Miz haujlai vunz cungj cam gou majhung le yaek guh gijmaz hong? Mwh lij iq gou cungj naeuz aeu dang lauxsae. Aenvih daxmeh、daxboh gou cungj dwg lauxsae. Lauxsae ndaej son gyoengqraeuz haujlai cihsiz, son raeuz haujlai guhvunz dauhleix, ndaej vunzlai gingqcungh.

Hoeng, seizneix gou gaijbienq siengjfap lo, gou seizneix ceiq maq- muengh dang boux canghyw ndeu, aenvih canghyw ndaej yw bouxbingh, ndaej dawz diuzmingh vunz daj ndaw fwngz fangzdai beng dauqma. Daeg- bied dwg bi 2020 fat gij binghraq bwtndat haenx, hawj guek raeuz lienz daengz vunz daengx biengz cungj deng nanh liux, hawj gou engq rox canghyw akmaenh. Moix baez yawj densi gangjnaeuz gizlawz youh miz vunz deng raq, gizlawz yied daeuj yied lai vunz deng bingh lo, gou amqamq roengz gietsim, daj seizneix hwnj itdingh aeu ndeindei hag cihsiz, lai yawj gij saw ywbingh haenx, majhung le gou aeu lumj Cungh Nanzsanh daxgoeng yienghhaenx buet bae dieg binghraq, vih guekgya raeuz、vih beksingq raeuz ok gij rengz swhgeij. Baez binghraq neix, hawj vunz guek raeuz lienz daengz vunz daengx seiqgyaiq deng cainanh, sonjsaet mboujmiz banhfap gujsuenq, haujlai vunz daimingh, daengx biengz ginghci hix hwnj mbouj bae lo, neix hawj gou engq giendingh aen siengjfap majhung le guh canghyw.

Danghnaeuz gou majhung le, gou siengsaenq gou guh ndaej daengz, mbouj duenh haenqrengz hagsib gij cihsiz ywbingh, mboujguenj bungz daengz gijmaz bingh, gou cungj miz bonjsaeh miz banhfap yw bouxbingh ndei.

Seizneix yienznaeuz gou ngamq doeg siujyoz roek nienzgaep, hoeng gou itdingh daj seizneix hwnj ndeindei hagsib, baezlaeng roengzrengz hagcib yihyoz fuengmienh cihsiz, caemhcaiq doeg sozsw yenzgiuswngh、bozsw yenzgiuswngh, hawj swhgeij aen uk lai rox lai lingz……

Daengzcog gou majhung le, gou itdingh aeu lumj Cungh Nanzsanh daxgoeng yienghneix, ndaw uk cang rim cihsiz ywbingh, moix ngoenz cungj aeu gij cihsiz daeuj bang bouxbingh, hawj gyoengqvunz mboujmiz bingh- nanh、 mboujmiz indot.

许多亲戚朋友都问我，长大了你想当什么？在很小很小的时候，我总是回答：“长大后我想当一名教师。”因为我的爸爸、妈妈都是老师。老师可以教大家许多知识，教大家许多做人的道理，老师可以受到人民群众的尊敬。

但是，现在的我改变了当初的想法，如今的我最希望当一名医生，因为医生可以治病，可以把病人从死亡线上拉回来。特别是2020年爆发的新冠肺炎疫情给我国乃至全人类带来的灾难，更让我体会到医生的伟大与神圣。每次看到电视新闻播报哪儿又有多少人被传染，某某地方越来越多的人感染，我暗自下定决心，从现在起，我一定要好好学习知识，多看有关医学方面的书籍，长大后，我要像钟南山爷爷一样，冲在第一线，为国家、为人民贡献自己绵薄之力！这次新冠肺炎疫情给全国人民乃至全世界人民带来了不可估量的损失，许多人失去了宝贵的生命，经济也受到严重打击，这更坚定我长大后要当医生的想法。

长大后，我相信通过我的努力，不断学习医学知识，一定能够用自己的医术去帮助和救治很多病人。

现在的我虽然还是一名六年级的学生，但从今天起我会好好学习，将来好好学习医学方面的知识，甚至努力读硕士研究生、博士研究生，让自己掌握渊博的知识……

我长大后，我会像钟南山爷爷一样，脑海里装满医学知识，每天用自己所学的知识帮助别人，使人类没有病魔、没有痛苦。

(lauxsae sonyinx: Luz Dungh- ginz/指导老师：陆冬群)