（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz itcien lingz betcib caet Mwh lizvwnh, gij caizcanj gvanbaz caemhmiz de, youz song mbiengj doxyaeng cawqleix; doxyaeng mbouj baenz ne, youz yinzminz fazyen yawj caizcanj baenzlawz, ciuq aen yenzcwz goq bouxlwg、mbiengj mehmbwk caeuq mbiengj mbouj miz loek de guh buenqgiet.

Doengh gij gienzik gvan roxnaeuz yah youq gagranz bauguh diegdeih yiengjmiz haenx, wngdang ciuqfap baujhoh.

Diuz itcien lingz betcib bet Gvanbaz mbiengj ndeu aenvih ganq lwg、guenj bouxlaux、bang lingh mbiengj guhhong haemq lai ne, mwh lizvwnh miz gienz laeng lingh mbiengj aeu dienzbouj, lingh mbiengj wngdang dienzbouj hawj de. Baenzlawz guh youz song mbiengj doxyaeng; doxyaeng mbouj baenz ne, youz yinzminz fazyen buenqgiet.

Diuz itcien lingz betcib gouj Mwh lizvwnh, gij dawzcaiq gvanbaz caezcaemh de wngdang itcaez boiz. Gij caizcanj caezcaemh mbouj gaeuq dienzcaiq roxnaeuz caizcanj gvi gak boux ne, youz song mbiengj doxyaeng boiz liux; doxyaeng mbouj baenz ne, youz yinzminz fazyen buenqgiet.

Diuz itcien lingz goujcib Mwh lizvwnh, danghnaeuz mbiengj ndeu ndwenngoenz hoj gvaq, lingh mbiengj miz rengz rapdawz de aeu habdangq bangcoengh. Baenzlawz guh youz song mbiengj doxyaeng; doxyaeng mbouj baenz ne, youz yinzminz fazyen buenqgiet.

Diuz itcien lingz goujcib it Miz saek yiengh lajneix, cauhbaenz lizvwnh ne, mbiengj mbouj miz loek de miz gienz cingjgouz dienzboiz sonjhaih:

(It) Aeu(haq)coemq;

(Ngeih) Caeuq bouxwnq caemhyouq;

(Sam) Youq ndaw ranz guhyak；

(Seiq) Nyoegnyamx、vutgveng vunzranz;

(Haj) Gij loengloek hungloet wnq.

Diuz itcien lingz goujcib ngeih Gvanbaz mbiengj ndeu yolumx、senjdeuz、okgai、dwkvaih、saisaengq gij caizcanj gvanbaz caemhmiz, roxnaeuz gyajcauh gij dawzcaiq gvanbaz caemhmiz siengj ciemq gij caizcanj lingh mbiengj ne, mwh lizvwnh faen gij caizcanj gvanbaz caemhmiz de, doiq mbiengj haenx ndaej noix faen roxnaeuz mbouj faen. Lizvwnh le, lingh mbiengj raen miz yiengh saeh baihgwnz gangj ne, ndaej gauq daengz yinzminz fazyen, cingjgouz caiq baez faen gij caizcanj gvanbaz caemhmiz.

Cieng Daihhaj Souciengx

Ciet Daih’it Baenz Gvanhaeh Souciengx

Diuz itcien lingz goujcib sam Bouxcaengz- hung lajneix, ndaej deng souciengx:

(It) Lwggyax mbouj miz bohmeh;

(Ngeih) Bouxcaengzhung ra mbouj raen boh- mehseng;

(Sam) Bouxlwg bohmehseng miz hojnanz daeg- bied ciengx mbouj ndaej haenx.

Diuz itcien lingz goujcib seiq Gagvunz、cujciz lajneix ndaej guh bouxsoengqciengx:

(It) Bouxgamhoh lwggyax；

(Ngeih) Aen gihgou fukleih lwgnyez；

(Sam)Bohmehseng miz hojnanz daegbied ciengx mbouj ndaej bouxlwg.

