidingh mizgven yiengh gvanhaeh lwg caeuq caencik gyawj boh(meh)ciengx aen fap neix.

Faenh gienzleih caeuq yivu lwgciengx nem bohmehseng caiqlix caencik gyawj de, aenvih baenz le gvanhaeh souciengx cix siu bae.

Diuz itcien itbak itcib ngeih Lwgciengx ndaej aeu gij singq bohciengx roxnaeuz mehciengx, bouxnangqsaeh doxyaeng itcaez le, hix ndaej louz gij singq gaxgonq.

Diuz itcien itbak itcib sam Yiengh souciengx miz cungj yienghsaeh hengz faplwd minzsaeh dwg bien cungjcwz aen fap neix gvidingh fouzyungh de roxnaeuz boihfanj gij gvidingh bien neix de mbouj suenqsoq.

Yiengh souciengx mbouj suenqsoq de daj gyaeuj daengz rieng mbouj miz gij rengzhaed faplwd.

Ciet Daihsam Gejcawz Gvanhaeh Souciengx

Diuz itcien itbak itcib seiq Boux deng souciengx baenzvunz gaxgonq, bouxsouciengx mbouj ndaej gejcawz gvanhaeh souciengx, hoeng cawz ok bouxsouciengx、bouxsoengqciengx song mbiengj doxyaeng gejcawz. Lwgciengx miz bet hopbi doxhwnj ne, aeu cam bonjfaenh de doengzeiq.

Bouxsouciengx mbouj guh faenh ciengx lwg de, miz gij yienghsaeh nyoegnyamx、vutgveng daengj ciemqhaih gij gienzik habfap boux lwgciengx caengz hung ne, bouxsoengqciengx miz gienz iugouz gejcawz gij gvanhaeh souciengx boh(meh)ciengx caeuq lwgciengx. Bouxsoengqciengx、bouxsou- ciengx doxyaeng mbouj gangjbaenz gejcawz gvan- haeh souciengx ne, ndaej gauq daengz yinzminz fazyen.

Diuz itcien itbak itcib haj Boh(meh)ciengx caeuq lwgciengx gaenq hung de gvanhaeh mbouj ndei、caemh youq mbouj ndaej ne, ndaej doxyaeng gejcawz gvanhaeh souciengx. Doxyaeng mbouj baenz ne, ndaej gauq daengz yinzminz fazyen.

Diuz itcien itbak itcib roek Bouxnangqsaeh doxyaeng gejcawz gij gvanhaeh souciengx ne, aeu daengz aen bouhmonz minzcwng guh daenggeiq gejcawz gvanhaeh souciengx.

Diuz itcien itbak itcib caet Gejcawz gij gvanhaeh souciengx le, faenh gienzleih nem yivu lwgciengx caeuq boh(meh)ciengx caiqlix gizyawz caencik gyawj de couh siu bae, faenh gienzleih nem yivu caeuq bohmehseng caiqlix gizyawz caencik gyawj de couh gag dauqfuk. Hoeng, faenh gienzleih nem yivu lwgciengx gaenq hung caeuq bohmehseng nem gizyawz caencik gyawj de dwg mbouj dwg dauqfuk, ndaej doxyaeng daeuj doekdingh.

Diuz itcien itbak itcib bet Gejcawz gij gvanhaeh souciengx le, lwgciengx youz boh(meh)ciengx ciengx hung de, doiq boux boh(meh)ciengx mbouj guh ndaej hong youh mbouj miz ngaenz gvaq ndwenngoenz, aeu hawj ngaenz gvaq ndwenngoenz. Aenvih lwgciengx hung le nyoegnyamx、vutgveng boh(meh)ciengx cix gejcawz gij gvanhaeh souciengx ne, boh(meh)ciengx ndaej iugouz lwgciengx dienz- bouj gij cienzciengxlwg mboengq souciengx yungh bae.

Bohmehseng iugouz gejcawz gij gvanhaeh souciengx ne, boh(meh)ciengx ndaej iugouz boh- mehseng habdangq dienzbouj gij cienzciengxlwg mboengq souciengx yungh bae; hoeng cawz ok aenvih boh(meh)ciengx nyoegnyamx、vutgveng lwg- ciengx cix gejcawz gvanhaeh souciengx.

