Gizyawz hag baez ndeu couh rox, nyiengh- naengh cix mbouj ndei hag geijlai, mizseiz mbouj youq mwh ceiq habngamj hwnqdaeuj, mizseiz bouxwnq nyiengh gonq lo. Baez daih’it ndaej nyiengh hawj vunz naengh mienx mbouj ndaej gikdoengh, fajnaj ndatfwdfwd, roxnyinh gij vunz seiqhenz cungj baiqfug dwk yawj gou, ciep dwk ngeix ciengz dem ciengz saehndei mbouj louz mingz, guh daengz vihliux gouq aen seiqgyaiq gien ok diuzmingh nienzoiq.

Gou youq haujlai seiz vut diuz mingh bae gvaq lo. Lumjbaenz mwh hagdangz gyonjcomz swng geiz, daihgya cungj nyinhcaen dingq lingjdauj son’gyauq, hoeng gou cix ngeix, fangzyak cingq gunghoenx gizneix. Fangzyak ndaej dwg Gohswhlah, ndaej dwg duz lungzsamgyaeuj, hix ndaej dwg Daidanj, hoeng aenndang bietdingh hungloet, beizheiq bietdingh gaenj, bietdingh bouxboux yawj ndaej raen, bouxboux cungj yieplau、muenghduenh, maqmuengh bouxgouqseiq daeuj daengz. Mwh yienghyiengh bwh ndaej cingq habngamj, gou fwt ngiengx gyaeuj, daengx ndang miz ok saekgim ronghgywg, lumj fagnaq liz yienz daj gwnz namh nyingz bae, ronz gvaq conghhoz duz fangzyak gyaepbya rim doh haenx, sikleg aenndang maenghcoek duz fangzyak. Dangyienz, mizseiz mbouj ndaej baenzneix swnh, fangzyak giengzak seiz, gou deng dwkbaih haujlai baez, doek roengz gwnz namh daemj baenz congh gumz ndeu. Gyoengqvunz seiqhenz swenjsaeng- saeng、daejnga’nga, seizneix dahsau ndiepgyaez itdingh yawj gou, caemhcaiq haeujheiq gou, mboujne couhcinj gou mbouj deng lot saekdi hix mbouj ndaej caiq saenqhwnj. Doxbuek haenqrem seiz, dahsau ndiepgyaez cungj baenz doenghyiengh ndaej gaijbienq hingzseiq, gyoengqde sim’in dwk raemxda rih、saenqnyaemh gou haeujheiq gou, roxnaeuz gyoengqde bungzdeng yungyiemj cied- muengh seiz, gou ndang deng siengnaek hix rongxhuhu, rengz ndaw ndang gou boedfat, singseiq hung’ak di ndeu cungj mbouj nyieg gvaq singhgiuz bauqcaq, engqlij cij aeu yaep baez da ndeu, fangzyak couh deng gyaep mbinmbang sinzbanz bae.

Seizcoz ngeixnaemj caeuq gyoengq dahsau doxliz mbouj ndaej. Gou daj lajmbanj fwzgyae okdaeuj, maqmuengh cingzndiep oklaeng seizcoz cungdoengh caeuq ciuqhag denyingj ndaw saw. Daihgya cungj miz boux amqlienh, gou hix amqlienh, simmuengh caeuq de ciuhvunz doxgyaez、baenzseiq doxbuenx. Dah gou ndiepgyaez haenx mizseiz dwg dah sau caen mizyouq ndeu, caeuq de youq laj go vayinghvah haihoengh doxbungz, song boux doxcim seizhaenx couh doxndiep, haujlai baez cingqngamj raennaj gvaqlaeng doxraen doxrox doxgyaez, ginggvaq saekdi loengnyinh caeuq daemdengj, doeklaeng cungj ndaej yienfwngz、doxcup.

Ngamq hainduj ngeixnaemj, youq seizcoz doxcup dwg gij saeh gvaqbouh, lumjnaeuz cup le doeklaeng couh ndeindup baenzcaez, gvaq gij ndwenngoenz vuenyungz. Gvaqlaeng yawj le doengh gij lwgnyez mbouj hab yawj haenx, hix gaenriengz binienz demmaj, aenndang maqmuengh engq lai, dah ngeixnaemj de bienq ndaej engq lai, ngeixnaemj guh gij saeh de hix gaenriengz lai haenq, haujlai seiz cungdoengh、yahcienh caeuq mbouj cingqging. Hoeng youq ndaw yienhsaed, gou caeuq gyoengq dahsau doxndiep cungj mbouj dwg gig swnhleih, mizseiz amqlienh dah sau ndeu, ngeix ok haujlai doxienq doxhaemz, hoeng daj gyaeuj daengz byai caengz gangj gvaq saek coenz vah.