Diuz itcien lingz goujcib haj Gij bohmeh bouxcaengzhung cungj mbouj miz naengzlig caezcup hengz minzsaeh caemhcaiq aiq sienghaih boux- caengzhung neix youqgaenj ne, bouxgamhoh boux- caengzhung neix ndaej dawz de soengq ciengx.

Diuz itcien lingz goujcib roek Bouxgamhoh soengq ciengx lwggyax ne, aeu cam boux miz faenh ciengx de doengzeiq. Boux miz faenh ciengx de mbouj doengzeiq soengq ciengx、bouxgamhoh youh mbouj nyienh caiq guh gamhoh ne, wngdang ciuq gij gvidingh bien daih’it aen fap neix lingh dingh bouxgamhoh.

Diuz itcien lingz goujcib caet Bohmehseng soengq ciengx bouxlwg, aeu song mbiengj caez- caemh soengq ciengx. Bohmehseng mbiengj ndeu mbouj rox dwg byawz roxnaeuz ra mbouj raen ne, ndaej mbiengj dog soengq ciengx.

Diuz itcien lingz goujcib bet Bouxsouciengx aeu doengzseiz miz gij diuzgienh lajneix:

(It) Mbouj miz lwg roxnaeuz ngamq miz lwg dog;

(Ngeih) Miz rengz ciengx、son caeuq hen boux deng souciengx;

(Sam) Mbouj miz gij bingh gwnz yihyoz nyinh- naeuz mbouj wngdang souciengx lwgnyez;

(Seiq) Mbouj miz gij geiqloeg famhfap famhcoih mbouj leih boux deng souciengx cangqheiq hungmaj;

(Haj) Nienzgeij rim samcib hopbi.

Diuz itcien lingz goujcib gouj Souciengx boux lwgnyez doengzsaemh faennga goetyiet sam daih dauqndaw, ndaej mbouj deng gij gvidingh hangh daihsam ndaw diuz itcien lingz goujcib sam、hangh daihsam ndaw diuz itcien lingz goujcib seiq caeuq diuz itcien itbak lingz ngeih aen fap neix hanhhaed.

Vazgyauz souciengx boux lwgnyez doengz- saemh faennga goetyiet sam daih dauqndaw, lij ndaej mbouj deng gij gvidingh hangh daih'it ndaw diuz itcien lingz goujcib bet aen fap neix hanhhaed.

Diuz itcien itbak Bouxsouciengx mbouj miz lwg ndaej souciengx song boux lwgnyez; boux- souciengx miz lwg cij ndaej souciengx boux lwgnyez ndeu.

Souciengx lwggyax、bouxcaengzhung ndangcanz roxnaeuz bouxcaengzhung ra mbouj raen bohmeh- seng youq aen gihgou fukleih lwgnyez ciengx haenx, ndaej mbouj deng gvanj gonq caeuq gij gvidingh hangh daih’it ndaw diuz itcien lingz goujcib bet aen fap neix hanhhaed.

Diuz itcien itbak lingz it Boux miz gvan(yah) souciengx lwgnyez, wngdang gvanbaz caezcaemh souciengx.

Diuz itcien itbak lingz ngeih Boux mbouj miz yah(gvan) souciengx lwgmbwk (lwgsai) ne, gij nienz- geij bouxsouciengx caeuq boux deng souciengx aeu cengca seiqcib hopbi doxhwnj.

Diuz itcien itbak lingz sam Bohlaeng roxnaeuz mehlaeng ging bohmehseng lwgboh(meh)gonq doengzeiq, ndaej souciengx lwgboh(meh)gonq, caemhcaiq mbouj deng gij gvidingh hangh daihsam ndaw diuz itcien lingz goujcib sam、hangh daihsam ndaw diuz itcien lingz goujcib seiq、diuz itcien lingz goujcib bet caeuq gvanj daih’it ndaw diuz itcien itbak aen fap neix hanhhaed.

Diuz itcien itbak lingz seiq Bouxsouciengx souciengx caeuq bouxsoengqciengx soengq ciengx, wngdang song mbiengj gag nyienh. Souciengx bouxcaengzhung bet hopbi doxhwnj ne, aeu cam boux deng souciengx de doengzeiq.

