1 nyied 26 hauh, bouhmonz dietloh cingqsik hainduj gij hong daehyinh vunzlai ma ranz gvaq cieng bineix. Hozciz Si Duh’anh Gauh- dezcan、 Duh’anh Gicehcan yaek miz hek daeuj lai lo. 1 nyied 26 hauh daengz 2 nyied 26 hauh, Gung- cinghdonz Duh’anh Yenveij caeuq Cunghdez Nanzningz Giz Mbaenq Liujcouh Cehvu Donzveij guh “bouxcoz guh gagnyienh raeuj diuz roen ma ranz” bi 2024 “aen hengz- doengh raeuj seizdoeng” bouxcoz Duh’anh gagnyienh fugsaeh vunzlai ma ranz gvaq cieng. Daengx yienh gungh miz 30 lai vunz bouxgagnyienh dazyinx vunzlai cawx biuq、hen ndei gijliz、wngqgip gouqcoengh daengj gagnyienh hozdung. Gyoengqde lij soengq cih “fuk”、doiqcieng caeuq raemxraeuj, hawj vunzlai seizdoeng dauqma ranz roxnyinh raeujsim raixcaix.

（Dwng Cozgaij/邓卓凯）