2 nyied 1 hauh, Aen Hoih Daengx Gih Dungjcan Bucangj youq Nanzningz hai. Aen hoih haeujlaeg gvancez Siz Ginbingz cungjsuhgi gij swhsiengj youqgaenj gvendaengz guh ndei hong dungjyiz cansen dangj seizdaih moq caeuq gij fanghloz iugouz hungnaek naeuz Gvangjsih, gvancez doeksaed gij cingsaenz Aen Hoih Daengx Guek Dungjcan Bucangj, cungjgez guhhong, baijbouh yinvu bi 2024. Swcigih Dangjveij suhgi Liuz Ningz guh bae. Swcigih Dangjveij Dungjcanbu bu- cangj Vangz Sinhfu camgya caemhcaiq gangjvah.

Liuz Ningz naeuz, bi 2023, daengx gih dungjyiz cansen haeujlaeg hagsib gvancez gij cingsaenz Ngeihcib Daih Dangj, hopheux hong cungqgyang Swcigih Dangjveij, gaenx guh gaenx rap, rengzrwd doidoengh gak giz hong dungjcan aeundaej cingzcik moq. Bineix dwg Cungguek moq laebbaenz 75 hopbi, dwg bi gvanhgen saedyienh “cibseiq haj” gviveh moegbiu yinvu, daengx gih dungjyiz cansen aeu haeujlaeg gvancez doeksaed Siz Ginbingz cungjsuhgi gij swhsiengj youqgaenj gvendaengz guh ndei hong dungjyiz cansen dangj seizdaih moq caeuq gij fanghloz iugouz hungnaek naeuz Gvangjsih, ciuq baijbouh iugouz Aen Hoih Daengx Guek Dungjcan Bucangj caeuq Swcigih Dangjveij Gaiq Cibngeih Baez Hoih Daihcaet、Swcigih “Song Hoih”, dingjmaenh dangj cienzmienh lingjdauj hong dungjyiz cansen, gaenjndaet hopheux couq- maenh gij eiqsik caezcaemh Cunghvaz Minzcuz diuz sienqmeh neix, okrengz engq lai, mboujduenh gyamaenh hwngfat aen gizmen ndei gak cuz bouxminz doxgiet buekguh, comz rengz hung coengh raiz bien faenzcieng Gvangjsih yiengh yendaiva Cungguek.

Aen hoih daegbied naeuz, aeu haeujlaeg habsib gvancez Siz Ginbingz cungjsuhgi gij swhsiengj youqgaenj gvendaengz guh ndei hong dungjyiz cansen dangj seizdaih moq, laegdaeuq gaemdawz aen hingzseiq moq yinvu moq hong dungjcan bungz daengz de, cietsaed lai roxnyinh cwzyin caeuq dawzrap guh ndei hong dungjcan. Aeu haenqrengz doinyoengx hwnqguh aen gih yienghndei couqmaenh gij eiqsik caezcaemh Cunghvaz Minzcuz, cinj- deng gaemndei moegbiu yinvu, cauh- laeb aen gwzgiz lai mbiengj doxlienz, mboujduenh gyamaenh hwngfat aen gizmen ndei gak cuz bouxminz doxgiet buekguh; aeu guh ndei baenzroix baijbouh Dangjcunghyangh caeuq Swcigih Dangjveij gvendaengz hong dungjcan, doidoengh gak giz hong dungjcan hwngfat ndei saed; aeu gyagiengz dangj cienzmienh lingjdauj hong dungjcan, dawzcinj cwngci fuengyiengq deng, daezsang gij naengzlig guh doekdeih, mboujduenh haicauh aen gizmen moq hong dungjcan gih raeuz, coenghrengz raiz bien faenzcieng Gvangjsih yiengh yendaiva Cungguek.

(Swcigih Dangjveij Dungjcanbu Yenzgiusiz)