2 nyied 2 hauh, Aen Hoih Daengx Gih Minzcunghveij Cujyin youq Nanzningz hai. Aen hoih cienzmienh gvancez doeksaed gij cingsaenz Ngeihcib Daih Dangj, haeujlaeg gvancez doeksaed gij cingsaenz gezcwz baijbouh youqgaenj Aen Hoih Daengx Guek Minzveij Cujyin caeuq Swcigih, cungjgez hong bi 2023, anbaiz yinvu bi 2024. Swcigih Dangjveij suhgi、Swcigih Yinzda Cangzveijvei cujyin Liuz Ningz guh bae naeuz aeu guh ndei hong minzcuz caeuq cunghgyau daengx gih.

Liuz Ningz naeuz, bi 2023, daengx gih minzcungh hidungj haeujlaeg hagsib gvancez gij cingsaenz Ngeihcib Daih Dangj, netsaed guh ndei hong gak gizdieg minzcuz cunghgyau, minzcuz doxgiet byaij youq daengx guek baihnaj. Bineix dwg Cunghvaz Yinzminz Gunghozgoz laebbaenz 75 hopbi, dwg bi gvanhgen saedyienh “cibseiq haj” gviveh moegbiu yinvu, daengx gih minzcungh hidungj aeu nyinhcaen gvancez doeksaed Siz Ginbingz cungjsuhgi gij swhsiengj gvendaengz gyagiengz caeuq gaijndei hong minzcuz、gij lwnhgangj youqgaenj gvendaengz hong cunghgyau, haeuj- laeg gvancez doeksaed gij fanghloz iugouz youqgaenj Siz Ginbingz cungj- suhgi naeuz Gvangjsih, ciuq gij baijbouh iugouz Swcigih Dangjveij Gaiq Cibngeih Baez Hoih Daihcaet、 Swcigih “Song Hoih”， gaenjndaet hopheux couqmaenh gij eiqsik caez- caemh Cunghvaz Minzcuz diuz sienqmeh neix, coihawj gak minzcuz doxcunz doxgyau doxyungz, gyavaiq hwnqguh aen gih yienghndei couq- maenh gij eiqsik caezcaemh Cungh- vaz Minzcuz, coenghrengz raiz bien faenzcieng Gvangjsih yiengh yendaiva Cungguek.

Aen hoih daegbied naeuz, daengx gih gak gaep minzcungh bouhmonz yaek aeu aen swhsiengj sevei cujyi miz daegsaek Cungguek seizdaih moq Siz Ginbingz guh dazyinx, cienzmienh gvancez gij cingsaenz Ngeihcib Daih Dangj, haeujlaeg gvancez doeksaed Siz Ginbingz cungjsuhgi gij swhsiengj gvendaengz gyagiengz caeuq gaijndei hong minzcuz、gij lwnhgangj youq- gaenj gvendaengz hong cunghgyau nem gij fanghloz iugouz youqgaenj naeuz Gvangjsih, doidoengh aeu couqmaenh gij eiqsik caezcaemh Cunghvaz Minzcuz doeksaed daengz daengx aen gocwngz gak fuengmienh “roek aen hwnqguh”, aeu cauhlaeb aen gyaranz cingsaenz caezcaemh Cunghvaz Minzcuz guh yinxlingx, haenqrengz hwnqguh aen gyaranz baenzmiz vuenyungz caezcaemh、aen gyaranz huzndei dawzmeuz dox- coengh、aen gyaranz gyaeundei habyouq souh gyaeu、aen gyaranz bingzan onjdingh bien’gyaiq, gyavaiq doicaenh hwnqguh aen gih yienghndei couqmaenh gij eiqsik caezcaemh Cunghvaz Minzcuz, ok rengz hung coengh raiz bien faenzcieng Gvangjsih yiengh yendaiva Cungguek.

（Linz Gozfungh Veiz Yingjcinh）