Bien Daihroek Ciepswnj

Cieng Daih’it Gvidingh Baeznaengz

Diuz itcien itbak itcib gouj Bien neix diuzcingj gij gvanhaeh minzsaeh ok ndaw ciepswnj.

Diuz itcien itbak ngeihcib Guekgya baujhoh gij gienzciepswnj swyenzyinz.

第一千一百零五条  收养应当向县级以上人民政府民政部门登记。收养关系自登记之日起成立。

收养查找不到生父母的未成年人的，办理登记的民政部门应当在登记前予以公告。

收养关系当事人愿意签订收养协议的，可以签订收养协议。

收养关系当事人各方或者一方要求办理收养公证的，应当办理收养公证。

县级以上人民政府民政部门应当依法进行收养评估。

第一千一百零六条  收养关系成立后，公安机关应当按照国家有关规定为被收养人办理户口登记。

第一千一百零七条  孤儿或者生父母无力抚养的子女，可以由生父母的亲属、朋友抚养；抚养人与被抚养人的关系不适用本章规定。

第一千一百零八条  配偶一方死亡，另一方送养未成年子女的，死亡一方的父母有优先抚养的权利。

第一千一百零九条  外国人依法可以在中华人民共和国收养子女。

外国人在中华人民共和国收养子女，应当经其所在国主管机关依照该国法律审查同意。收养人应当提供由其所在国有权机构出具的有关其年龄、婚姻、职业、财产、健康、有无受过刑事处罚等状况的证明材料，并与送养人签订书面协议，亲自向省、自治区、直辖市人民政府民政部门登记。

前款规定的证明材料应当经收养人所在国外交机关或者外交机关授权的机构认证，并经中华人民共和国驻该国使领馆认证，但是国家另有规定的除外。

第一千一百一十条  收养人、送养人要求保守收养秘密的，其他人应当尊重其意愿，不得泄露。

第二节   收养的效力

第一千一百一十一条  自收养关系成立之日起，养父母与养子女间的权利义务关系，适用本法关于父母子女关系的规定；养子女与养父母的近亲属间的权利义务关系，适用本法关于子女与父母的近亲属关系的规定。

养子女与生父母以及其他近亲属间的权利义务关系，因收养关系的成立而消除。

第一千一百一十二条  养子女可以随养父或者养母的姓氏，经当事人协商一致，也可以保留原姓氏。

第一千一百一十三条  有本法第一编关于民事法律行为无效规定情形或者违反本编规定的收养行为无效。

无效的收养行为自始没有法律约束力。

第三节  收养关系的解除

第一千一百一十四条  收养人在被收养人成年以前，不得解除收养关系，但是收养人、送养人双方协议解除的除外。养子女八周岁以上的，应当征得本人同意。

收养人不履行抚养义务，有虐待、遗弃等侵害未成年养子女合法权益行为的，送养人有权要求解除养父母与养子女间的收养关系。送养人、收养人不能达成解除收养关系协议的，可以向人民法院提起诉讼。

第一千一百一十五条  养父母与成年养子女关系恶化、无法共同生活的，可以协议解除收养关系。不能达成协议的，可以向人民法院提起诉讼。

第一千一百一十六条  当事人协议解除收养关系的，应当到民政部门办理解除收养关系登记。

第一千一百一十七条  收养关系解除后，养子女与养父母以及其他近亲属间的权利义务关系即行消除，与生父母以及其他近亲属间的权利义务关系自行恢复。但是，成年养子女与生父母以及其他近亲属间的权利义务关系是否恢复，可以协商确定。

第一千一百一十八条  收养关系解除后，经养父母抚养的成年养子女，对缺乏劳动能力又缺乏生活来源的养父母，应当给付生活费。因养子女成年后虐待、遗弃养父母而解除收养关系的，养父母可以要求养子女补偿收养期间支出的抚养费。

生父母要求解除收养关系的，养父母可以要求生父母适当补偿收养期间支出的抚养费；但是，因养父母虐待、遗弃养子女而解除收养关系的除外。

第六编  继承

第一章  一般规定

第一千一百一十九条  本编调整因继承产生的民事关系。

第一千一百二十条  国家保护自然人的继承权。

（69 caengz sat）

（壮文稿由中国民族语文翻译局提供）