第一千零八十七条  离婚时，夫妻的共同财产由双方协议处理；协议不成的，由人民法院根据财产的具体情况，按照照顾子女、女方和无过错方权益的原则判决。

对夫或者妻在家庭土地承包经营中享有的权益等，应当依法予以保护。

第一千零八十八条  夫妻一方因抚育子女、照料老年人、协助另一方工作等负担较多义务的，离婚时有权向另一方请求补偿，另一方应当给予补偿。具体办法由双方协议；协议不成的，由人民法院判决。

第一千零八十九条  离婚时，夫妻共同债务应当共同偿还。共同财产不足清偿或者财产归各自所有的，由双方协议清偿；协议不成的，由人民法院判决。

第一千零九十条  离婚时，如果一方生活困难，有负担能力的另一方应当给予适当帮助。具体办法由双方协议；协议不成的，由人民法院判决。

第一千零九十一条  有下列情形之一，导致离婚的，无过错方有权请求损害赔偿：

（一）重婚；

（二）与他人同居；

（三）实施家庭暴力；

（四）虐待、遗弃家庭成员；

（五）有其他重大过错。

第一千零九十二条  夫妻一方隐藏、转移、变卖、毁损、挥霍夫妻共同财产，或者伪造夫妻共同债务企图侵占另一方财产的，在离婚分割夫妻共同财产时，对该方可以少分或者不分。离婚后，另一方发现有上述行为的，可以向人民法院提起诉讼，请求再次分割夫妻共同财产。

第五章  收养

第一节  收养关系的成立

第一千零九十三条  下列未成年人，可以被收养：

（一）丧失父母的孤儿；

（二）查找不到生父母的未成年人；

（三）生父母有特殊困难无力抚养的子女。

第一千零九十四条  下列个人、组织可以作送养人：

（一）孤儿的监护人；

（二）儿童福利机构；

（三）有特殊困难无力抚养子女的生父母。

第一千零九十五条  未成年人的父母均不具备完全民事行为能力且可能严重危害该未成年人的，该未成年人的监护人可以将其送养。

第一千零九十六条  监护人送养孤儿的，应当征得有抚养义务的人同意。有抚养义务的人不同意送养、监护人不愿意继续履行监护职责的，应当依照本法第一编的规定另行确定监护人。

第一千零九十七条  生父母送养子女，应当双方共同送养。生父母一方不明或者查找不到的，可以单方送养。

第一千零九十八条  收养人应当同时具备下列条件：

（一）无子女或者只有一名子女；

（二）有抚养、教育和保护被收养人的能力；

（三）未患有在医学上认为不应当收养子女的疾病；

（四）无不利于被收养人健康成长的违法犯罪记录；

（五）年满三十周岁。

第一千零九十九条  收养三代以内旁系同辈血亲的子女，可以不受本法第一千零九十三条第三项、第一千零九十四条第三项和第一千一百零二条规定的限制。

华侨收养三代以内旁系同辈血亲的子女，还可以不受本法第一千零九十八条第一项规定的限制。

第一千一百条  无子女的收养人可以收养两名子女；有子女的收养人只能收养一名子女。

收养孤儿、残疾未成年人或者儿童福利机构抚养的查找不到生父母的未成年人，可以不受前款和本法第一千零九十八条第一项规定的限制。

第一千一百零一条  有配偶者收养子女，应当夫妻共同收养。

第一千一百零二条  无配偶者收养异性子女的，收养人与被收养人的年龄应当相差四十周岁以上。

第一千一百零三条  继父或者继母经继子女的生父母同意，可以收养继子女，并可以不受本法第一千零九十三条第三项、第一千零九十四条第三项、第一千零九十八条和第一千一百条第一款规定的限制。

第一千一百零四条  收养人收养与送养人送养，应当双方自愿。收养八周岁以上未成年人的，应当征得被收养人的同意。

（68 caengz sat）

（壮文稿由中国民族语文翻译局提供）