Daengz seizcoz le, gou bienq ndaej engq simlangh、simhai、gaujgvaiq, ndaej hawj gyoengq- vunz henzndang angqyangz. Hoeng gou rox swhgeij ndawsim gag yawjsiuj swhgeij, aenvih swhgeij dwg bouxvunz daemqdet mingzyienj ndeu, aenvih mbouj miz naj bae gagnyinh ndaw daeh mbouj miz cienz, hix caeuq gij saeh seiznyez mizgven. Gou lau caiq baez deng golaeb, daegdaengq muenz gij saeh doenghbaez, siengj hawj lai di vunz gvansim. Gou sim bak mbouj doengz, mizseiz ndawsim roxnyinh dwg yienghneix, gangj okdaeuj youh dwg yiengh- haenx, yawj seiz guh saeh, yawj rumz vad ruz, daezgonq raek gaiq moegngeg bouxvunzhung cij baenzneix yiengh. Cijmiz bouxvunz dog seiz, cijndaej aenndang aensim cuengqsoeng liux, bienq dauq guh swhgeij cij roxnyinh daengz simsoeng youh cwxcaih.

Gou dajneix roxnyinh bouxvunz dog cix mbouj dwglau, menhmenh raen daengz gij yinxdaeuz ndawde.

Gou menhmenh haeujmaez naengh ci, baenz- neix gagyouq gig ancienz, seiqhenz cauzhuhu cungj dwg bouxnajseng, gingjsaek mbouj dingz bienqvaq, mbouj miz vunz gauxca. Gou ceiq maij naengh youq diegnaengh baiz baihlaeng yawj ok rog cueng bae, aensim ngeixnaemj ndei, gij gingjsaek dangqnaj lij miz cungj eiqsei wnq: Ndwenngoenz dauqma. Giz- dieg neix cauh ok cungj dauqngeix ndeindup ndeu, yienznaeuz gou rox ngeix lai mbouj yungzheih lumz saehgonq, hoeng mbouj miz saekdi siengjfap yaek ndoj deuz.

Doeg cunghyoz seiz haemq hoj cienz, cij ndaej naengh cigunghgyauh, maenz ndeu song maenz, ndaej heux aen singz baebae dauqdauq youzlangh. Gou doiq sojmiz doxgaiq baihrog roxnyinh geizheih dangqmaz, lumj boux hagseng ndei noix guh gunghgo roengzrengz bouj hag. Gou suk youq gok cigunghgyauh cazyawj aen seiqgyaiq neix, cazyawj song henz roen doengh aen diemqbouq、doenghgij gaicawx gak cungj gak yiengh、vunz byaij gwnz roen saeknaj mbouj doengz, ngiengxyawj ranzlaeuz hungloet sang’vid, hix yawj gij vunz hwnj ci roengz ci, cazyawj gyoengqde baenzlawz byaij saeknaj dwg baenzlawz yiengh, cai gyoengqde ngeix gijmaz. Gou baenz boux caegyawj, caegyawj doengh yiengh dangqnaj raen haenx, dauqneix doengh gij saehgonq, sim ngeix gij saeh yaek mizok haenx, yienznaeuz haujlai saeh camhseiz mbouj caengz rox.

Hwnj daihhag, naengh cidabah、cidungceh bae daengz gizdieg engq gyae, daj aen yienh aen cin seiqhenz daengz aen hawsingz wnq, mizseiz iu baengzyoux doxcomz, mizseiz gag boux vunz ndeu youq. Daihhag sam nienzgaep bae engq gyae, daj Yilinz naengh hojceh hwnz ndeu daengz Cungzging, naengh feihgih bae Lahsaz, youh naengh cidabah bae Yizgahcwz, youq laj din Byacuhmuzlangjmaj dingz roengzdaeuj, guhbaenz gienh saeh daengx ciuh vunz singseiq hungmbwk ndeu.

（3）

其他的学一次就会，让座不太好学，有时没在最恰当的时候起身，有时候别人先让了。第一次让座成功难免激动，脸颊发烫，觉得周边的人都在崇拜地看着自己，接着脑补一场又一场做好事不留名的大戏，直到为了拯救世界献出年轻的生命。

我在许多时候付出过自己的生命。比如学校进行升旗集会时，大家都在认真聆听领导的教诲，而我的世界中，恶魔正在进攻这里。恶魔可以是哥斯拉，可以是三头龙，可以是泰坦，但体型必须硕大，脾气必须暴烈，必须所有人都看得见，所有人都惊恐、绝望，期盼救世主的出现。氛围铺垫得恰到好处时，我猛然抬头，周身散发金色光芒，如离弦的箭矢从地面射起，穿透恶魔布满鳞片的喉咙，撕裂恶魔强壮的身体。当然，有时候不会那么顺利，恶魔十分强大时，我会无数次被击落，在地面砸出深坑。周围的人尖叫、哭泣，这种时候心仪的女孩子一定要看见我，并且鼓励我，不然哪怕我毫发无损也不会重新振奋。在激烈的战斗中，心仪的女孩总会成为转折工具，她们流下爱的泪水、发出信任的鼓励，或者她们面临危险绝望时，身负重伤的我发出怒吼，躯体里的力量呈指数爆发，壮观程度丝毫不弱于超新星爆发，甚至只需眨一下眼皮，恶魔便被轰得灰飞烟灭。

年轻时的幻想和女孩们分不开。我从闭塞的农村走出，对爱情的渴望源于青春期本能的冲动和对电影书本的效仿。大家都有暗恋的对象，我也暗恋着，憧憬与她海誓山盟、白头偕老。爱情的幻想对象有时是具体的某个姑娘，与她在烂漫的樱花树下相遇，眼神对视的那一刻便互生情愫，在诸多巧合后相识相知相爱，经过一些误会和挫折，最后都能牵手、亲吻。

在最初的幻想里，亲吻是青春最僭越的行为，仿佛亲了嘴就能圆满大结局，过上幸福的生活。往后看了些少儿不宜的东西，也随着年龄增长，生理的欲望加大，幻想的对象变得广泛起来，幻想的尺度也随之加大，有了许多不可言说的冲动、猥琐与变态。然而在现实中，我和女孩们的爱情总不会很顺利，有时暗恋某个女孩，幻想了无数的恩怨纠葛，自始至终却未说过一句话。

进入青春期后，我变得外向、开朗、搞怪，能给身边人带来快乐。可我明白自己骨子里是自卑的，源于肉眼可见的矮个子，源于耻于承认的囊中羞涩，也和童年的遭遇分不开。我害怕再次被孤立，刻意隐瞒过去，想要更多人的关心。我变得心口不一，有时心里觉得是这样，说出来又是那样，审时度势，见风使舵，提前戴上成年人才有的面具。只有独处的时候，才能让身心彻底放松，找到一种回归自我的轻松与舒适。

我由此觉得独处并不可怕，慢慢挖掘其中的乐趣。

我逐渐着迷于乘坐交通工具，这是一种非常安全的独处，周边嘈杂的都是陌生人，景象不断变化，无人能打扰。我最喜欢坐在后排位置看窗外，情绪酝酿足够，眼前变化的景象还可以有另一种意味：时光倒流。这样的场域构建出完美的回忆之屋，尽管我明白深陷其中不利于放下过往，却生不出丁点逃避的念头。

中学时比较拮据，只能坐公交车，一块两块，可以绕着城市兜兜转转。我对外面的一切充满好奇，像个错过功课的好学生狠狠补习。我缩在公交车角落观察这个世界，观察道路两边应接不暇的铺面、琳琅满目的商品、神色各异的行人，仰望高耸的大楼，也看上车下车的人，观察他们的动作和神态，猜测他们的内心。我成了偷窥者，窥视眼前所见的种种，回溯过去消逝的种种，揣摩即将发生的种种，尽管许多事暂时不得而知。

上了大学，坐大巴、动车去更远的地方，从周边县镇到其他城市，有时候呼朋唤友，有时候独自一人。大三寒假去得最远，从玉林坐了一夜火车去重庆，坐飞机去拉萨，又坐大巴到日喀则，在珠穆朗玛峰脚下止步，完成了自己人生中的一次壮举。